പഠാൻ സിനിമയെ പ്രശംസിച്ച് പ്രധാന മന്ത്രി നരേന്ദ്ര മോഡി ; വെറുതെയായി ബിജെപിയുടെ ബഹിഷ്കരണ ആഹ്വാനങ്ങൾ

ഷാരുഖ് ഖാൻ നായകനായി എത്തിയ പുതിയ ചിത്രം പഠാൻ മികച്ച വിജയം നേടി പ്രദർശനം തുടരുകയാണ്.

സിദ്ധാർത്ഥ് ആനന്ദ് സംവിധാനം ചെയ്ത ചിത്രം 13 ദിവസം കൊണ്ട് 865 കോടി രൂപ കളക്ഷൻ നേടിക്കഴിഞ്ഞു.

നീണ്ട ഇടവേളക്ക് ശേഷം തിയേറ്ററിൽ എത്തുന്ന ഷാരുഖ് ചിത്രം ആയിരുന്നു പഠാൻ. ദീപിക നായികയായി എത്തിയ ചിത്രം വിവാദങ്ങളിലും പെട്ടിരുന്നു.

ചിത്രത്തിലെ ഒരു ഗാന രംഗത്തിൽ ദീപിക കവി നിറത്തിലുള്ള ബിക്കിനി ധരിച്ചത് ആയിരുന്നു വിവാദം ആയത്.

ഇതിന് പിന്നാലെ സിനിമക്ക് എതിരെ ബഹിഷ്കരണ ആഹ്വനവുമായി ബിജെപി രംഗത്ത് വരികയും ചെയ്തിരുന്നു

എന്നാൽ ഈ ബഹിഷ്കരണ ആഹ്വാനങ്ങൾക്ക് ഇടയിലും സിനിമ ബോക്സ്‌ ഓഫീസിൽ വൻ കുതിപ്പ് നടത്തുകയാണ്.

ചിത്രത്തിന് എതിരെ ബിജെപി ബഹിഷ്കരണ ആഹ്വാനം നടത്തുന്നതിന് ഇടയിൽ ചിത്രത്തിനെ പ്രശംസിച്ച് വന്നിരിക്കുകയാണ് പ്രധാനമന്ത്രി നരേന്ദ്രമോദി.

ശ്രീനഗറിലെ ഇനോക്‌സ് റാം മുൻഷി ബാഗിൽ നടന്ന പഠാന്റെ ഹൗസ്‌ഫുൾ ഷോകളെ കുറിച്ച് ആണ് പ്രധാനമന്ത്രി നരേന്ദ്രമോദി അഭിനന്ദിച്ച് സംസാരിച്ചത്.

ലോകസഭയിൽ സംസാരിക്കവെയാണ് മോദിയുടെ പ്രശംസ. ദശാബ്ദങ്ങൾക്കിപ്പുറം ശ്രീനഗറിലെ തിയേറ്ററുകൾ ഹൗസ്ഫുൾ ആയി എന്നാണ് മോദി പറഞ്ഞത്.

ജനുവരി 25-നായിരുന്നു ചിത്രത്തിന്റെ റിലീസ്. ഷാരൂഖിനൊപ്പം ദീപിക പദുക്കോണും ജോൺ എബ്രഹാമും ലീഡ് റോളുകളിൽ ഉണ്ട്.

30 വർഷങ്ങൾക്ക് ശേഷം ശ്രീനഗറിലെ തിയേറ്റർ ഹൌസ് ഫുൾ ആയിരുന്നു. ഇതിൽ നന്ദി പറഞ്ഞ് തിയേറ്റർ ഉടമകൾ എത്തിയിരുന്നു.പത്താൻ സിനിമക്കും ഷാരുഖ് ഖാനും ആയിരുന്നു തിയേറ്റർ ഉടമകൾ നന്ദി അറിയിച്ചത്.