ഇത്തവണ ഇസഹാക്കും ഉണ്ട്; ദേവദൂതര്‍ പാട്ടിനു വീണ്ടും ചുവട് വെച്ച് ചാക്കോച്ചന്‍

പേരിലെ കൗതുകം കൊണ്ട് പ്രഖ്യാപന സമയം മുതല്‍ ശ്രദ്ധനേടിയ ചിത്രമാണ് ‘ന്നാ താന്‍ കേസ് കൊട്’. കുഞ്ചാക്കോ ബോബനെ നായകനാക്കി ചിത്രം സംവിധാനം ചെയ്തത് രതീഷ് ബാലകൃഷ്ണന്‍ പൊതുവാള്‍ ആണ്. ചിത്രം ഹിറ്റായി കഴിഞ്ഞു.

സിനിമ തിയേറ്ററുകളില്‍ എത്തുന്നതിനു മുമ്പ് ഇതിലെ ദേവദൂതന്‍ പാടി എന്ന പാട്ട് വലിയതോതില്‍ ശ്രദ്ധ നേടിയിരുന്നു. പാട്ടിലെ കുഞ്ചാക്കോ ബോബന്റെ ഡാന്‍സ് ആയിരുന്നു ഹൈലൈറ്റ്. ഇതുവരെ പ്രക്ഷകര്‍ കാണാത്ത ലുക്കിലും ഭാവത്തിലും ആയിരുന്നു ചാക്കോച്ചന്‍ ഇതില്‍ എത്തിയിരുന്നത്. ഇപ്പോഴിതാ ആ പാട്ടിന് വീണ്ടും ചുവട് വച്ചിരിക്കുകയാണ് നടന്‍. ഒപ്പം മകന്‍ ഇസഹാക്ക് ഉണ്ട്.

അമ്പത് ദിവസം പിന്നിട്ടതിന്റെ ആഘോഷത്തിന്റെ ഭാഗമായി കുഞ്ചാക്കോ ബോബന്‍ ഒരു രസികന്‍ വീഡിയോ പുറത്തുവിട്ടിരിക്കുന്നു.

പാട്ടിന് താളം പിടിക്കുന്ന ഇസഹാക്കിന്റെ കുസൃതികളും കുഞ്ചാക്കോ ബോബന്‍ പങ്കുവെച്ച പുതിയ വീഡിയോയില്‍ കാണാം. മമ്മൂട്ടി നായകനായ ‘കാതോട് കാതോരം’ എന്ന ചിത്രത്തിന് വേണ്ടി യേശുദാസ് പാടിയ ഗാനമാണ് ‘ന്നാ താന്‍ കേസ് കൊടി’ന് വേണ്ടി റിപ്രൊഡ്യൂസ് ചെയ്തിരിക്കുന്നത്. ബിജു നാരായണന്‍ ആണ് ‘ദേവദൂതര്‍ പാടി’ എന്ന ഗാനം ‘ന്നാ താന്‍ കേസ് കൊടി’നായി ആലപിച്ചിരിക്കുന്നത്.