ഗുജറാത്തുകാരിയായ വരദയുമായി എങ്ങനെ പ്രണയത്തിലായി? ആദ്യമായി പ്രണയകാലം വെളിപ്പെടുത്തി ജിഷിൻ മോഹൻ

മലയാളികൾക്ക് ഏറെ ഇഷ്ടപ്പെട്ട താരദമ്പതികൾ ആണ് ജിഷിൻ മോഹനൻ ഭാര്യ വരദയും. ടെലിവിഷൻ മേഖലയിൽ വളരെ സജീവമാണ് ഇരുവരും. നിരവധി സൂപ്പർഹിറ്റ് പരമ്പരകളിൽ ഇവർ അഭിനയിച്ചിട്ടുണ്ട്. സമൂഹമാധ്യമങ്ങളിലും വളരെ സജീവമാണ് രണ്ടുപേരും. ജീവിതത്തിലെ ചെറുതും വലുതുമായ എല്ലാ വിശേഷങ്ങളും ഇവർ ആരാധകരുമായി പങ്കുവയ്ക്കാറുണ്ട്. വളരെ രസകരമായ പോസ്റ്റുകൾ ആണ് ഇതെല്ലാം എന്നതുകൊണ്ടുതന്നെ വളരെ വേഗത്തിൽ ഇതെല്ലാം വൈറലായി മാറുകയും ചെയ്യാറുണ്ട്.

പ്രണയവിവാഹമായിരുന്നു ഇരുവരുടേയും. ഇവർക്കൊപ്പം തന്നെ മകൻറെ വിശേഷങ്ങളും എപ്പോഴും വാർത്തകളിൽ വരാറുണ്ട്. ഇപ്പോൾ ഇവർ ഇരുവരും ഇവരുടെ പ്രണയകാലത്തെ കുറിച്ച് മനസ്സ് തുറക്കുകയാണ്. അടുത്തിടെ ഒരു സ്വകാര്യ ചാനലിന് നൽകിയ അഭിമുഖത്തിൽ ആയിരുന്നു ജിഷനും വരദയും ഇവരുടെ പ്രണയകാലത്തെ കുറിച്ച് മനസ്സുതുറന്നത്. അമൃത ടിവിയുടെ റെഡ് കാർപ്പെറ്റ് എന്ന പരിപാടിയിൽ ആയിരുന്നു ഇരുവരും അതിഥികളായി എത്തിയത്. ഇവിടെ വെച്ചായിരുന്നു ഇരുവരും ഇവരുടെ പ്രണയം കാലഘട്ടത്തെക്കുറിച്ച് തുറന്നുപറഞ്ഞത്.

ഗുജറാത്തുകാരി ആയ പെൺകുട്ടിയുമായി എങ്ങനെ പ്രണയത്തിലായി എന്നായിരുന്നു ചോദ്യം. സ്വാസിക ആയിരുന്നു പരിപാടി അവതരിപ്പിച്ചത്. ഗുജറാത്തിൽ നിന്നും കേരളത്തിലേക്ക് എത്തിയത് ആയിരുന്നു വരദ. തൃശ്ശൂരിൽ ആയിരുന്നു കുടുംബത്തിനൊപ്പം വരദ താമസിച്ചത്. ആദ്യം ഗുജറാത്തിൽ ആയിരുന്നു വരദയുടെ കുടുംബം, പിന്നീടായിരുന്നു ഇരുവരും തൃശ്ശൂരിലേക്ക് എത്തിയത്. കണ്ണൂർ സ്വദേശി ആണ് ജിഷിൻ മോഹൻ. അമല എന്ന പരമ്പര ചെയ്യുന്ന സമയത്താണ് ഇരുവരും തമ്മിൽ പരിചയപ്പെടുന്നതും പിന്നീട് പ്രണയത്തിലാകുന്നതും.

ആ പരമ്പരയിലെ നായിക ആയിരുന്നു വരദ. ആ പരമ്പരയിലെ വില്ലനായിരുന്നു ജീഷിൻ. പരമ്പരയുടെ ഡയറക്ടർ കാരണമാണ് ഇരുവരും തമ്മിൽ പ്രണയത്തിലായത് എന്നാണ് ഇവർ പറയുന്നത്. ഒരു ദിവസം ഡയറക്ടർ ജിഷിനോട് പറഞ്ഞു – അവൾക്ക് നിന്നെ ഒരു നോട്ടം ഉണ്ട്. ഇതുകേട്ട ജിഷിൻ, വേണ്ടാത്തത് ഒന്നും പറയല്ലേ സാറേ എന്നായിരുന്നു നൽകിയ മറുപടി. എന്നാൽ പിന്നീട് ജിഷിൻ ഇടയ്ക്കിടയ്ക്ക് വരദയെ നോക്കിയപ്പോൾ വരദ തന്നെ നോക്കുന്നത് പോലെ തോന്നി. അങ്ങനെ ഞാനും തിരിച്ചു നോക്കാൻ തുടങ്ങി. പിന്നെ ഞങ്ങൾ കുറച്ചുകൂടി അടുത്ത് ശേഷമാണ് ഒരു സത്യം മനസ്സിലാക്കിയത്. എന്നോട് അടിച്ച അതേ ഡയലോഗ് സംവിധായകൻ വരദയോടും പറഞ്ഞിരുന്നു. ഞാൻ നോക്കുന്നുണ്ടോ എന്ന് നിരീക്ഷിക്കുകയായിരുന്നു വരദ. അങ്ങനെയാണ് ഞങ്ങൾ രണ്ടുപേരും പ്രണയത്തിലായത് – ജിഷിൻ മോഹൻ പറയുന്നു.

ആദ്യമായി ജിഷിനെ കണ്ടപ്പോൾ ഉണ്ടായ തോന്നൽ വരദയും മറച്ചുവെച്ചില്ല. ആദ്യം കണ്ടപ്പോൾ ഒരു അലമ്പനെ പോലെ ആയിരുന്നു തോന്നിയതു എന്നാണ് വരദ പറയുന്നത്. ഒരുമാതിരി അലമ്പ് നോട്ടമായിരുന്നു അന്നൊക്കെ. ഞാൻ വിചാരിച്ചു എവിടുന്നു കിട്ടിയതാണ് ഇതിനെ എന്ന്? സത്യത്തിൽ ഇങ്ങേര് അഭിനയിക്കുകയാണോ ജീവിക്കുക ആണോ എന്ന് എനിക്ക് മനസ്സിലായില്ല. അതുകൊണ്ടുതന്നെ ആദ്യമൊന്നും ജിഷിനെ ഇഷ്ടമല്ലായിരുന്നു. പിന്നീടാണ് പ്രണയത്തിലായത് – വരദ പറയുന്നു.