കുഞ്ഞനുജത്തിയെ ചേര്‍ത്ത് പിടിച്ച് ചുംബനം നല്‍കി മീനാക്ഷി; മഹാലക്ഷ്മിക്ക് പിറന്നാള്‍ ആശംസകളുമായി മലയാളി പ്രേക്ഷകര്‍

സിനിമ അഭിനയം ആരംഭിച്ചിട്ടില്ലെങ്കിലും സ്റ്റാര്‍ കിഡ്‌സില്‍ ഏറ്റവും ആരാധകരുള്ള താരപുത്രിമാരാണ് ദിലീപിന്റെ മക്കളായ മീനാക്ഷിയും മഹാലക്ഷ്മിയും. മറ്റ് ഏത് മലയാള താര പുത്രികള്‍ക്ക് ലഭിക്കുന്നതിനെക്കാള്‍ സ്‌നേഹമാണ് മലയാളി ആരാധകര്‍ ഇവര്‍ക്ക് നല്‍കുന്നത്.

ഇവരുടെ വിശേഷങ്ങള്‍ സോഷ്യല്‍ മീഡിയയില്‍ എത്തിയാല്‍ നിമിഷ നേരം കൊണ്ട് ഇവ സോഷ്യല്‍ മീഡിയയില്‍ വൈറലാകാറുണ്ട്. ഇപ്പോഴിത അത്തരത്തില്‍ സോഷ്യല്‍ മീഡിയയില്‍ വൈറലാവുകയാണ് മീനാക്ഷിയുടെയും മഹാലക്ഷ്മിയുടെയും വിശേഷം.

ദിലീപ് കാവ്യ ദമ്പതികളുടെ മകള്‍ മഹാലക്ഷ്മിയുടെ പിറന്നാളായിരുന്നു ഇന്ന്. കുഞ്ഞനുജത്തി മഹാലക്ഷ്മിക്ക് പിറന്നാള്‍ ആശംസകള്‍ നേര്‍ന്ന് എത്തിയിരിക്കുകയാണ് മീനാക്ഷി ദിലീപ്. ഒരു വയസ്സു കൂടി പിന്നിട്ടിരിക്കുന്നു എന്നാണ് മഹാലക്ഷ്മിയുടെ ചിത്രം പങ്കുവച്ച് മീനാക്ഷി കുറിച്ചത്.

മഹാലക്ഷ്മിക്ക് സ്‌നേഹചുംബനം നല്‍കുന്ന മീനാക്ഷിയുടെ ചിത്രത്തിന് താഴെ നിരവധി ആരാധകരാണ് കമന്റുമായി എത്തുന്നത്. ‘മാമാട്ടി’യ്ക്ക് പിറന്നാള്‍ ആശംസകള്‍ എന്നാണ് ആരാധകര്‍ കുറിക്കുന്നത്.

മഹാലക്ഷ്മിയുടെ നാലാമത്തെ പിറന്നാളാണ്. 2018 ഒക്ടോബര്‍ 19-നായിരുന്നു മഹാലക്ഷ്മി ജനനം. വിജയദശമി ദിനത്തില്‍ ജനിച്ചതുകൊണ്ടാണ് മഹാലക്ഷ്മി എന്ന പേര് നല്‍കിയത്.

ദിലീപിനും കാവ്യയ്ക്കുമൊപ്പം പൊതു പരിപാടികളില്‍ എത്തുന്ന മഹാലക്ഷ്മിയുടെ ചിത്രങ്ങള്‍ സോഷ്യല്‍ മീഡിയയില്‍ ശ്രദ്ധ നേടാറുണ്ട്. മഹാലക്ഷ്മി മഹാകുസൃതിയാണ് എന്നാണ് ദിലീപ് പറഞ്ഞിട്ടുള്ളത്.