ഈ വൃത്തികെട്ടവനെ അറിയുന്നവര്‍ ഒന്ന് പറയണേ.ഇവന്റെയൊക്കെ കുടുംബത്തിലുള്ളവര്‍ സേഫ് ആണോ എന്നു പോലും സംശയം ഉണ്ട്;നാദിറ

മലയാളികൾക്ക് സുപരിചിതയാണ് നാദിറ.തനിക്ക് അശ്ലീല സന്ദേശങ്ങള്‍ അയക്കുന്ന ആളെ തുറന്ന് കാണിച്ചിരിക്കുകയാണ് നാദിറ മെഹ്‌റിന്‍. സ്ത്രീകള്‍ക്ക് വൃത്തികെട്ട മെസേജുകള്‍ അയക്കുന്ന യുവാവിന്റെ പേരും ഫോട്ടോയുമെല്ലാം പങ്കുവച്ചു കൊണ്ടാണ് നാദിറ പ്രതികരിച്ചിരിക്കുന്നത്. ഇന്‍സ്റ്റഗ്രാമിലൂടെയായിരുന്നു നാദിറയുടെ പ്രതികരണം. യുവാവിന്റെ ഫോട്ടോയടക്കം പങ്കുവച്ച് ഇയാളെ അറിയുന്നവര്‍ ആരെങ്കിലും ഉണ്ടോ എന്നാണ് നാദിറ ചോദിക്കുന്നത്.സ്ത്രീകളുടെ അക്കൗണ്ടില്‍ വന്നു മോശമായി ചാറ്റ് ചെയ്യുന്ന ഈ വൃത്തികെട്ടവനെ അറിയുന്നവര്‍ ഒന്ന് പറയണേ. ഇവന്റെ വീട്ടുകാരെ അറിയിക്കാനാ. ഉനൈസ് എന്നാണ് പേര്. ഇവന്റെയൊക്കെ കുടുംബത്തിലുള്ളവര്‍ സേഫ് ആണോ എന്നു പോലും സംശയം ഉണ്ട് എന്നാണ് നാദിറ കുറിച്ചിരിക്കുന്നത്. നാദിറയുടെ സ്‌റ്റോറി സോഷ്യല്‍ മീഡിയയില്‍ ചര്‍ച്ചയായി മാറിയിരിക്കുകായണ്. ഇത്തരക്കാരെ ഇതുപോലെ തന്നെ തുറന്ന് കാണിക്കുകയും പൂട്ടുകയും വേണമെന്നുമാണ് സോഷ്യല്‍ മീഡിയ പറയുന്നത്.

ട്രാന്‍സ് വുമണ്‍ ആയ നാദിറ ഷോയിലൂടെ നേടിയ സ്വീകാര്യത വളരെ വലുതയായിരുന്നു. എല്‍ജിബിടിക്യു കമ്യൂണിറ്റിയെക്കുറിച്ചും ലൈംഗിക ന്യൂനപക്ഷത്തെക്കുറിച്ചുമുള്ള ചര്‍ച്ചകളില്‍ കാര്യമായ ചലനമുണ്ടാക്കാന്‍ നാദിറയ്ക്ക് സാധിച്ചിരുന്നു. തന്റെ നിലപാടുകളും കഴിവും ഹ്യൂമര്‍ സെന്‍സുമൊക്കെ നാദിറയ്ക്ക് ഒരുപാട് ആരാധകരെ നേടിക്കൊടുത്തിരുന്നു.സീസണ്‍ 5 ലെ ഏറ്റവും ശക്തരായ മത്സരാര്‍ത്ഥികളില്‍ ഒരാളായിരുന്നു നാദിറ.പക്ഷെ ഷോയുടെ ഫിനാലെ വരെ എത്താന്‍ നാദിറയ്ക്ക് സാധിച്ചിരുന്നില്ല. എന്നാല്‍ താരം ഷോയില്‍ നിന്നും പുറത്താക്കപ്പെടുകയായിരുന്നില്ല. പണപ്പെട്ടിയെടുത്തു കൊണ്ട് ഷോയില്‍ നിന്നും സ്വയം പുറത്തേക്ക് പോവുകയായിരുന്നു നാദിറ. പത്ത് ലക്ഷത്തിന്റെ പണപ്പെട്ടിയാണ് നാദിറ സ്വീകരിച്ചത്. നാദിറയുടെ ഈ നീക്കവും കയ്യടി നേടിയിരുന്നു. ബിഗ് ബോസിന് ശേഷവും സോഷ്യല്‍ മീഡിയയില്‍ സജീവമാണ് നാദിറ.