ഡാന്‍സ് ചെയ്യുമ്പോള്‍ എന്നെ കാണാന്‍ പ്രഭുദേവയുടെ ഫോട്ടോ കോപ്പി പോലെ; പല ഡാന്‍സേഴ്‌സ് ഇങ്ങനെ പറയുമായിരുന്നു, പ്രഭുദേവയ്ക്ക് ചോരയില്‍ കത്ത് എഴുതിയിട്ടുണ്ട്; മഞ്ജു വാര്യര്‍ മനസ് തുറക്കുന്നു

മഞ്ജു വാര്യര്‍ നായികയായി എത്തുന്ന പുതിയ ചിത്രമാണ് ആയിഷ.നവാഗതനായ ആമിര്‍ പള്ളിക്കല്‍ സംവിധാനം ചെയ്യുന്ന ചിത്രം വിവിധ ഭാഷകളിലായിട്ടാണ് റിലീസിന് എത്തുന്നത്.

പ്രഭുദേവയാണ് ചിത്രത്തിന് കൊറിയോഗ്രാഫി ചെയ്തിരിക്കുന്നത് എന്ന കാരണം കൊണ്ട് ശ്രദ്ധ നേടിയ സിനിമയാണ് ആയിഷ. ഇപ്പോഴിത ചിത്രത്തിലെ പ്രഭുദേവയുടെ കൊറിയോ ഗ്രാഫിയെ കുറിച്ചും, പ്രഭുദേവയോടുള്ള ആരാധനയെ കുറിച്ചും മഞ്ജു പറഞ്ഞ വാക്കുകളാണ് ശ്രദ്ധ നേടുന്നത്.

ദി ക്യുവിന് നല്‍കിയ അഭിമുഖത്തില്‍ ആണ് താരം മനസ് തുറന്നത്. ഒന്‍പതാം ക്ലാസ്സില്‍ വച്ച് ചോരകൊണ്ട് പ്രഭുദേവയ്ക്ക് കത്ത് എഴുതിയിട്ടുണ്ട് എന്നാണ് മഞ്ജു പറയുന്നത്.

‘പത്താം ക്ലാസില്‍ പഠിക്കുമ്പോള്‍ പ്രഭുദേവയുടെ പാട്ടുകളുടെ വീഡിയോ കാസറ്റില്‍ ശേഖരിക്കുമായിരുന്നു. എസ്എസ്എല്‍സി എക്‌സാമിന് പോകും മുമ്പ് രാവിലെ ഒരു അരമണിക്കൂര്‍ ഇത് ഇരുന്ന് കാണും.

എല്ലാവരും അമ്പലത്തില്‍ പോകുമ്പോള്‍ ഞാന്‍ പ്രഭുദേവയുടെ വീഡിയോ ആണ് കണ്ടിരുന്നത്. ഒരു സന്തോഷമായിരുന്നു എനിക്ക് ആ വീഡിയോകള്‍ കാണുമ്പോള്‍. എസ്എസ്എല്‍സിക്ക് നന്നായി മാര്‍ക്ക് സ്‌കോര്‍ ചെയ്യാനും പറ്റി എന്നും മഞ്ജു പറഞ്ഞു.

ആയിഷയ്ക്ക് കൊറിയോഗ്രാഫ് ചെയ്ത് തരുമോയെന്ന് പോലും വളരെ ധൈര്യം സംഭരിച്ചാണ് ഞാന്‍ ചോദിച്ചത്. ഒരു ഫാന്‍ മൊമന്റ് പോലെയായിരുന്നു എനിക്ക് എന്നും മഞ്ജു പറഞ്ഞു.

ഷൂട്ടിനിടയിലാണ് ഞാന്‍ ആയിഷയിലെ ഡാന്‍സ് പ്രാക്ടീസ് ചെയ്തത്. നമ്മള്‍ ആ പാട്ട് ഷൂട്ട് ചെയ്യാന്‍ ഉദ്ദേശിക്കുന്ന സ്ഥലങ്ങളുടെ ഫോട്ടോ പ്രഭുദേവയ്ക്ക് അയച്ച് കൊടുത്തിരുന്നു. അതുവെച്ചാണ് ആ സ്ഥലത്തിന് ചേരുന്ന പോലെ അദ്ദേഹം കൊറിയോഗ്രഫി ചെയ്തത്.

ആയിഷയിലെ പാട്ട് കണ്ട് കുറച്ച് ഡാന്‍സേഴ്‌സ് എന്റെ അടുത്ത് വന്ന് പറഞ്ഞിരുന്നു പ്രഭുദേവയുടെ ഫോട്ടോ കോപ്പി പോലെയാണ് എന്നെ ഡാന്‍സ് ചെയ്യുമ്പോള്‍ കാണാനെന്ന്. അത് കേട്ടപ്പോള്‍ വലിയ സന്തോഷം തോന്നി-എന്നും മഞ്ജു വാര്യര്‍ പറഞ്ഞു.

അതേസമയം ചിത്രത്തിലെ കണ്ണില് കണ്ണില് എന്ന ഗാനം വലിയ ട്രോള്‍ ഏറ്റുവാങ്ങിയിരുന്നു. മഞ്ജുവിന്റെ ഹെയര്‍ സ്‌റ്റൈലും ഡ്രസിംങ് സ്‌റ്റൈലുമായിരുന്നു വിമര്‍ശനം ഏറ്റുവാങ്ങിയത്.