ജെം ഓഫ് എ പേഴ്‌സണ്‍!ഓരോ നിമിഷവും അദ്ദേഹം സമ്മാനിക്കുന്ന ലളിതമായ മാന്ത്രികതയ്ക്കു നന്ദി; പോസ്റ്റുമായി മയോനി

സംഗീതസംവിധായകന്‍ ഗോപി സുന്ദറിനെയും മയോനി എന്ന പ്രിയ നായരെയും ബന്ധപ്പെടുത്തി പലപ്പോഴായി പല അഭ്യൂഹങ്ങളും പരന്നിട്ടുണ്ട്. ഇരുവരും പ്രണയത്തിലാണെന്ന തരത്തിലായിരുന്നു സോഷ്യല്‍ മീഡിയ പ്രചരണങ്ങള്‍.

ഇരുവരുടെയും സോഷ്യല്‍ മീഡിയ പോസ്റ്റുകള്‍ ആണ് ഇത്തരം പ്രചരങ്ങള്‍ക്ക് കാരണമാകാറുള്ളത്. എന്നാല്‍ ഇതിന് പരോക്ഷ മറുപടികള്‍ നല്‍കി ഗോപി സുന്ദര്‍ രംഗത്ത് എത്താറുണ്ട്.

തങ്ങളെ കുറിച്ച് അഭ്യൂഹങ്ങള്‍ പരക്കാറുണ്ടെങ്കിലും ഇതൊന്നും കാര്യമാക്കാതെ വീണ്ടും പോസ്റ്റുകള്‍ ഇടാറുണ്ട്. ഇപ്പോഴിത ഗോപി സുന്ദറിന്റെ ചിത്രം പങ്കുവച്ച് മയോനി എന്ന പ്രിയ നായര്‍ പങ്കുവച്ച പുതിയ പോസ്റ്റാണ് ശ്രദ്ധ നേടുന്നത്.

‘ജെം ഓഫ് എ പേഴ്‌സണ്‍!. കലര്‍പ്പില്ലാത്തയാള്‍. ശുദ്ധമായ കഴിവും പോസിറ്റിവിറ്റിയും നിറഞ്ഞയാള്‍’ എന്ന അടിക്കുറിപ്പോടെ ഇന്‍സ്റ്റാഗ്രാമിലാണ് മയോനി ചിത്രം പങ്കുവച്ചത്.

കുറിപ്പിന്റെ പൂര്‍ണരൂപം:

ജെം ഓഫ് എ പേഴ്‌സണ്‍!. മനസില്‍ കലര്‍പ്പില്ലാത്ത, ശുദ്ധമായ കഴിവും പോസിറ്റിവിറ്റിയും നിറഞ്ഞയാള്‍. ആ ജീവിതം എന്നെ അദ്ഭുതപ്പെടുത്തുന്നു. ജീവിതം അദ്ദേഹത്തെ പിന്നോട്ടടിക്കുന്നില്ല, യാതൊന്നും അദ്ദേഹത്തെ തടഞ്ഞു നിര്‍ത്തുന്നില്ല.

അതാണ് എന്നെ അദ്ഭുതപ്പെടുത്തുന്നത്. സ്വതന്ത്രനായ ആത്മാവാണ് അദ്ദേഹം. ഒരു പക്ഷിയെപ്പോലെ പറന്നുനടന്ന് അദ്ദേഹം ജീവിതയാത്ര തുടരുന്നു. സംഗീതത്തിലൂടെ മാന്ത്രികത സൃഷ്ടിക്കുന്നു. ഓരോ നിമിഷവും അദ്ദേഹം സമ്മാനിക്കുന്ന ലളിതമായ മാന്ത്രികതയ്ക്കു നന്ദി- ഗോപി സുന്ദറിന്റെ ചിത്രം പങ്കുവച്ച് മയോനി കുറിച്ചു.

പോസ്റ്റ് വന്നു ചുരുങ്ങിയ സമയം കൊണ്ട് തന്നെ കുറിപ്പ് സോഷ്യല്‍മീഡിയയില്‍ വൈറലായിക്കഴിഞ്ഞു. അതേസമയം മയോനിയും ഗോപി സുന്ദറും തമ്മില്‍ പ്രണയത്തിലാണെന്നുള്ള തരത്തില്‍ മുന്‍പും നിരവധി വാര്‍ത്തകള്‍ പ്രചരിച്ചിരുന്നു. മയോനിയെ ചേര്‍ത്തുപിടിച്ചുള്ള ചിത്രങ്ങള്‍ ഗോപി സുന്ദര്‍ പങ്കുവച്ചതും അഭ്യൂഹങ്ങള്‍ക്ക് ഇടയാക്കിയിരുന്നു.