‘പ്രണയത്തിലാണ്, അടുത്ത വര്‍ഷം വിവാഹനിശ്ചയം’; പങ്കാളിയെ പരിചയപ്പെടുത്തി നിവേദ് ആന്റണി

നിവേദ് ആന്റണിയേയും റഹീമിനേയും ആരും അങ്ങനെ മറക്കില്ല. കേരളത്തിലെ രണ്ടാമത്ത ഗേ ദമ്പതികളായിരുന്നു ഇരുവരും. ആറ് വര്‍ഷം നീണ്ട പ്രണയത്തിനൊടുവിലായിരുന്നു ഇരുവരും വിവാഹിതരായത്. ഒരു മാസത്തിനുള്ളില്‍ രണ്ട് പേരും പിരിഞ്ഞു.

ഇപ്പോഴിതാ സന്തോഷവാര്‍ത്ത പങ്കുവച്ച് രംഗത്തെത്തിയിരിക്കുകയാണ് നിവേദ് ആന്റണി. വീണ്ടും വിവാഹിതനാകാന്‍ പോകുന്നുവെന്നാണ് നിവേദ് വ്യക്തമാക്കിയിരിക്കുന്നത്. പ്രണയിക്കുന്ന ആളുടെ ചിത്രവും നിവേദ് പങ്കുവച്ചു. നിഖില്‍ എന്നാണ് ആളുടെ പേര്. 2023 ല്‍ വിവാഹ നിശ്ചമുണ്ടാകുമെന്നും നിവേദ് വ്യക്തമാക്കുന്നു.

ബോഡി ബില്‍ഡറും ഫിറ്റ്‌നസ് ട്രെയ്‌നറുമാണ് നിഖില്‍. ഇരുവരുടേയും ഡേറ്റിംഗ് കാലം കഴിഞ്ഞു. ഇനി നിഖിലുമായുള്ള റിലേഷന്‍ഷിപ്പ് ആണെന്നാണ് നിവേദ് പറയുന്നത്. ഇരുവര്‍ക്കും അഭിനന്ദനം അറിയിച്ച് നിരവധി പേരാണ് രംഗത്തെത്തിയിരിക്കുന്നത്.

കേരളം ഏറെ ആഘോഷിച്ച വിവാഹമിയിരുന്നു നിവേദിന്റേയും റഹീമിന്റേയും. റഹീമുമായി പിരിഞ്ഞ ശേഷം വിഷാദത്തിന്റെ കാലത്തിലൂടെയാണ് താന്‍ കടന്നുപോയതെന്ന് നിവേദ് വ്യക്തമാക്കിയിരുന്നു. ഒരു ചങ്ങാതിയെ നഷ്ടപ്പെട്ടതുപോലെയാണ് തനിക്ക് തോന്നിയതെന്നും നിവേദ് പറഞ്ഞിരുന്നു. ആ ട്രോമയില്‍ നിന്ന് പുറത്തുവന്ന നിവേദ് സിംഗിള്‍ പേരന്റ് ആകാനുള്ള ശ്രമവും നടത്തിയിരുന്നു.