ആരാണ് യഥാര്‍ത്ഥ കടുവ; പൃഥ്വിരാജ് ചിത്രത്തില്‍ മോഹന്‍ലാല്‍ അതിഥി വേഷത്തിലെത്തുന്നു

നടന്‍ പൃഥ്വിരാജിന്റെ റിലീസിനൊരുങ്ങുന്ന ഏറ്റവും പുതിയ ചിത്രമാണ് കടുവ. ചിത്രത്തിന്റെ രണ്ടാം ടീസര്‍ കഴിഞ്ഞ ദിവസം ആണ് റിലീസ് ചെയ്തത്. സിനിമയില്‍ മോഹന്‍ലാലും അതിഥി വേഷത്തിലെത്തുന്നുണ്ട് എന്ന റിപ്പോര്‍ട്ടാണ് ഏറ്റവും ഒടുവില്‍ പുറത്തുവന്നത്. ടൈംസ് ഓഫ് ഇന്ത്യ ആണ് ഈ കാര്യം റിപ്പോര്‍ട്ട് ചെയ്തത്. 10 മിനിറ്റ് ദൈര്‍ഘ്യമുള്ള അതിഥി വേഷത്തിലാണ് മോഹന്‍ലാല്‍ സിനിമയില്‍ എത്തുക. ഈ വാര്‍ത്ത പുറത്തുവന്നതോടെ സിനിമ കാണാനുള്ള പ്രേക്ഷകരുടെ ആകാംഷയും വര്‍ദ്ധിച്ചു. അതേസമയം എട്ടുവര്‍ഷത്തെ ഇടവേളയ്ക്ക് ശേഷം ഷാജി കൈലാസ് പ്രഖ്യാപിച്ച ചിത്രമാണ് കടുവ.

10 മിനുറ്റ് ദൈര്‍ഘ്യമുള്ള അതിഥി വേഷത്തിലാവും മോഹന്‍ലാല്‍ കടുവയില്‍ എത്തുന്നതെന്നാണ് റിപ്പോര്‍ട്ടില്‍ പറയുന്നത്. ഷാജി കൈലാസിന്റെ തിരിച്ചുവരവറിയിക്കുന്ന ചിത്രം കൂടിയാണ് കടുവ. മലയാളത്തില്‍ എട്ട് വര്‍ഷം നീണ്ട ഇടവേളയ്ക്കു ശേഷം ഷാജി കൈലാസ് ആദ്യമായി പ്രഖ്യാപിച്ച ചിത്രമായിരുന്നു കടുവ.

ആദം ജോണിന്റെ സംവിധായകനും ലണ്ടന്‍ ബ്രിഡ്ജ്, മാസ്റ്റേഴ്‌സ് എന്നീ ചിത്രങ്ങളുടെ തിരക്കഥാകൃത്തുമായ ജിനു എബ്രഹാമാണ് കടുവയുടെ രചന നിര്‍വഹിച്ചിരിക്കുന്നത്. പൃഥ്വിരാജ് പ്രൊഡക്ഷന്‍സും ലിസ്റ്റിന്‍ സ്റ്റീഫന്റെ മാജിക് ഫ്രെയിംസും ചേര്‍ന്നാണ് നിര്‍മാണം. ജന ഗണ മനയാണ് ഒടുവില്‍ റിലീസ് ചെയ്ത പൃഥ്വിരാജിന്റെ ചിത്രം.

ഒരിടവേളക്ക് ശേഷം ഷാജി കൈലാസ് സംവിധാനം ചെയ്യുന്ന ചിത്രമാണ് കടുവ. ചിത്രത്തില്‍ പൃഥ്വിരാജ് കടുവാക്കുന്നേല്‍ കുറുവച്ചനായാണ് എത്തുന്നത്. വിവേക് ഒബ്രോയി, സംയുക്ത മേനോന്‍ എന്നിവരും ചിത്രത്തിലുണ്ട്.