സ രി ഗ മ പ വിജയി ലിബിൻ്റെ വിവാഹനിശ്ചയം കഴിഞ്ഞു | വിഡിയോയും ഫോട്ടോസും കാണാം

മലയാള ടെലിവിഷനിലെ ഏറ്റവും ജനപ്രിയ റിയാലിറ്റി ഷോകളിൽ ഒന്നായിരുന്നു സരിഗമപ. സീ കേരളം ചാനൽ ആയിരുന്നു ഇത് ടെലികാസ്റ്റ് ചെയ്തത്. ലിബിൻ സക്കറിയ എന്ന യുവാവ് ആയിരുന്നു ഈ പരിപാടിയിലെ ഒന്നാം സ്ഥാനം അടിച്ചെടുത്തത്. എന്നാൽ പരിപാടിയിൽ നിന്നും ഒന്നാം സ്ഥാനം മാത്രമല്ല, ഒരു ജീവിതപങ്കാളിയെ കൂടി ആയിരുന്നു ലിബിൻ സ്വന്തമാക്കിയത്. അൽഫോൻസാ തെരേസ എന്ന പെൺകുട്ടിയാണ് ഇനി ലിബിൻ്റെ സന്തോഷത്തിലും സങ്കടത്തിലും എല്ലാം പങ്കുചേരാൻ പോകുന്നത്. കേരള ഹൈക്കോടതിയിലെ സ്റ്റാഫ് ആണ് അൽഫോൻസ.

ഇന്നായിരുന്നു ഇരുവരുടെയും വിവാഹനിശ്ചയ ചടങ്ങ്. നവംബർ 22ന് ആണ് വിവാഹ തീയതി നിശ്ചയിച്ചിരിക്കുന്നത്. ലിബിൻ തന്നെയാണ് ഈ സന്തോഷ വാർത്ത സോഷ്യൽ മീഡിയ വഴി ആരാധകരെ അറിയിച്ചത്. വിവരം പുറത്തുവന്ന ഉടനെ തന്നെ ആരാധകരും പ്രേക്ഷകരും ഒരുപോലെ ഏറ്റെടുക്കുകയായിരുന്നു ഈ സന്തോഷവാർത്ത.

“പരസ്പരം ആശംസകൾ അറിയിക്കുവാൻ ആയിരുന്നു ഞങ്ങൾ തമ്മിൽ ആദ്യം സംസാരിച്ചു തുടങ്ങിയത്. പിന്നീട് മെല്ലെ മെല്ലെ അത് സൗഹൃദം ആയി മാറുകയും, പിന്നീട് പ്രണയത്തിൽ ചെന്നെത്തുകയും ചെയ്തു. ഞങ്ങൾ അപ്പോൾ തന്നെ ഞങ്ങളുടെ കാര്യം വീട്ടുകാരോട് പറയുകയും ചെയ്തു, പിന്നീട് അവർ തമ്മിൽ സംസാരിച്ച് വിവാഹം ഉറപ്പിച്ചു തരികയും ചെയ്തു.” – ഓൺലൈൻ മാധ്യമങ്ങൾക്ക് നൽകിയ അഭിമുഖത്തിൽ ലിബിൻ പറഞ്ഞു.

“വിവാഹം ഫിക്സ് ചെയ്ത ഉടൻ തന്നെ ആയിരുന്നു അൽഫോൺസക്ക് ഹൈക്കോടതിയിൽ ജോലി ലഭിച്ചത്. എറണാകുളത്ത് ആണല്ലോ ഞാൻ ഇപ്പൊൾ ജോലി ചെയ്യുന്നത്, അവൾക്ക് കൂടി അവിടെ ജോലി ലഭിച്ചത് കൊണ്ട് ഇനി അങ്ങോട്ട് ഒരുമിച്ച് പോകാമല്ലോ എന്നുകരുതി. അതുകൊണ്രാണ് പെട്ടെന്ന് തന്നെ വിവാഹം ചെയ്യുവാൻ തീരുമാനിച്ചത്” – ലിബിൻ പറഞ്ഞു. ആരാധകർ പ്രേക്ഷകരും ഇപ്പോൾ ഒരുപോലെ കാത്തിരിക്കുകയാണ് ഇവരുടെ വിവാഹത്തിനു വേണ്ടി.