ദേശീയ പുരസ്കാരങ്ങൾ വാരിക്കൂട്ടി അയ്യപ്പനും കോശിയും. സ്വന്തമാക്കിയത് നാലു പുരസ്കാരങ്ങൾ. മലയാളത്തിന് ലഭിച്ചത് പതിനൊന്ന് പുരസ്കാരങ്ങൾ.

68 മത് ദേശീയ ചലച്ചിത്ര പുരസ്കാര വേദിയിൽ തിളങ്ങി നിന്നത് അയ്യപ്പനും കോശിയും എന്ന മലയാള ചിത്രമാണ്. നാലു ദേശീയ പുരസ്കാരങ്ങളാണ് ചിത്രം സ്വന്തമാക്കിയത്. മികച്ച സംവിധായകനുള്ള പുരസ്കാരം സ്വന്തമാക്കിയത് അന്തരിച്ച മലയാളികളുടെ പ്രിയ സംവിധായകൻ സച്ചി ആണ്. മികച്ച സഹതാപനുള്ള പുരസ്കാരം ബിജുമേനോൻ സ്വന്തമാക്കുകയും ചെയ്തു. നഞ്ചിയമ്മയാണ് മികച്ച പിന്നണി ഗായികയ്ക്കുള്ള പുരസ്കാരം സ്വന്തമാക്കിയത്.

മികച്ച ആക്ഷൻ കൊറിയോഗ്രാഫിക്കുള്ള പുരസ്കാരം അയ്യപ്പനും കോശിയും എന്ന ചിത്രത്തിലൂടെ തന്നെ രാജശേഖർ, മാഫിയ ശശി, സുപ്രീം സുന്ദർ എന്നിവർ സ്വന്തമാക്കി. ഏതാണ്ട് എട്ടു പുരസ്കാരങ്ങൾ മലയാളം മാത്രം സ്വന്തമാക്കിയിട്ടുണ്ട്. മികച്ച വിദ്യാഭ്യാസ ചിത്രം ഡ്രീമിങ് ഓഫ് വേർഡ്സ് (നന്ദൻ) ആണ്. വിഷ്ണു ഗോവിന്ദ്, ശ്രീശങ്കർ എന്നിവർ മികച്ച ഓഡിയോഗ്രാഫി ക്കുള്ള പുരസ്കാരം സ്വന്തമാക്കി. മാലിക് എന്ന ചിത്രത്തിനാണ് ഇത്.മികച്ച മലയാളം ഫീച്ചർ ഫിലിം ആയി തിങ്കളാഴ്ച നിശ്ചയം തിരഞ്ഞെടുത്തു. സെന്ന ഹെഡ്ഗേ ആണ് ചിത്രം സംവിധാനം ചെയ്തത്.

കാവ്യാ പ്രകാശ് സംവിധാനം ചെയ്ത വാങ്ക് എന്ന ചിത്രത്തിന് പ്രത്യേക ജൂറി പരാമർശം ലഭിക്കുകയുണ്ടായി. ‘ ശബ്ദിക്കുന്ന കലപ്പ’ എന്ന ചിത്രത്തിന് ക്യാമറ ചലിപ്പിച്ച നിഖിൽ എസ് പ്രവീൺ ആണ് മികച്ച ചായാഗ്രഹകനുള്ള പുരസ്കാരം സ്വന്തമാക്കിയത്. മികച്ച പ്രൊഡക്ഷൻ ഡിസൈൻ സ്വന്തമാക്കിയത് കപ്പേള എന്ന ചിത്രമാണ്. അനീസ് നാടോടി ആണ് ഇതിൻറെ പ്രൊഡക്ഷൻ ഡിസൈനർ.

2020 ലാണ് അയ്യപ്പനും കോശിയും എന്ന ചിത്രം പുറത്തിറങ്ങുന്നത്. മലയാള പ്രേക്ഷകർക്ക് പുറമേ മറ്റ് പല ഭാഷകളിലും മികച്ച സ്വീകാര്യതയാണ് ചിത്രം നേടിയത്. 2021 സംസ്ഥാന ചലച്ചിത്ര പുരസ്കാരത്തിലും സച്ചിയും അയ്യപ്പനും കോശിയും പുരസ്കാരം നേടിയിരുന്നു. മലയാളം സിനിമയുടെ കലാമൂല്യമാണ് ഇതിലൂടെ പ്രകടമാകുന്നത് എന്ന് നിസംശയം പറയുവാൻ സാധിക്കും.