സൂപ്പർതാരങ്ങൾക്ക് പുല്ലുവില. സൽമാൻ ഖാൻ്റേയും, അക്ഷയ് കുമാറിൻ്റേയും ചിത്രങ്ങൾ നിരസിച്ചു കങ്കണ. അതിൻറെ കാരണമെന്തെന്ന് അറിയുമോ?

ഇന്ത്യയെമ്പാടും അറിയപ്പെടുന്ന സൂപ്പർ നായികയാണ് കങ്കണ. പ്രബലമായ ആരാധക വൃന്ദവും ഉണ്ട് താരത്തിന്. ശക്തമായ നിലപാടുകൾ ഉള്ള വ്യക്തി കൂടിയാണ് താരം. തൻറെ നിലപാടുകൾ വിളിച്ചു പറയുവാൻ താരത്തിന് യാതൊരു മടിയുമില്ല. മുഖം നോക്കാതെ തന്നെ കങ്കണ അതൊക്കെ പറയുകയും ചെയ്യും. വിവാദങ്ങൾ കങ്കണയ്ക്ക് ഒരു പുത്തരിയല്ല. ഇതിനെയൊക്കെ ഒറ്റയ്ക്ക് നേരിടാനുള്ള തൻറെടവും താരത്തിന് ഉണ്ട്. വ്യത്യസ്തമായ കഥാപാത്രങ്ങൾ തെരഞ്ഞെടുക്കാനാണ് താരത്തിന് ഇഷ്ടം. ഗ്യാങ്സ്റ്റർ എന്ന ചിത്രത്തിലൂടെയാണ് താരം ഹിന്ദിയിൽ അരങ്ങേറുന്നത്. ഒരു സെൽഫ് മെയ്ഡ് സൂപ്പർ നായികയാണ് കങ്കണ എന്ന് നിസംശയം പറയാം. താരം ഒഴിവാക്കിയ സൂപ്പർതാരങ്ങളുടെ ചിത്രങ്ങളെ കുറിച്ചാണ് ഇപ്പോൾ ബോളിവുഡിൽ ചർച്ച.

സൽമാൻ ഖാൻ അഭിനയിച്ച ഹിറ്റ് ചിത്രമാണ് സുൽത്താൻ. അനുഷ്ക ശർമ ആണ് ചിത്രത്തിൽ നായികയായി എത്തുന്നത്. ഈ വേഷത്തിന് ആദ്യം സമീപിച്ചത് കങ്കണയെ ആയിരുന്നു എന്നാണ് സൂചന. എന്നാൽ താരം ഈ ചിത്രം നിരസിച്ചു. ചിത്രത്തിൽ തനിക്ക് ചെയ്യാൻ ഒന്നും ഇല്ല എന്ന് പറഞ്ഞാണ് താരം ഇത് ഒഴിവാക്കിയത്. ബജ്രംഗി ഭായിജാന് എന്ന മറ്റൊരു ചിത്രത്തിലും താരത്തെ ആണ് ആദ്യം സമീപിച്ചത്. എന്നാൽ ഇതും താരം നിരസിക്കുകയായിരുന്നു. പിന്നീട് കരീന ആണ് ചിത്രത്തിൽ നായികയായി എത്തിയത്.

അക്ഷയ് കുമാർ നായകനായി എത്തിയ എയർ ലിഫ്റ്റ് എന്ന ചിത്രത്തിലും കങ്കണയെ ആയിരുന്നു ആദ്യം പരിഗണിച്ചത്. എന്നാൽ മറ്റ് ചിത്രങ്ങളുടെ തിരക്ക് കാരണം താരം ഇത് വേണ്ടെന്നു വയ്ക്കുകയായിരുന്നു. നിമ്രോദ് കൗർ ആണ് ചിത്രത്തിൽ പിന്നീട് നായികയായി എത്തിയത്. ഇതും ഒരു സൂപ്പർഹിറ്റ് ചിത്രമായിരുന്നു. ഏറെ പ്രേക്ഷക പ്രശംസ നേടുകയും ചെയ്തു. ബോളിവുഡിലെ മറ്റൊരു സൂപ്പർ ഹിറ്റ് ചിത്രമാണ് ദി ഡേർട്ടി പിക്ചർ. പ്രശസ്ത തെന്നിന്ത്യൻ താരം സിൽക് സ്മിതയുടെ ജീവിത കഥയാണ് ചിത്രം പറഞ്ഞത്. വിദ്യാബാലനാണ് ഇതിൽ നായികയായി എത്തിയത്.

വിദ്യയുടെ കരിയറിലെ ഏറ്റവും മികച്ച ചിത്രങ്ങളിലൊന്ന് എന്ന് നിസ്സംശയം പറയാവുന്ന ചിത്രം. പിന്നീട് വിദ്യയെ അഭിനന്ദിച്ചുകൊണ്ട് കങ്കണ വന്നിരുന്നു. ഈ സിനിമയിലേക്ക് തന്നെ ക്ഷണിച്ചിരുന്നു എന്നും എന്നാൽ ഇതിന് സാധ്യത കണ്ടെത്താൻ തനിയ്ക്ക് കഴിഞ്ഞില്ലെന്നും താരം പിന്നീട് പറഞ്ഞിരുന്നു. വിദ്യാബാലൻ ചെയ്തതിലും മനോഹരമായ ചെയ്യാൻ തനിക്ക് കഴിയുമെന്ന് തോന്നുന്നില്ല എന്നും താരം കൂട്ടിച്ചേർത്തു.