ചില സംവിധായകർ റോൾ ഉണ്ടെന്നു പറഞ്ഞു വിളിക്കും, സിനിമയിലുള്ളത് ആണെന്ന് പറഞ്ഞ് ചില രംഗങ്ങൾ ചിത്രീകരിക്കും, പക്ഷേ അത് സിനിമയ്ക്ക് വേണ്ടി ആയിരിക്കില്ല – പലതവണ വഞ്ചിക്കപ്പെട്ട കഥ വിവരിച്ചു നമിത

നമിതയെ മലയാളി പ്രേക്ഷകർക്ക് പരിചയപ്പെടുത്തേണ്ട ആവശ്യമുണ്ടാവില്ല. ഗ്ലാമർ വേഷങ്ങളിലൂടെ എത്തി തെന്നിന്ത്യൻ സിനിമയിലെ തന്നെ പ്രശസ്ത നടിയായി മാറിയ താരമാണ് അവർ. ക്യാമറയ്ക്കു മുന്നിൽ ഗ്ലാമർ വേഷങ്ങൾ ചെയ്യാൻ വലിയ മടിയില്ലാത്ത താരമാണ് നമിത. നടി അഭിനയിച്ച ഒട്ടേറെ സിനിമകൾ സൂപ്പർ ഹിറ്റ് ആവുകയും ചെയ്തിട്ടുണ്ട്. ഒരുകാലത്ത് യുവാക്കളുടെ ഹരമായിരുന്നു താരം.

എന്നാൽ പിന്നീട് ഗ്ലാമർ റോളുകൾ മാത്രമല്ല മറ്റു റോളുകളും തനിക്ക് ഇണങ്ങുമെന്ന് താരം തെളിയിച്ചിട്ടുണ്ട്. അങ്ങനെയുള്ള റോളുകൾ പല ഭാഷകളിലായി നമിത അഭിനയിച്ചു ഫലിപ്പിച്ചിട്ട്‌മുണ്ട്. അങ്ങനെയുള്ള റോളിനെ പറ്റി പറയുമ്പോൾ പുലിമുരുകൻ എന്ന ചിത്രം ഒരുപക്ഷേ മലയാളികളുടെ മനസ്സിലേക്ക് വന്നേക്കാം. ചിത്രത്തിൽ ജൂലി എന്ന കഥാപാത്രത്തെയാണ് നമിത അവതരിപ്പിച്ചത്. കുറച്ചു നർമ രംഗങ്ങൾ സമ്മാനിച്ച് ആരാധകരുടെ കയ്യടി നേടിയാണ് ജൂലി മടങ്ങിയത്.

തൻറെ സുഹൃത്തായ വീരേന്ദ്ര ചൗധരിയെ ആണ് നമിത വിവാഹം ചെയ്തത്. നാലു വർഷങ്ങൾക്കു മുൻപായിരുന്നു ഇരുവരുടെയും വിവാഹം. വിവാഹത്തിനു ശേഷം സിനിമയിൽ നിന്നും താരം ഇടവേള എടുക്കുകയുണ്ടായി. അതിനിടയിൽ സിനിമകളിൽ താൻ ഐറ്റം ഡാൻസ് കളിക്ക് ഇല്ലെന്നും താരം തീരുമാനിച്ചിരുന്നു.

ആ തീരുമാനത്തെക്കുറിച്ച് താരം തന്നെ പറയുന്നത് ഇങ്ങനെയാണ്. ചില സംവിധായകർ പ്രധാന കഥാപാത്രമാണ് എന്ന തരത്തിൽ സിനിമയിലേക്ക് വിളിക്കും. കുറച്ചു ഭാഗങ്ങൾ ഒക്കെ ഷൂട്ട് ചെയ്യും. അതിനൊപ്പം ഒരു ഗാന രംഗം ഉണ്ടാവും. പക്ഷേ സിനിമ പുറത്തിറങ്ങുമ്പോൾ മറ്റുള്ള ഭാഗങ്ങൾ എല്ലാം ഒഴിവാക്കിയിട്ട് ഉണ്ടാകും. എന്നാൽ ആ ഗാന രംഗം മാത്രം ഉൾപ്പെടുത്തുകയും ചെയ്യും. പല തവണയായി അങ്ങനത്തെ അനുഭവമുണ്ടായി. പ്രേക്ഷകർ വിചാരിക്കും ഞാൻ ഐറ്റം സോങ് മാത്രമേ ചെയ്യൂ എന്ന്. ഇതോടെ ആണ് ഞാൻ അത് ചെയ്യുന്നില്ല എന്ന തീരുമാനം എടുത്തത്. താരം പറയുന്നു.