ഇവളാണ് എൻ്റെ ജീവിതസഖി – പ്രണയിനിയെ ആരാധകർക്ക് പരിചയപ്പെടുത്തി കാളിദാസ് ജയറാം

മലയാളികൾക്ക് ഏറെ പ്രിയപ്പെട്ട താരങ്ങളിലൊരാളാണ് കാളിദാസ് ജയറാം. ജയറാം നായകനായ ചിത്രങ്ങളിലൂടെ ബാലതാരമായിട്ടാണ് കാളിദാസ് ജയറാം സിനിമയിൽ പ്രത്യക്ഷപ്പെടുന്നത്. കൊച്ചു കൊച്ചു സന്തോഷങ്ങൾ എന്ന ചിത്രത്തിൽ ജയറാമിൻ്റെ മകനായിട്ടായിരുന്നു കാളിദാസ് അഭിനയിച്ചത്. ഈ ചിത്രത്തിലെ പ്രകടനം ഏറെ ശ്രദ്ധിക്കപ്പെട്ടിരുന്നു. തുടർന്ന് എൻറെ വീട് അപ്പുൻ്റെയും എന്ന ചിത്രത്തിലും താരം അഭിനയിച്ചു. ഈ ചിത്രത്തിലെ പ്രകടനത്തിന് മികച്ച ബാലതാരത്തിനുള്ള സംസ്ഥാന സർക്കാർ പുരസ്കാരവും ലഭിച്ചു.

തുടർന്ന് സിനിമയിൽ നിന്നും വലിയ ഒരു ഇടവേള ആയിരുന്നു താരം എടുത്തത്. പിന്നീട് എബ്രിഡ് ഷൈൻ സംവിധാനം ചെയ്ത പൂമരം എന്ന ചിത്രത്തിലൂടെ ആയിരുന്നു കാളിദാസ് ജയറാം നായകനായി തിരിച്ചെത്തിയത്. ഈ ചിത്രത്തിലെ പ്രകടനം ഏറെ ശ്രദ്ധിക്കപ്പെടുകയും പ്രേക്ഷക പ്രശംസ പിടിച്ചുപറ്റുകയും ചെയ്തു. എന്നാൽ പിന്നീട് താരം മലയാളത്തിൽ അവതരിപ്പിച്ച കഥാപാത്രങ്ങൾ ഒന്നും തന്നെ അധികം ശ്രദ്ധിക്കപ്പെട്ടില്ല. തിരക്കഥ തിരഞ്ഞെടുപ്പിലും കഥാപാത്ര അവതരണത്തിലും താരം ഏറെ പഴി കേട്ടു.

പിന്നീടായിരുന്നു തമിഴിലേക്ക് ചേക്കേറാൻ താരം തീരുമാനിച്ചത്. നെറ്റ്ഫ്‌ളിക്സിൽ റിലീസ് ചെയ്ത് പാവ കഥകൾ എന്ന ആന്തോളജി സീരീസിലെ ഒരു മിനി ചിത്രത്തിലെ പ്രധാനപ്പെട്ട വേഷം ചെയ്തത് കാളിദാസ് ജയറാം ആയിരുന്നു. തങ്കം എന്നായിരുന്നു കാളിദാസ് അവതരിപ്പിച്ച കഥാപാത്രത്തിൻറെ പേര്. ഈ കഥാപാത്രം തൻറെ കരിയറിലെ തന്നെ ഏറ്റവും മികച്ച കഥാപാത്രമാക്കി കാളിദാസ് ജയറാം മാറ്റി. അതുകൊണ്ടുതന്നെ താരം ഇനി തമിഴിൽ കൂടുതൽ ശ്രദ്ധ കേന്ദ്രീകരിക്കാനാണ് സാധ്യത.

സമൂഹമാധ്യമങ്ങളിൽ വളരെ സജീവമാണ് കാളിദാസ് ജയറാം. താരമിപ്പോൾ ഇൻസ്റ്റഗ്രാമിൽ പങ്ക് വെച്ചിരിക്കുന്ന ചിത്രമാണ് വൈറലാകുന്നത്. ഒരു വലിയ പാത്രത്തിൽ നിന്നും ഭക്ഷണം കഴിക്കുന്ന ചിത്രമാണ് കാളിദാസ് പങ്കുവെച്ചത്. “ഇതാണ് എൻറെ ജീവിതസഖി” എന്നാണ് താരം പോസ്റ്റിന് നൽകിയ ക്യാപ്ഷൻ. നിമിഷങ്ങൾക്കകം തന്നെ പോസ്റ്റ് വൈറലായി.