ഹൃത്വിക് ആരാധകര്‍ കാത്തിരുന്ന വാര്‍ത്ത എത്തി; താരം വീണ്ടും വിവാഹിതനാകുന്നു, കല്യാണ തീയതി സൂചനകള്‍ എത്തി-വധു ആരാണെന്ന് അറിയാമോ

ബോളിവുഡ് സിനിമ പ്രേമികളുടെ പ്രിയ നടനാണ് ഹൃത്വിക് റോഷന്‍. താരത്തിന്റെ ആരാധകര്‍ക്ക് സന്തോഷം നല്‍കുന്ന റിപ്പോര്‍ട്ട് ആണ് ഇപ്പോള്‍ എത്തുന്നത്. ഹൃത്വിക് റോഷന്‍ വീണ്ടും വിവാഹിതനാകുന്നുവെന്ന റിപ്പോര്‍ട്ട് എത്തിയിരിക്കുകയാണ്.

കാമുകി സബ ആസാദുമായാണ് ഹൃതിക് റോഷന്‍ വിവാഹിതനാകുക. 2023 നവംബറില്‍ ആയിരിക്കും ഹൃത്വിക് റോഷന്റെ വിവാഹം എന്നുമാണ് റിപ്പോര്‍ട്ട്.

ഹൃത്വിക് റോഷനും യുവ നടി സബ ആസാദും പ്രണയത്തിലാണെന്ന വാര്‍ത്തകള്‍ നേരത്തെ എത്തിയിരുന്നു.ഇരുവരും പബ്ലിക്ക് വേദിയില്‍ ഒരുമിച്ച് എത്തുകയും ചെയ്തിരുന്നു.

ഹൃത്വിക് റോഷനും യുവ നടി സബ ആസാദും ലിവ് ഇന്‍ റിലേഷനില്‍ ആണെന്ന് നേരത്തെ സിനിമാ മാധ്യമങ്ങളില്‍ വാര്‍ത്തകള്‍ വന്നിരുന്നു.ഹൃത്വിക്കും സബ ആസാദും ജുഹു വെര്‌സോവ ലിങ്ക് റോഡില്‍ നിര്‍മിച്ച ആഡംബര വസതിയുടെ അവസാന ഘട്ട ജോലികള്‍ പൂര്‍ത്തിയായിവരികയാണ്.

അതേസമയം ഹൃത്വിക്കോ സബയോ വിവാഹം സംബന്ധിച്ച് ഇതുവരെ പ്രതികരിച്ചിട്ടില്ല. ഹൃത്വിക്കിന്റെ രണ്ടാം വിവാഹമാണിത്. സൂസന്നയാണ് താരത്തിന്റെ ആദ്യ ഭാര്യ.ഹൃത്വിക്കും സൂസന്നയും 2014ല്‍ വിവാഹമോചിതരായിരുന്നു.

അതേസമയം ഹൃത്വിക് റോഷന്റേതായി ഏറ്റവും ഒടുവില്‍ പ്രദര്‍ശനത്തിന് എത്തിയത് ‘വിക്രം വേദ’യാണ്. തമിഴ് പ്രേക്ഷകരെ അമ്പരപ്പിച്ച ‘വിക്രം വേദ’യുടെ അതേ പേരിലുള്ള ഹിന്ദി റീമേക്കിലാണ് ഇത്.

പുഷ്‌കര്‍- ഗായത്രി ദമ്പതിമാര്‍ തന്നെ സംവിധാനം ചെയ്ത ചിത്രത്തില്‍ സെയ്ഫ് അലിഖാന്‍, രാധിക ആപ്‌തെ, രോഹിത്ത് സറഫ്, യോഗിത ബിഹാനി, ഷരീബ് ഹാഷ്മി തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിച്ചിരുന്നത്.

റിച്ചാര്‍ഡ് കെവിന്‍ ആണ് ചിത്രത്തിന്റെ ചിത്രസംയോജനം നിര്‍വഹിച്ചിരിക്കുന്നത്. പി എസ് വിനോദ് ആണ് ഛായാഗ്രാഹണം നിര്‍ഹിക്കുന്നത്. സാം സി എസ് പശ്ചാത്തല സംഗീതം നിര്‍വഹിക്കുന്ന ചിത്രത്തിന്റെ പാട്ടുകള്‍ ഒരുക്കിയത് വിശാല്‍ ദദ്‌ലാനി, ശേഖര്‍ രവ്ജിയാനി എന്നിവരാണ്.