കൊച്ചു പ്രേമന്റെ അവസാന നാളുകളിലെ അഭിനയ നിമിഷങ്ങള്‍; സങ്കടത്തിലാഴ്ത്തുന്ന വീഡിയോ

കഴിഞ്ഞ ദിവസമായിരുന്നു മലയാളികളുടെ പ്രിയ താരം കൊച്ചു പ്രേമന്‍ അന്തരിച്ചത്. ശാരീരിക അസ്വാസ്ഥ്യം ഉണ്ടായതിനെ തുടര്‍ന്ന് ആശുപത്രിയില്‍ പ്രവേശിപ്പിച്ച താരം മരണത്തിന് കീഴടങ്ങുകയായിരുന്നു.

താരത്തിന്റെ പെട്ടെന്നുള്ള മരണം മലയാള സിനിമ പ്രേമികളെ ഞെട്ടിച്ചിരുന്നു. താരത്തിന് ആദരാജ്ഞലികള്‍ നേര്‍ന്ന് നിരവധി പേരായിരുന്നു എത്തിയത്. സിനിമ താരങ്ങള്‍ ഉള്‍പ്പെടെ നിരവധി പേര്‍ എത്തിയിരുന്നു.

നീണ്ട നാളുകളായി അസുഖ ബാധിതനായിരുന്നു. അസുഖ ബാധിതനായിരുന്നുവെങ്കിലും അഭിനയ ലോകത്ത് സജീവമായിരുന്നു കൊച്ചുപ്രേമന്‍. അവസാന നളുകളിലാണ് സിനിമയില്‍ ഏറെ അഭിനയ സാധ്യതകളുള്ള വേഷം ലഭിച്ചത്.

ഇപ്പോഴിതാ അവസാന നാളുകളില്‍ കൊച്ചു പ്രേമന്‍ അഭിനയിച്ച രംഗം പങ്കുവച്ച് എത്തിയിരിക്കുകയാണ് സീരിയല്‍ താരം സാഗര്‍ സൂര്യ. തട്ടീം മുട്ടീം സീരിയലിലെ ഒരു രംഗമാണ് സാഗര്‍ സൂര്യ പങ്കുവച്ചത്.

തട്ടീം മുട്ടീം എന്ന സീരിയലിലെ ആദി എന്ന കഥാപാത്രത്തെ അവതരിപ്പിയ്ക്കുന്ന നടനാണ് സാഗര്‍ സൂര്യ. മീനാക്ഷിയും ആദിയും സോഫയില്‍ ഇരുന്ന് സംസാരിക്കവേ അങ്ങോട്ട് വരുന്ന അമ്മാവനെയാണ് കൊച്ചുപ്രേമന്‍ വീഡിയോയില്‍ അവതരിപ്പിക്കുന്നത്.

വളരെ ഉന്മേഷവാനായി അഭിനയിക്കുന്ന കൊച്ചു പ്രേമനെയാണ് വീഡിയോയില്‍ കാണാന്‍ സാധിക്കുന്നത്. കൊച്ചു പ്രേമന്റെ വീഡിയോ മലയാളികളില്‍ സങ്കടം ഉണ്ടാക്കുകയാണ്.

ഇനി ഇതുപോലുള്ള കഥാപാത്രങ്ങള്‍ ചെയ്യാന്‍ കൊച്ചു പ്രേമന്‍ ഉണ്ടാകില്ല എന്ന സത്യം മലയാളി പ്രേക്ഷകരെ നിരാശയിലാക്കുന്നുണ്ട്. അതേസമയം
കൊച്ചു പ്രേമനുമായുള്ള ബന്ധത്തെ കുറിച്ച് തട്ടീം മുട്ടീം സീരിയലിലെ മറ്റൊരു കഥാപാത്രത്തെ അവതരിപ്പിച്ച മഞ്ജു പിള്ളയും സംസാരിച്ചിരുന്നു.

ഒരുപാട് വര്‍ക്കുകള്‍ ഒരുമിച്ച് ചെയ്തിട്ടുണ്ട്. ഗ്രൂപ്പിലൊക്കെ വഴിക്കിട്ടാലും ഐ ലവ് യൂ ഡീ എന്ന് പറഞ്ഞ് മെസേജ് അയക്കും. തട്ടീം മൂട്ടീമില്‍ മൂത്ത കാരണവര്‍ തന്നെയായിരുന്നു കൊച്ചു പ്രേമന്‍ എന്നാണ് മഞ്ജു പിള്ള പറഞ്ഞത്.