ജീവിതത്തിൽ ഒരു പുതിയ യാത്ര ആരംഭിച്ചു മേഘ്നരാജ്, ആശംസകൾ അർപ്പിച്ചു മലയാളികൾ, എന്ത് തീരുമാനമെടുത്താലും ഞങ്ങൾ കൂടെ തന്നെ ഉണ്ടാവും എന്ന് ആരാധകർ

മലയാളികൾക്ക് ഏറെ പ്രിയപ്പെട്ട താരങ്ങളിലൊരാളാണ് മേഘ്നരാജ്. വിനയൻ സംവിധാനം ചെയ്ത യക്ഷിയും ഞാനും എന്ന ചിത്രത്തിലൂടെ ആണ് താരം മലയാളത്തിൽ അരങ്ങേറുന്നത്. ഇതിനുപുറമേ വി കെ പ്രകാശ് സംവിധാനം ചെയ്ത ബ്യൂട്ടിഫുൾ എന്ന ചിത്രത്തിൽ അഞ്ജലി എന്ന കഥാപാത്രത്തെ അവതരിപ്പിച്ചത് മേഘ്ന ആയിരുന്നു. വളരെ ഏറെ പ്രേക്ഷക പ്രശംസ പിടിച്ചു പറ്റിയ ഒരു കഥാപാത്രമായിരുന്നു അത്. ഇതിനു ശേഷം മലയാളത്തിൽ ചെറുതും വലുതുമായ ഒട്ടേറെ കഥാപാത്രങ്ങളെ താരം അവതരിപ്പിച്ചു.

മലയാളത്തിനു പുറമേ തെന്നിന്ത്യയിലെ എല്ലാ ഭാഷകളിലും താരം അഭിനയിച്ചിട്ടുണ്ട്. കന്നട സിനിമയിൽ ആയിരുന്നു താരം കൂടുതൽ സജീവമായി പ്രവർത്തിച്ചത്. കന്നട നടൻ ആയിരുന്ന ചിരഞ്ജീവി സർജ ആയിരുന്നു നടിയുടെ ഭർത്താവ്. രണ്ടു വർഷങ്ങൾക്കു മുമ്പാണ് ഹൃദയാഘാതത്തെതുടർന്ന് ചിരഞ്ജീവി നമ്മളെ വിട്ടു പിരിയുന്നത്. കഴിഞ്ഞ വർഷമാണ് താരം ഒരു ആൺകുഞ്ഞിന് ജന്മം നൽകുന്നത്. ഇപ്പോൾ കുട്ടിയുടെ എല്ലാ വിശേഷങ്ങളും പങ്കുവെച്ചുകൊണ്ട് താരം സമൂഹമാധ്യമങ്ങളിൽ വളരെ സജീവമാണ്.

സമൂഹമാധ്യമങ്ങളിൽ തൻറെ വിശേഷങ്ങൾ എല്ലാം പങ്കുവെച്ചുകൊണ്ട് താരം എത്താറുണ്ട്. പലപ്പോഴും ഇവരുടെ പേരിൽ പലതരത്തിലുള്ള അഭ്യൂഹങ്ങളാണ് സമൂഹമാധ്യമങ്ങളിൽ പ്രചരിക്കുന്നത്. മേഘ്ന വീണ്ടും വിവാഹിതയാകാൻ പോവുകയാണ് എന്ന തരത്തിൽ ഒരുപാട് തവണ വാർത്തകൾ പുറത്തുവന്നിട്ടുണ്ട്. എന്നാൽ ഇതൊക്കെ നിഷേധിച്ചുകൊണ്ട് താരം തന്നെ രംഗത്ത് വന്നിട്ടുണ്ട്. എന്നാൽ ഇപ്പോൾ ഒരു സന്തോഷവാർത്ത അറിയിച്ചു കൊണ്ട് രംഗത്തെത്തുകയാണ് താരം.

താരം ജീവിതത്തിൽ പുതിയ ഒരു ചുവടുവെപ്പ് നടത്താൻ പോവുകയാണ്. ഒരു ടെലിവിഷൻ മേഖലയിലൂടെ ആണ് താരം വീണ്ടും സജീവമായി രംഗത്ത് എത്തുന്നത്. ശനി ഞായർ ദിവസങ്ങളിൽ ആയിരിക്കും ഈ പരിപാടി ഉണ്ടാവുക. രാത്രി 9 മണിക്ക് ആയിരിക്കും ഈ പരിപാടി കളേഴ്സ് കന്നഡ ചാനലിൽ സംപ്രേക്ഷണം ചെയ്യുന്നത്. എന്തായാലും പുതിയ ചുവടുവെപ്പ് നടത്തുന്ന താരത്തിന് ആശംസകൾ അർപ്പിച്ചു കൊണ്ട് രംഗത്തെത്തുകയാണ് മലയാളികൾ. നടി എന്ത് തീരുമാനമെടുത്താലും ഞങ്ങൾ കട്ടക്ക് കൂടെ തന്നെ ഉണ്ടാവും എന്നാണ് ആരാധകർ നൽകുന്ന ഉറപ്പ്.