മധുരരാജയിലെ നായികയെ ഓർമ്മയില്ലേ? ജീവിതത്തിലെ പുതിയ വിശേഷവുമായി താരം, ആശംസകളുമായി മലയാളികൾ

മലയാളികൾക്ക് ഏറെ പ്രിയപ്പെട്ട താരങ്ങളിലൊരാളാണ് മഹിമ നമ്പ്യാർ. മലയാള സിനിമകളിലൂടെ ആണ് താരം കരിയർ ആരംഭിക്കുന്നത്. മമ്മൂട്ടി കേന്ദ്രകഥാപാത്രത്തെ അവതരിപ്പിച്ച മാസ്റ്റർപീസ് എന്ന ചിത്രത്തിൽ താരം പ്രത്യക്ഷപ്പെട്ടിരുന്നു. ഇതിനു പുറമേ സൂപ്പർഹിറ്റ് ചിത്രം മധുരരാജയിലെ താരം അഭിനയിച്ചിരുന്നു. പിന്നീടാണ് താരം തമിഴ് സിനിമയിലേക്ക് ചേക്കേറുന്നത്.

തമിഴ് സിനിമയിൽ നിന്നും ആയിരുന്നു താരത്തിന് കൂടുതൽ മികച്ച വേഷങ്ങൾ ലഭിച്ചത്. 2012 വർഷത്തിൽ പുറത്തിറങ്ങിയ സാട്ടൈ ആയിരുന്നു നടിയുടെ ആദ്യ തമിഴ് ചിത്രം. കുട്രം 23, പുരിയാത പുതിർ, കൊടി വീരൻ, ഇരവുക്ക് ആയിരം കൺകൾ എന്നീ സിനിമകളിൽ ആയിരുന്നു താരം തമിഴിൽ വേഷമിട്ടത്. മികച്ച വേഷങ്ങളിലൂടെ പെട്ടെന്ന് തന്നെ താരം തമിഴിലെ മുൻനിര നടിമാരിൽ ഒരാളായി മാറി.

സമൂഹമാധ്യമങ്ങളിൽ വളരെ സജീവമാണ് താരം. തൻറെ പുതിയ ചിത്രങ്ങളും വിശേഷങ്ങളും എല്ലാം തന്നെ താരം ആരാധകരുമായി പങ്കുവയ്ക്കാറുണ്ട്. ഇപ്പോൾ താരം പങ്കുവച്ച പുതിയ ഒരു വിശേഷമാണ് സമൂഹമാധ്യമങ്ങളിലെ ചർച്ചാവിഷയമായി മാറിയിരിക്കുന്നത്. മാഗമുനി എന്ന ചിത്രത്തിലാണ് താരം അവസാനമായി പ്രത്യക്ഷപ്പെട്ടത്. ആര്യ ആയിരുന്നു ഈ ചിത്രത്തിലെ കേന്ദ്ര കഥാപാത്രത്തെ അവതരിപ്പിച്ചത്. ഇപ്പോൾ ഈ സിനിമയുമായി ബന്ധപ്പെട്ട വിശേഷമാണ് താരം പങ്കുവെച്ചിരിക്കുന്നത്.

ഈ ചിത്രത്തിലെ പ്രകടനത്തിന് താരം ഒരു അവാർഡ് കരസ്ഥമാക്കിയിരിക്കുകയാണ്. മികച്ച സഹനടിക്കുള്ള അവാർഡ് ആണ് താരം കരസ്ഥമാക്കി ഇരിക്കുന്നത്. ദീപ എന്ന കഥാപാത്രത്തെ ആണ് താരം ഇതിൽ അവതരിപ്പിച്ചത്. മാഡ്രിഡിൽ നടന്ന ഐ ഐ എഫ് 2021 ചലച്ചിത്രമേളയിൽ ആയിരുന്നു സമ്മാനം താരം നേടിയത്. ശാന്തകുമാർ ആണ് ചിത്രം സംവിധാനം ചെയ്തത്. സ്റ്റുഡിയോ ഗ്രീൻ പ്രൊഡക്ഷൻസ് ആണ് ഈ ചിത്രം നിർമ്മിച്ചത്.