കളി കാര്യമായോ; സീരിയല്‍ താരങ്ങള്‍ ഒന്നിക്കുന്നു

മലയാളികള്‍ ഇരുകൈയ്യും നീട്ടി സ്വീകരിച്ച പരമ്പരകളില്‍ ഒന്നാണ് മൗനരാഗം. മിണ്ടാപ്രാണിയായ കല്യാണിയെയും അവളുടെ ജീവിതത്തിലേക്ക് കടന്നു വന്ന കിരണിനെയെല്ലാം ആരാധകര്‍ക്ക് ഏറെ ഇഷ്ടമാണ്. യൂത്തും ഏറ്റെടുത്ത പരമ്പരയാണ് മൗനരാഗം. ഇവിടെ കല്യാണിയുടെ വേഷത്തിലെത്തുന്നത് അന്യഭാഷ നടി ഐശ്വര്യയാണ്. കിരണിന്റെ കഥാപാത്രത്തെ അവതരിപ്പിക്കുന്നത് നെലീഫും. അപ്രതീക്ഷിതമായാണ് കല്യാണിയുടെ ജീവിതത്തിലേക്ക് കിരണ്‍ എത്തുന്നത്. പിന്നീട് ഇവര്‍ പോലുമറിയാതെ പരസ്പരം വേര്‍പിരിയാനാവാത്ത വിധം അടുത്തു ഈ താരങ്ങള്‍.

എന്നാല്‍ വീട്ടുകാരില്‍ നിന്ന് ഇവരുടെ വിവാഹത്തിന് കടുത്ത എതിര്‍പ്പാണ് ഉണ്ടായിരുന്നത്. മാത്രമല്ല കിരണിനെ കൊണ്ട് മറ്റൊരു വിവാഹം കഴിപ്പിക്കാനും അവന്റെ വീട്ടുകാര്‍ ശ്രമിച്ചു. അവസാനം ഒരു ആക്‌സിഡന്റ്‌ലൂടെയാണ് ആ തീരുമാനങ്ങള്‍ക്ക് മാറ്റം ഉണ്ടായത്. ഇതിനിടയിലും കല്യാണിക്ക് ആശ്വാസമേകി മറ്റു കഥാപാത്രങ്ങളും ചുറ്റുമുണ്ടായിരുന്നു. ഇപ്പോള്‍ കല്യാണിയുടേയും കിരണിന്റെയും വിവാഹം കാണാനുള്ള കാത്തിരിപ്പിലാണ് ആരാധകര്‍.

നേരത്തെ തന്നെ ഇവരുടെ വിവാഹം നടക്കേണ്ടത് ആണെങ്കിലും പല കാരണങ്ങളാല്‍ അത് മുടങ്ങി പോവുകയായിരുന്നു. എന്നാല്‍ ഇതിനിടെ ഇവിടെ സീരിയലിലെ മറ്റു കഥാപാത്രങ്ങള്‍ ഇവരുടെ വിവാഹം നടക്കുന്നതായി പല തവണ സ്വപ്നം കണ്ടിരുന്നു. ഈ പരമ്പരയില്‍ സ്വപ്നം കാണുന്നത് പതിവായതിനാല്‍ പ്രേക്ഷകര്‍ സീരിയലിന്റെ പെരുമാറ്റണമെന്ന് അഭിപ്രായമുയര്‍ത്തി. മൗനരാഗത്തിന് പകരം സ്വപ്നരാഗം എന്ന പേര് ഇടണം എന്നാണ് പ്രേക്ഷകര്‍ പറയുന്നത്.

ഇപ്പോഴും പുറത്തുവരുന്ന പ്രമോ വീഡിയോയില്‍ ഇവരുടെ വിവാഹം കഴിയുന്നതാണ് കാണിക്കുന്നത് , എന്നാല്‍ അത് സ്വപ്നമായിരിക്കും എന്ന് തന്നെയാണ് പ്രേക്ഷകര്‍ പറയുന്നത്. അതേസമയം ത്രില്ലടിപ്പിച്ചു കൊണ്ടുള്ള രംഗങ്ങളിലൂടെ ആണ് സീരിയല്‍ മുന്നോട്ട് പോകുന്നത് . അത് അന്യഭാഷാ താരങ്ങള്‍ മലയാളത്തില്‍ എത്തിയപ്പോള്‍ ആരാധകര്‍ ഇരുകൈയും നീട്ടി സ്വീകരിക്കുകയായിരുന്നു. ഇവര്‍ക്ക് ആരാധകരും ഏറെയാണ് ഇവരുടെ വിവാഹം കാണാന്‍ കാത്തിരിക്കുകയാണ് പ്രേക്ഷകര്‍.