ജയറാമിന്റെ മകന് എന്ന നിലയില് മലയാളികള്ക്ക് പ്രിയങ്കരനായ താരമാണ് കാളിദാസ് ജയറാം. ബാലതാരമായി സിനിമയില് എത്തിയ താരം നായകനായും നിരവധി സിനിമകളില് എത്തിയിരുന്നു.
ബാലതാരമായി മലയാളത്തില് തിളങ്ങാന് കഴിഞ്ഞുവെങ്കിലും തമിഴില് തിളങ്ങാന് കാളിദാസിന് കഴിഞ്ഞിരുന്നില്ല. തമിഴില് നിരവധി മികച്ച ചിത്രങ്ങളുടെ ഭാഗമാകാന് കാളിദാസിന് കഴിഞ്ഞിരുന്നു.
എന്നാല് മലയാളത്തില് കാളിദാസ് വേണ്ട വിധത്തില് സ്വീകരിക്കപ്പെട്ടില്ല. എന്നാല് ഈ ചീത്തപ്പേര് തിരുത്താന് കാളിദാസ് ഇപ്പോള് എത്തുകയാണ്. പുതിയ മലയാള ചിത്രവുമായി എത്തുകയാണ് കാളിദാസ്.
വിനില് സ്കറിയ വര്ഗീസ് സംവിധാനം ചെയ്യുന്ന ദ്വിഭാഷാ ചിത്രത്തില് കാളിദാസ് ജയറാം നായകനാവുന്നു. തമിഴ്-മലയാളം ഭാഷകളിലായി ഒരുങ്ങുന്ന ചിത്രം മലയാളത്തില് ‘രജ്നി’ എന്നും തമിഴില് ‘അവള് പെയര് രജ്നി’ എന്നുമാണ് പേരിട്ടിരിക്കുന്നത്.
വിനില് സ്കറിയ തന്നെയാണ് തിരക്കഥയും തമിഴ് പതിപ്പിന്റെ സംഭാഷണവും ഒരുക്കുന്നത്.മോളിവുഡില് തരംഗമായി മാറിയ ഫഹദ് ഫാസില് ചിത്രം ‘ട്രാന്സി’ന്റെ തിരക്കഥാകൃത്ത് വിന്സന്റ് വടക്കന് ആണ് രജ്നിയുടെ മലയാളം സംഭാഷണം നിര്വഹിക്കുന്നത്.
കാളിദാസ്, നമിത പ്രമോദ്, റീബ മോണിക്ക ജോണ്, സൈജു കുറുപ്പ് എന്നിവരെയാണ് പ്രധാന അഭിനേതാക്കള്. അശ്വിന് കെകുമാര്, കരുണാകരന്, ഷോണ് റോമി എന്നിവരും ചിത്രത്തിലുണ്ട്.
ആര്ആര് വിഷ്ണു ഛായാഗ്രഹണവും ദീപു ജോസഫ് എഡിറ്റിംഗും നിര്വ്വഹിക്കുന്നു. 4 മ്യൂസിക്സ് ബാന്ഡാണ് ചിത്രത്തിന് സംഗീതം നല്കിയിരിക്കുന്നത്. അതേസമയം നിലവില് ശങ്കര്-കമല്ഹാസന് കൂട്ടുകെട്ടില് ഒരുങ്ങുന്ന ‘ഇന്ത്യന് 2’വിന്റെ ചിത്രീകരണത്തിലാണ് കളിദാസ് ജയറാം.