കാശ് ഉള്ള ഒരു നടി തനിക്ക് ഇഷ്ടമുള്ളവര്‍ക്ക് സഹായം ചെയ്യുന്നത് പുതുമയല്ല, എന്നാല്‍ അത് കൊടുക്കാനുള്ള ഒരു മനസാണ് വേണ്ടത്, നയന്‍സിന് അതുണ്ട്; നയന്‍താരയെ പുകഴ്ത്തി താരത്തിന്റെ അമ്മായിയമ്മ

സൗത്ത് ഇന്ത്യയിലെ ലേഡി സൂപ്പര്‍ സ്റ്റാറാണ് നയന്‍താര. മലയാളത്തിലൂടെ അഭിനയം ആരംഭിച്ച് തമിഴില്‍ എത്തിയ നയന്‍സ് സൗത്ത് ഇന്ത്യന്‍ സിനിമകളുടെ ലേഡി സൂപ്പര്‍ സ്റ്റാറായി മാറുകയായിരുന്നു.

ബോളിവുഡിലും അരങ്ങേറ്റത്തിന് ഒരുങ്ങുകയാണ് നയന്‍സ്. ഷാരൂഖ് ചിത്രം ജവാനിലൂടെയാണ് നയന്‍സ് ബോളിവുഡ് അരങ്ങേറ്റത്തിന് ഒരുങ്ങുന്നത്. ആറ്റ്‌ലിയാണ് ചിത്രം സംവിധാനം ചെയ്യുന്നത്. ചിത്രത്തിന്റെ ഷൂട്ടിങ് പുരോഗമിക്കുകയാണ്.

എന്നാല്‍ ഇതിനിടയില്‍ താരം അമ്മയായിരുന്നു. നയന്‍താരയ്ക്കും ഭര്‍ത്താവ് വിഘ്‌നേഷ് ശിവനും കുഞ്ഞ് ജനിച്ചിരുന്നു. വാടക ഗര്‍ഭധാരണത്തിലൂടെയായിരുന്നു ഇരുവര്‍ക്കും ഇരട്ട കുട്ടികള്‍ ജനിച്ചത്.

ഇതിന്റെ ചിത്രങ്ങളും വിശേഷങ്ങളും താരത്തിന്റെ ആരാധകര്‍ക്കിടയില്‍ ശ്രദ്ധ നേടിയിരുന്നു. ഇപ്പോഴിത താരത്തിനെ കുറിച്ച് നയന്‍സിന്റെ അമ്മായി അമ്മയായ വിഘ്‌നേഷ് ശിവന്റെ അമ്മ പറഞ്ഞ വാക്കുകളാണ് ആരാധകര്‍ക്കിടയില്‍ ശ്രദ്ധ നേടുന്നത്.

കാശ് ഉള്ള ഒരു നടി തനിക്ക് ഇഷ്ടമുള്ളവര്‍ക്ക് സഹായം ചെയ്യുന്നത് പുതുമയല്ല, എന്നാല്‍ അത് കൊടുക്കാനുള്ള ഒരു മനസാണ് വേണ്ടത്. അങ്ങനെയുള്ള ആളാണ് നയന്‍താര എന്നാണ് വിഘ്‌നേഷിന്റെ അമ്മ പറയുന്നത്.

അടുത്തിടെ ഒരു മീഡിയ പോര്‍ട്ടലിനു നല്‍കിയ അഭിമുഖത്തിലാണ് വിഘ്‌നേഷിന്റെ അമ്മയായ മീന കുമാരി മരുമകളെ പുകഴ്ത്തി സംസാരിച്ചത്.
ഞങ്ങളുടെ വീട്ടില്‍ നാല് പുരുഷന്മാരും നാല് സ്ത്രീകളും അടക്കം എട്ട് പേരാണ് സഹായത്തിനുള്ളത്. ഒരിക്കല്‍ ഈ കൂട്ടത്തിലുള്ള സഹായിയായ ഒരു സ്ത്രീ സങ്കടപ്പെടുന്നത് കണ്ട് നയന്‍ അവരോട് കാരണം ചോദിച്ചു.

തനിക്ക് ചില സാമ്പത്തിക പ്രശ്‌നങ്ങളുണ്ടെന്നും കടം തീര്‍ക്കാന്‍ നാല് ലക്ഷം രൂപ വേണമെന്നുമാണ് അവര്‍ പറഞ്ഞത്. ഇത് കേട്ടയുടനെ മകള്‍ കടം തീര്‍ക്കാന്‍ നാല് ലക്ഷം രൂപ കൊടുക്കുകയായിരുന്നുവെന്നാണ് മീന കുമാരി പറഞ്ഞത്.

കാശ് ഉള്ള ഒരു നടി തനിക്ക് ഇഷ്ടമുള്ളവര്‍ക്ക് സഹായം ചെയ്യുന്നത് പുതുമയല്ല, എന്നാല്‍ അത് കൊടുക്കുന്നുള്ള ഒരു മനസാണ് വേണ്ടത്. അങ്ങനെയാണ് നയന്‍താര എന്നാണ് മീന കുമാരി പറയുന്നത്. നയന്‍സിന്റെ അമ്മ കേരളത്തില്‍ നിന്ന് വരുമ്പോള്‍ അവര്‍ക്ക് തന്റെ സ്വര്‍ണ്ണ വള സമ്മാനിച്ചിരുന്നുവെന്നും മീന കുമാരി പറഞ്ഞു.

വിഘ്‌നേഷിന്റെ അമ്മയുടെ വാക്കുകള്‍ നയന്‍സ് ആരാധകര്‍ ആഘോഷമാക്കിയിട്ടുണ്ട്. അതേസമയം 2015-ല്‍ പുറത്തിറങ്ങിയ ‘നാനും റൗഡി താന്‍’ എന്ന ചിത്രത്തിലൂടെയാണ് വിഘ്‌നേഷും നയന്‍സും പ്രണയത്തിലാകുന്നത്.

വിഘ്‌നേഷ് സംവിധാനം ചെയ്ത ചിത്രത്തില്‍ നായികയായത് നയന്‍സ് ആയിരുന്നു. ഏഴ് വര്‍ഷത്തെ ലിവിങ് റിലേഷനു ശേഷം 2022 ജൂണില്‍ നയന്‍താരയും വിഘ്‌നേഷും വിവാഹിതരായി.