സ്വന്തം കഴിവില്‍ ഒന്നും നേടിയില്ല. കിട്ടിയതെല്ലാം വന്നു ഭവിച്ചതാണ്; 26ാം വിവാഹ വാര്‍ഷികത്തില്‍ വികാരനിര്‍ഭ കുറിപ്പുമായി നടന്‍ കൃഷ്ണകുമാര്‍

കാശ്മീരം എന്ന ചിത്രത്തിലെ ഉണ്ണിയായി എത്തി മലയാളികളുടെ മനസ് കീഴടക്കിയ താരമാണ് നടന്‍ കൃഷ്ണകുമാര്‍. പിന്നീട് നിരവധി സിനിമകളില്‍ വ്യത്യസ്തത നിറഞ്ഞ റോളുകളില്‍ താരം തിളങ്ങി. ഭാര്യ സിന്ധുവമായിട്ടുള്ള ദാമ്പത്യ ജീവിതത്തിന് തുടക്കമിട്ടിട്ട് ഇന്ന് 26ാം വയസ് പൂര്‍ത്തിയാകുകയാണ്. നാല് പെണ്‍മക്കളും ഇദ്ദേഹത്തിനുണ്ട്.

അഹാനയും ഇഷാനിയും തുടങ്ങി എല്ലാവരും സോഷ്യല്‍ മീഡിയയുടെ പ്രിയതാരങ്ങളാണ്. ഭാര്യ സിന്ധുവുമൊത്ത് സന്തുഷ്ടമായ വര്‍ഷങ്ങളാണ് കടന്നുപോയതെന്നും ദൈവം എന്ന അദൃശ്യ ശക്തിയെ സ്മരിക്കുന്നുവെന്നും ഭാര്യയ്‌ക്കൊപ്പമുള്ള ചിത്രത്തിനൊപ്പം കൃഷ്ണകുമാര്‍ ഫേസ്ബുക്കില്‍ കുറിച്ചു. 1994 ഡിസംബര്‍ 12നായിരുന്നു ഇരുവരുടെയും വിവാഹം.

കൃഷ്ണകുമാര്‍ കുറിപ്പ് പൂര്‍ണരൂപം:-

‘1994 Dec 12.. അന്നാണ് ഞങ്ങള്‍ വിവാഹിതരായത്. 26 സന്തുഷ്ടമായ വര്‍ഷങ്ങള്‍. ഇത്രയും കാലം ആരോഗ്യത്തോടെ മുന്നോട്ട് നയിച്ച ദൈവം എന്ന് വിളിക്കുന്ന ആ അദൃശ്യ ശക്തിയെ നന്ദിയോടെ സ്മരിക്കുന്നു. സ്വന്തം കഴിവില്‍ ഒന്നും നേടിയില്ല. കിട്ടിയതെല്ലാം വന്നു ഭവിച്ചതാണ്.

ഈ സമയത്തു  റോന്താ ബെര്‍ണ്‍സിന്റെ
THE SECRET എന്ന പുസ്തകത്തിലെ ഒരു വരി ഓര്‍മ്മയില്‍ വന്നു . Gratitude is riches, Complaint is poverty. ഉപകാരസ്മരണ ധനമാണ്, പരാതി ദാരിദ്ര്യമാണ്… വീണ്ടും എല്ലാത്തിനും നന്ദി പറഞ്ഞു കൊണ്ട് രാവിലെ 14 വര്‍ഷങ്ങള്‍ക്കു ശേഷം അഭിനയിക്കുന്ന സീരിയല്‍ ‘കൂടെവിടെ’യുടെ ലൊക്കേഷനിലേക്ക്.ഇത് വായിക്കുന്ന എല്ലാവര്‍ക്കും നന്മകള്‍ നേരുന്നു. ഞങ്ങളുടെ കുടുംബത്തിനായി ഇതുവരെ നന്മകളും, അനുഗ്രഹങ്ങളും നേര്‍ന്നവര്‍ക്കും പ്രാര്‍ത്ഥനയില്‍ ഉള്‍പെടുത്തിയവര്‍ക്കും ഒരായിരം നന്ദി.