ഇവരുടെ ചികിത്സാ സർക്കാർ ഏറ്റെടുത്തതിൻ്റെ പൊരുൾ മനസ്സിലായിട്ടില്ല. പാവപ്പെട്ടവരുടെ നികുതിപ്പണം എടുത്ത് ഇവർക്ക് നൽകേണ്ട കാര്യം എന്താണ്? താങ്കളുടെ അമ്മയെ നോക്കാൻ പ്രാപ്തൻ അല്ല എന്നുണ്ടോ സിദ്ധാർത്ഥ് ഭരതൻ? കുറിപ്പ് വൈറലാവുന്നു.

മലയാളത്തിലെ പ്രശസ്ത നടിയാണ് കെപിഎസി ലളിത. ലിവർ സിറോസിസ് ബാധിച്ച് ചികിത്സയിൽ കഴിയുകയാണ് ഇവർ. കഴിഞ്ഞദിവസമാണ് നടിയുടെ ചികിത്സാ ചെലവ് സർക്കാർ ഏറ്റെടുക്കുക യാണ് എന്ന പ്രഖ്യാപനം വന്നത്. മന്ത്രിസഭായോഗത്തിൽ ഇതുസംബന്ധിച്ച തീരുമാനം എടുത്തിരുന്നു. ഇതിനെതിരെ കടുത്ത വിമർശനവും ഉയർന്നിരുന്നു. തൊട്ടുപിന്നാലെ വിശദീകരണവുമായി മന്ത്രി എത്തുകയും ചെയ്തു.

ഇപ്പോഴിതാ ഈ നീക്കത്തിനെതിരെ കടുത്ത വിമർശനമായി എത്തിയിരിക്കുകയാണ് പ്രശസ്ത എഴുത്തുകാരിയായ ഈവ ശങ്കർ. ആ കുറിപ്പ് ഇങ്ങനെ. ഇവർ നല്ലൊരു അഭിനേത്രിയാണ്. അസുഖം ഭേദമായി ജീവിതത്തിലേക്ക് എത്രയും പെട്ടെന്ന് തിരിച്ചു വരാൻ ആത്മാർത്ഥമായി പ്രാർത്ഥിക്കുന്നു. പക്ഷേ ഇവരുടെ ചികിത്സ സർക്കാർ ഏറ്റെടുത്തതിൻ്റെ പൊരുൾ മനസ്സിലായിട്ടില്ല. ഇത്രയും വർഷങ്ങൾ സിനിമയിൽ അഭിനയിച്ചിട്ടും ഇവർക്ക് ചികിത്സിക്കാൻ കാശില്ലെ? മകൻ നടനും സംവിധായകനും ആണ്. മാത്രമല്ല മകനും മകളും സാമ്പത്തിക ഭദ്രതയും ഉള്ളവരാണ്. പിന്നെ എന്തടിസ്ഥാനത്തിലാണ് സർക്കാർ ഇങ്ങനെ സഹായം നൽകുന്നത്.

സിനിമാക്കാരുടെ സംഘടനയായ അമ്മയോ അല്ലെങ്കിൽ സഹായിക്കാൻ കഴിവുള്ള കോടീശ്വരൻമാരായ നടന്മാരും നടികളും ഉള്ളപ്പോൾ പാവപ്പെട്ടവരുടെ നികുതിപ്പണം എടുത്ത് ധനികയായ ഇവർക്ക് നൽകേണ്ട കാര്യമെന്താണ്? കോവിട് എന്ന മഹാമാരി യിലൂടെയാണ് ഓരോ മനുഷ്യനും കടന്നുപോയിക്കൊണ്ടിരിക്കുന്നത്. ഈ അവസ്ഥയിൽ ജീവിക്കാൻ കഴിയാതെ മരുന്നോ ആഹാരമോ മേടിക്കാൻ കഴിവില്ലാത്ത ഒരുപാടുപേർ വലയുന്നുണ്ട്. അവരോടൊന്നും തോന്നാത്ത എന്ത് മെന്മയാണ് നിങ്ങൾ ഇവരിൽ കാണുന്നത്?

എന്താണ് ഇവർ സമൂഹത്തിനുവേണ്ടി ചെയ്തത്? ജനങ്ങളെ പറ്റിച്ച് ഒരു പരസ്യം ചെയ്തു, അതാണോ നിങ്ങൾ ഇവരിൽ കാണുന്ന മേന്മ?സിദ്ധാർത്ഥ് ഭരതൻ താങ്കൾ എൻറെ എഫ് ബി സുഹൃത്ത് ആണെന്ന് എനിക്കറിയാം. താങ്കളുടെ അമ്മയെ നോക്കാൻ താങ്കൾ പ്രാപ്തനല്ല എന്നുണ്ടോ? താങ്കൾ ഒന്ന് ചുറ്റും കണ്ണോടിച്ചു നോക്കൂ, വളരെയേറെ കഷ്ടപ്പെടുന്ന നരകിച്ചു ജീവിക്കുന്ന ഒരുപാട് മനുഷ്യ ജീവിതങ്ങളെ കാണാം? താങ്കൾ ഇത് നിഷേധിക്കുന്നത് ആവും ഉചിതം. നികുതിയിൽ നിന്നും നിങ്ങൾക്ക് വെച്ചുനീട്ടുന്ന ഈ കാശിന് ഓരോ പാവപ്പെട്ട മനുഷ്യൻ്റെ വിയർപ്പും കണ്ണീരും ഉണ്ട്. കുറിപ്പിൽ പറയുന്നു.