ഇതുവരെ സിനിമയില് ഒന്നും അഭിനയിച്ചിട്ടില്ലെങ്കിലും ഒരു സിനിമാതാരത്തിന് ലഭിക്കുന്ന അതേ പരിഗണന തന്നെയാണ് മീനാക്ഷി ദിലീപിന് ലഭിക്കാറ്. അതുപോലെ സിനിമ താരങ്ങളുമായി അടുത്ത സൗഹൃദമുണ്ട് മീനാക്ഷിക്ക്. മീനാക്ഷിയുടെ അടുത്ത സുഹൃത്താണ് നമിത പ്രമോദ്. ഇവര് തമ്മിലുള്ള സൗഹൃദം സോഷ്യല് മീഡിയയില് ചര്ച്ചയായിരുന്നു. ഇപ്പോള് മീനാക്ഷിയെ കുറിച്ച് നമിത പറഞ്ഞ വാക്കുകളാണ് വൈറല് ആവുന്നത്. തുടക്കത്തില് മീനാക്ഷിക്ക് ഭയങ്കര അഹങ്കാരം ആണെന്നാണ് കരുതിയിരുന്നത്. പിന്നീട് ആ തെറ്റിദ്ധാരണ മാറിയെന്ന് നമിത പറഞ്ഞു.
സൗണ്ട് തോമ സെറ്റില് വന്നപ്പോള് മീനാക്ഷി നമിതയോട് അധികം സംസാരിച്ചിരുന്നില്ല. എന്തൊരു ജാഡയാണെന്നായിരുന്നു അന്ന് താന് മീനാക്ഷിയെക്കുറിച്ച് മനസില് പറഞ്ഞതെന്ന് നമിത പറയുന്നു. ഇടയ്ക്ക് ഒന്ന് നോക്കി ചിരിച്ചു, പിന്നീട് ആണ് ആ തെറ്റുദ്ധാരണ മാറിയതെന്ന് നമിത പറഞ്ഞു.
ഒരു യുഎസ് ട്രിപ്പില് വെച്ചായിരുന്നു സംസാരിച്ച് തുടങ്ങിയത്, നാദിര്ഷയുടെ മക്കളും അന്ന് ഇവര്ക്കൊപ്പമുണ്ടായിരുന്നു. അവര് നോക്കി ചിരിക്കുന്നുണ്ടെങ്കിലും മീനാക്ഷി തന്നെ കാണാത്തത് പോലെ ഇരിക്കുകയായിരുന്നുവെന്ന് നമിത പറയുന്നു. ഫ്ളൈറ്റില് കയറിയപ്പോള് അടുത്തടുത്ത സീറ്റിലായിരുന്നു ഇരുന്നത്. ജാഡയാണെന്ന് കരുതി ആദ്യമൊന്നും മിണ്ടിയിരുന്നില്ല, പിന്നീടാണ് സംസാരിച്ച് തുടങ്ങിയതും തെറ്റിദ്ധാരണ മാറിയതുമെന്നും നമിത പറയുന്നു.
ഹോട്ട് ചോക്ലേറ്റായിരുന്നു മീനാക്ഷിയേയും നമിതയേയും അടുപ്പിച്ചത്. ഫ്ളൈറ്റില് സുന്ദരനായൊരു കക്ഷിയുണ്ടായിരുന്നു. കഴിക്കാന് വേണ്ടിയും അവനെ കാണാനുമായി ഹോട്ട് ചോക്ലേറ്റ് വാങ്ങുകയായിരുന്നു ഞങ്ങള്. നാദിര്ഷക്കയുടെ ഇളയ മകളായ ഖദീജയാണ് ഞങ്ങളോട് അവന്റെ പേര് നോക്കാനായി പറഞ്ഞത്. സാഹീല് എന്നോ മറ്റോ ആയിരുന്നു അവന്റെ പേര്. അന്നാണ് മീനാക്ഷിയുമായി താന് ശരിക്കും പരിചയത്തിലായതെന്നായിരുന്നു നമിത പറഞ്ഞത്.