മനസ്സിലൊരു ബാലാമണി ഉണ്ട്, അത് അങ്ങനെ തന്നെ നിലനില്‍ക്കട്ടെ; കിടിലന്‍ നവ്യാ ചിത്രം വൈറലായി

ദിലീപ് നായകനായ ഇഷ്ടം എന്ന ചിത്രത്തിലൂടെ കടന്ന് വന്ന ധന്യ നായര്‍ എന്ന നവ്യക്ക് പിന്നീട് കൈ നിറയെ സിനിമകളായിരുന്നു. അന്നത്തെ ഒട്ടുമിക്ക സൂപ്പര്‍ ഹിറോകളുടെ കൂടെയും നവ്യ അഭിനയിച്ചിരുന്നു. 2002-ല്‍ പുറത്തിറങ്ങിയ നന്ദനം എന്ന ചിത്രത്തിലെ അഭിനയം ശ്രദ്ധയാകര്‍ഷിച്ചിരുന്നു. ഇതിലെ അഭിനയത്തിന് മികച്ച നടിക്കുള്ള കേരള സംസ്ഥാന ചലച്ചിത്ര പുരസ്‌കാരവും നവ്യ സ്വന്തമാക്കി.

താരം പത്താം ക്ലാസ്സില്‍ പഠിക്കുമ്പോഴാണ് സിനിമാ മേഘലയിലേക്ക് കടന്ന് വരുന്നത്. അഭിനയത്തിന് പുറമെ ഒരു നര്‍ത്തകി കൂടിയാണ് താരം. ചെറുപ്പത്തിലേ നൃത്തം അഭ്യസിച്ച നവ്യ നായര്‍ ആലപ്പുഴ ജില്ലയുടെ യുവജനോത്സവത്തില്‍ കലാതിലകപട്ടം നേടിയിരുന്നു.

സോഷ്യല്‍ മീഡിയയില്‍ സജീവമായ താരത്തിന്റെ പുതിയ ചിത്രമാണ് ഇപ്പോള്‍ വൈറലാവുന്നത്. പുത്തന്‍ മേക്കോവറില്‍ അതീവ സുന്ദരിയായുള്ള ചിത്രങ്ങളാണ് നവ്യ നായര്‍ പോസ്റ്റ് ചെയ്തത്. നിമിഷനേരം കൊണ്ടായിരുന്നു ചിത്രങ്ങള്‍ വൈറലായി മാറിയത്. നിരവധി കമന്റുകളുമായെത്തിയിട്ടുള്ളത്. പുത്തന്‍ ചിത്രങ്ങളില്‍ നിന്നും കണ്ണെടുക്കാനാവുന്നില്ലെന്നായിരുന്നു ആരാധകര്‍ പറഞ്ഞത്. നെറ്റിയില്‍ പൊട്ടില്ലാത്തത് ചെറിയ കുറവായി തോന്നുന്നുവെന്നായിരുന്നു ചിലര്‍ കമന്റിട്ടത്.

സിനിമയില്‍ സജീവമായിരിക്കെ 2010ല്‍ ആയിരുന്നു നടിയുടെ വിവാഹം. മുംബൈയില്‍ ജോലി ചെയ്യുന്ന സന്തോഷ് എന്‍ മേനോനാണ് താരത്തിന്റെ വരന്‍. വിവാഹ ശേഷം സിനിമയില്‍ നിന്നും വിട്ടുനിന്ന നവ്യ പിന്നീട് അവതാരകയുടെ വേഷത്തിലാണ് പ്രത്യക്ഷപ്പെട്ടത്. സൂര്യ ടീവിയില്‍ സംപ്രഷണം ചെയ്ത റിയാലിറ്റി ഷോയിലൂടെയായിരുന്നു താരം അവതാരകയായി എത്തിയത്. വൈകാതെ നടി നൃത്തമേഘലയിലും സജ്ജീവമാവാന്‍ തുടങ്ങി. ശേഷം അഭിനയത്തിലേക്കും തിരിച്ച് വന്നു.