അങ്ങനെ നാഗകന്യക ഇനി മലയാളി പയ്യന് സ്വന്തം. അല്ലേലും മലയാളി പൊളിയാട! പ്രശസ്ത ബോളിവുഡ് നടി മൗനി റോയിയും സൂരജ് നമ്പ്യാരും വിവാഹിതരായി.

മൗനി റോയിയെ മലയാളികൾക്ക് പരിചയപ്പെടുത്തേണ്ട ആവശ്യമില്ല. മലയാളികൾ ഏറെ ഇഷ്ടപ്പെടുന്ന നാഗകന്യകയാണ് മൗനി. ഹിന്ദിയിലെ സൂപ്പർ ഹിറ്റ് പരമ്പരയാണ് നാഗിൻ. മലയാളത്തിലേക്ക് മൊഴിമാറ്റിയ പതിപ്പിൻ്റെ പേരാണ് നാഗകന്യക. ഒരു സൂപ്പർഹിറ്റ് പരമ്പരയാണ് ഇത്. നിരവധി ആരാധകരാണ് ഈ പരമ്പരയിലൂടെ താരത്തിന് ഉണ്ടായത്. മൗനിയുടെ സൗന്ദര്യമേവരും ഇഷ്ടപ്പെടുന്നു. പെൺകുട്ടികളെ പോലും ആകർഷിക്കുന്ന വ്യക്തിയാണ് മൗനി. സാമൂഹ്യ മാധ്യമങ്ങളിൽ മൗനി സജീവമാണ്.

കഴിഞ്ഞ കുറച്ചുവർഷങ്ങളായി താരം സൂരജ് നമ്പ്യാർ എന്ന വ്യക്തിയുമായി റിലേഷൻഷിപ്പിൽ ആയിരുന്നു. കഴിഞ്ഞ കുറച്ചു മാസങ്ങളായി ഇരുവരും ഉടൻ വിവാഹിതരാകുമെന്ന റിപ്പോർട്ടുകളും പ്രചരിച്ചിരുന്നു. ഇപ്പോഴിതാ ഇവർ ഒരുമിച്ചിരിക്കുകയാണ്. ഗോവയിൽ വച്ചാണ് ഇവർ വിവാഹിതരായത്. തെന്നിന്ത്യൻ രീതിയിലാണ് വിവാഹചടങ്ങുകൾ നടന്നത്. അടുത്ത കുടുംബാംഗങ്ങളെ കൂടാതെ ഇരുവരുടെയും സുഹൃത്തുക്കൾ ചടങ്ങിൽ പങ്കെടുത്തു.

ഇതിൻറെ ചിത്രങ്ങൾ ഇപ്പോൾ വൈറലായി കൊണ്ടിരിക്കുകയാണ്. മൗനി റോയ് യുടെ കരിയറിന് ബ്രേക്ക് നൽകിയ പരമ്പരയാണ് നാഗിൻ. പിന്നീട് ദേവോം ക ദേവ് മഹാദേവ് എന്ന് പരമ്പരയിലും താരം അഭിനയിച്ചു. സതീദേവിയുടെ വേഷമാണ് താരം ഇതിൽ അവതരിപ്പിച്ചത്. നാഗിൻ എന്ന പരമ്പര നാഗകന്യക എന്ന പേരിലാണ് സൂര്യ ടിവിയിൽ സംപ്രേഷണം ചെയ്തിരുന്നത്. കൈലാസ നാഥൻ എന്ന പേരിലാണ് ദേവോം ക ദേവ് മഹാദേവ് എന്ന പരമ്പര മലയാളത്തിൽ സംപ്രേക്ഷണം ചെയ്തത്.

മലയാളികൾ ഹൃദയത്തിലേറ്റിയ പരമ്പരയായിരുന്നു ഇത്. അക്ഷയ് കുമാർ നായകനായ ഗോൾഡ് എന്ന ചിത്രത്തിലും താരം അഭിനയിച്ചിരുന്നു. മറ്റ് ചില ബോളിവുഡ് ചിത്രങ്ങളിലും താരം അഭിനയിച്ചിട്ടുണ്ട്. ബിഗ് ബജറ്റ് ബോളിവുഡ് ചിത്രമായ ബ്രഹ്മാസ്ത്ര യിലും താരം അഭിനയിക്കുന്നുണ്ട്. ദുബായിയിൽ ഇൻവെസ്റ്റ്മെൻറ് ബാങ്കറാണ് സൂരജ്.