“മഹാ മനസ്കനായ കള്ളന്റെ കഥ “: അപകടത്തിൽപ്പെട്ട ബൈക്ക് യാത്രക്കാരനെ ആശുപത്രിയിലാക്കിയ ശേഷം അയാളുടെ ബൈക്കുമായി മുങ്ങിയ വിരുതൻ അറസ്റ്റിൽ

അപകടത്തിൽപ്പെട്ട ബൈക്ക് യാത്രക്കാരനെ ആശുപത്രിയിലാക്കിയ ശേഷം ബൈക്കുമായി മുങ്ങിയ വിരുതൻ അറസ്റ്റിൽ.

ഫോർട്ട് കൊച്ചി ലാസർ ലൈൻ കരുവേലി വീട്ടിൽ വിഷ്ണു രാജേഷ് ആണ് അറസ്റ്റിലായത്. കഴിഞ്ഞ മാസം ഇരുപത്തിനാലാം തീയതി ആണ് കേസിനു ആസ്പദമായ സംഭവം നടക്കുന്നത്.

കഴിഞ്ഞ മാസം ഇരുപത്തിനാലാം തീയതി പുലർച്ചെ 3.30ന് തമ്മനത്ത് അപകടത്തിൽപ്പെട്ട ആളെയാണ് ഫോർട്ട് കൊച്ചി ലാസർ ലൈൻ കരുവേലി വീട്ടിൽ വിഷ്ണു രാജേഷ് പറ്റിച്ചത്.

കൊടുങ്ങല്ലൂർ സ്വദേശി അർജുൻ ഓടിച്ചിരുന്ന ബൈക്ക് കഴിഞ്ഞ മാസം ഇരുപത്തിനാലാം തീയതി പുലർച്ചെ 3.30ന് തമ്മനത്ത് അപകടത്തിൽപ്പെടുകയായിരുന്നു.

മറിഞ്ഞ ബൈക്ക് കാലിലേക്ക് വീണതിനാൽ അനങ്ങാൻ കഴിയാതെ റോഡിൽ കിടക്കുകയായിരുന്നു കൊടുങ്ങല്ലൂർ സ്വദേശി അർജ്ജുൻ.

പരിക്ക് ഏറ്റ അർജുനെ വിഷ്ണു ആശുപത്രിയിൽ എത്തിക്കുകയായിരുന്നു. അർജുന്റെ അതെ ബൈക്കിൽ തന്നെയാണ് അർജുനെ എറണാകുളം ജനറൽ ആശുപത്രിയിൽ എത്തിച്ചത്.

ശേഷം ബൈക്കുമായി വിഷ്ണു രാജേഷ് മുങ്ങുകയായിരുന്നു. ഒന്നരലക്ഷത്തോളം വില വരുന്ന യമഹ ആർ വൺ ഫൈവ് വി ത്രീ ബൈക്ക് ആയിരുന്നു വിഷ്ണു രാജേഷ് കൊണ്ട് പോയത്.

അർജ്ജുൻ്റെ സുഹൃത്തിൻ്റെതാണ്‌. പരാതിയെ തുടർന്ന് എറണാകുളം സെൻട്രൽ സ്റ്റേഷൻ പോലീസ് പ്രതിയെ അറസ്റ്റ് ചെയ്തു. ബൈക്കും കസ്റ്റഡിയിൽ എടുത്തു.