അരുണ് ചന്തു സംവിധാനം ‘ഗഗനചാരി’ എന്ന ചിത്രത്തിന്റെ പ്രമോഷനായി തിയേറ്ററില് എത്തിയ നടന് ഗോകുല് സുരേഷാണ് പ്രേക്ഷകര്ക്ക് ഒരു സർപ്രൈസ് കൊടുത്തത്.ടിക്കറ്റുകള് വില്ക്കാനായി ഗോകുല് എത്തിയപ്പോള് ആവേശം കൊണ്ട് എല്ലാവരും തടിച്ചു കൂടി. തങ്ങളുടെ പ്രിയ താരത്തില് നിന്ന് വാങ്ങിയ ടിക്കറ്റുമായി സിനിമ കണ്ട സന്തോഷത്തിലാണ് പ്രേക്ഷകര് ഇപ്പോൾ.
അതേസമയം ഗഗനചാരി’ക്ക് തിയേറ്ററുകളില് നിന്നു നല്ല പ്രതികരണമാണ് ലഭിക്കുന്നത്. വ്യത്യസ്തമായ പശ്ചാത്തലത്തില് ഒരുക്കിയിരിക്കുന്ന ചിത്രമായതിനാല് നവയുഗ സിനിമാപ്രേമികളും നിരൂപകരും ആവേശത്തോടെയാണ് സിനിമയെ ഏറ്റെടുത്തത്. ‘ഗഗനചാരി’ ആഗോള തലത്തില് വിവിധ ഫെസ്റ്റുകളില് അംഗീകാരങ്ങള് സ്വന്തമാക്കിയ ശേഷം കേരളത്തില് നടന്ന കേരള പോപ് കോണിന്റെ ഭാഗമായും പ്രദര്ശിപ്പിക്കപ്പെട്ടിരുന്നു. വളരെ മികച്ച പ്രേക്ഷകപ്രതികരണമാണ് ചിത്രത്തിന് അവിടെവച്ചും ലഭിച്ചത്. ഇതെക്കൂടാതെ മികച്ച ചിത്രം, മികച്ച വിഷ്വല് എഫക്ട്സ് എന്ന വിഭാഗങ്ങളില് ന്യൂ യോര്ക്ക് ഫിലിം അവാര്ഡ്സ് , ലോസ് ആഞ്ചലസ് ഫിലിം അവാര്ഡ്സ്, തെക്കന് ഇറ്റലിയില് വെച്ച് നടന്ന പ്രമാണ ഏഷ്യന് ഫിലിം ഫെസ്റ്റിവല് എന്നിവിടങ്ങളിലും അമേരിക്ക, യൂറോപ്പ്, സിംഗപ്പൂര് തുടങ്ങിയ രാജ്യങ്ങളിലെ വിവിധ ഫെസ്റ്റുകളിലും ‘ഗഗനചാരി’ പ്രദര്ശിപ്പിച്ചിരുന്നു