കുടുംബത്തിനൊപ്പം മുപ്പതാം പിറന്നാള്‍ ആഘോഷിച്ചു നടി മുക്ത; ഫോട്ടോ കാണാം

ബാലതാരമായി അഭിനയലോകത്ത് എത്തിയ നടിയാണ് മുക്ത്. മലയാളത്തിലൂടെ അരങ്ങേറ്റം കുറിച്ച നടി പിന്നീട് തമിഴ് തെലുങ്ക് കന്നട തുടങ്ങിയ ഭാഷകളില്‍ അഭിനയിച്ചു. തമിഴില്‍ ശ്രദ്ധിക്കപ്പെടുന്ന നടിയായി മാറാന്‍ മുക്തക്ക് സാധിച്ചു. വിവാഹത്തോടെയാണ് നടി അഭിനയത്തില്‍ നിന്ന് മാറി നില്‍ക്കാന്‍ തുടങ്ങിയത്
. ഇപ്പോള്‍ കുടുംബ ജീവിതം ആസ്വദിക്കുകയാണ് ഈ താരം.

ഭര്‍ത്താവ് റിങ്കുവും മകള്‍ കണ്മണിയുമാണ് മുക്തയുടെ ലോകം. എറണാകുളത്ത് ഫ്‌ലാറ്റിലാണ് ഇവര്‍ താമസിക്കുന്നത്. ഈ അടുത്ത് മിനിസ്‌ക്രീനിലൂടെ മുക്ത അഭിനയത്തിലേക്ക് തന്നെ തിരിച്ചു വന്നിരുന്നു. ഇതിനിടെ നടിയുടെ മകള്‍ കണ്മണിയും പുതിയ സിനിമയില്‍ അരങ്ങേറ്റം കുറിച്ചു. സോഷ്യല്‍ മീഡിയയില്‍ സജീവമാണ് ഈ കുടുംബം. മകള്‍ക്കൊപ്പമുള്ള വീഡിയോ പങ്കുവെച്ച് മുക്ത എത്താറുണ്ട്.

ഇപ്പോഴിതാ മുക്തയുടെ 30 പിറന്നാളാണ് ഈ താരകുടുംബം ആഘോഷമാക്കിയത്. ഭര്‍ത്താവിനും മക്കള്‍ക്കും ഒപ്പം പിറന്നാള്‍ കേക്ക് കട്ട് ചെയ്യുന്ന ചിത്രങ്ങളും സോഷ്യല്‍ മീഡിയയില്‍ പോസ്റ്റ് ചെയ്തിട്ടുണ്ട് താരം. നിരവധി പേരാണ് ആശംസ അറിയിച്ച് എത്തുന്നത്.

അതേസമയം 2006 ല്‍ പുറത്തിറങ്ങിയ ലാല്‍ജോസ് ചിത്രം അച്ഛനുറങ്ങാത്ത വീട് എന്ന സിനിമയില്‍ നായികയായി അരങ്ങേറ്റം കുറിച്ച താരം പിന്നീട് നിരവധി ചിത്രങ്ങള്‍ അഭിനയിച്ചു. മലയാളത്തില്‍ വളരെ കുറച്ചു ചിത്രങ്ങളില്‍ മാത്രമേ അഭിനയിച്ചിട്ടുള്ളൂ എങ്കിലും അതെല്ലാം എക്കാലവും ഓര്‍ത്തിരിക്കാവുന്ന കഥാപാത്രങ്ങളായിരുന്നു .