ഇതാണ് സാക്ഷാൽ ക്രിസ്റ്റഫർ! മമ്മൂട്ടി – ബി ഉണ്ണികൃഷ്ണൻ ചിത്രത്തിൻ്റെ ഫസ്റ്റ് ലുക്ക് പോസ്റ്റർ പുറത്ത്. ഹെവി ഐറ്റം എന്ന് പ്രേക്ഷകർ.

മമ്മൂട്ടിയെ നായകനാക്കി ബി ഉണ്ണികൃഷ്ണൻ സംവിധാനം ചെയ്യുന്ന ഏറ്റവും പുതിയ ചിത്രമാണ് ‘ ക്രിസ്റ്റഫർ ‘. ചിത്രത്തിൻറെ പുതിയ പോസ്റ്റർ പുറത്തിറങ്ങിയിരിക്കുകയാണ് ഇപ്പൊൾ . ഇരുട്ടും വെളിച്ചവും ഏകദേശം സമേളിക്കുന്ന സ്ഥലത്ത് ഇരിക്കുന്ന മമ്മൂട്ടിയും, അദ്ദേഹത്തിൻറെ ഭാഗികമായി കാണുന്ന മുഖവും പോസ്റ്ററിൽ വ്യക്തമാണ്. ‘ ബയോഗ്രഫി ഓഫ് എ വിജിലൻ്റ് കോപ്പ് ‘ എന്ന ടാഗ് ലൈൻ ആണ് ചിത്രത്തിനുള്ളത്. ആറാട്ട് എന്ന മോഹൻലാൽ ചിത്രത്തിനു ശേഷം ഉദയകൃഷ്ണ-ബി ഉണ്ണികൃഷ്ണൻ ടീം വീണ്ടും ഒന്നിക്കുന്ന ചിത്രം എന്ന പ്രത്യേകതയും ഇതിനുണ്ട്. പുതിയ പോസ്റ്ററിൽ ‘ നിയമം എവിടെ നിർത്തുന്നുവോ അവിടെ നീതി ആരംഭിക്കുന്നു ‘ എന്ന വാചകവും ഉണ്ട്.

ചിത്രം നിർമ്മിക്കുന്നത് ആർഡി ഇലുമിനേഷൻസ് ആണ്. ഇത് ഒരു ത്രില്ലർ ജോണറിൽ ഉൾപ്പെട്ട ചിത്രമാണ് എന്നാണ് സൂചന. പ്രശസ്ത തെന്നിന്ത്യൻ താരം വിനയ് റായി ചിത്രത്തിൽ ഒരു പ്രധാന വേഷത്തിൽ എത്തുന്നുണ്ട്. വലിയൊരു താരനിര തന്നെയാണ് ചിത്രത്തിൽ ഒരുമിക്കുന്നത്. ഷൈൻ ടോം ചാക്കോ, ദിലീഷ് പോത്തൻ, സിദ്ദിഖ്, സ്നേഹ, അമല പോൾ, ഐശ്വര്യ ലക്ഷ്മി, ജിനു എബ്രഹാം തുടങ്ങിയവർ ചിത്രത്തിലുണ്ട്. ഇതിൽ സ്നേഹ, അമല പോൾ, ഐശ്വര്യ ലക്ഷ്മി എന്നിവർ നായികമാർ ആകുന്നു എന്നാണ് സൂചന.

എറണാകുളം, വണ്ടിപ്പെരിയാർ, പൂയംകുട്ടി എന്നിവിടങ്ങളിലായി സിനിമയുടെ ചിത്രീകരണം ഇപ്പോൾ പുരോഗമിക്കുകയാണ്.ഫൈസ് സിദ്ദിഖ് ആണ് ചിത്രത്തിനുവേണ്ടി ചായാഗ്രഹണം നിർവഹിക്കുന്നത്. ഓപ്പറേഷൻ ജാവ എന്ന ചിത്രത്തിലൂടെ ശ്രദ്ധ നേടിയ വ്യക്തിയാണ് ഇദ്ദേഹം. ജസ്റ്റിൻ വർഗീസ് ആണ് സംഗീതം ഒരുക്കുന്നത്. എഡിറ്റിംഗ് നിർവഹിക്കുന്നത് മനോജ് ആണ്. അരോമ മോഹൻ ആണ് സിനിമയുടെ പ്രൊഡക്ഷൻ കൺട്രോളർ. ഷാജി നടുവിൽ കലാ സംവിധാനം ചെയ്യുന്നു.

ചിത്രത്തിനുവേണ്ടി സംഘട്ടന രംഗങ്ങൾ ഒരുക്കുന്നത് പ്രശസ്ത സംഘടന സംവിധായകൻ സുപ്രീം സുന്ദർ ആണ്. പ്രവീൺ വർമ്മയാണ് വസ്ത്രാലങ്കാരം. ജിതേഷ് പൊയ്യ ചമയം നിർവഹിക്കുന്നു. സുജിത്ത് സുരേഷ് ആണ് ചിത്രത്തിൻറെ ചീഫ് അസോസിയേറ്റ്. പി ശിവപ്രസാദ്, നിയാസ് നൗഷാദ് എന്നിവർ പി ആർ ഓ ആണ്. നവീൻ മുരളിയാണ് സ്റ്റിൽസ് ചെയ്തിരിക്കുന്നത്. കോളിൻസ് ലിയോഫിൽ ആണ് ഡിസൈൻ ചെയ്തിരിക്കുന്നത്. ഒബ്സ്ക്യൂറ എൻറർടൈൻമെന്റ്സ് ആണ് സിനിമയുടെ മാർക്കറ്റിംഗ് നിർവഹണം ചെയ്യുന്നത്.