അനിയത്തിപ്രാവിലേക്ക് കുഞ്ചാക്കോ ബോബനെയല്ലാതെ മറ്റാരേയും നോക്കിയിരുന്നില്ല, കൃഷ്ണയെ ഹരികൃഷ്ണന്‍സിലേക്ക് ആണ് നോക്കിയത്; ഫാസില്‍

മലയാളി പ്രേക്ഷകര്‍ നെഞ്ചിലേറ്റിയ സിനിമകളില്‍ ഒന്നാണ് അനിയത്തി പ്രാവ്. കുഞ്ചാക്കോ ബോബനും ശാലിനിയും ജോഡികളായി എത്തിയ സിനിമ വന്‍ ഹിറ്റ് ആയിരുന്നു. ചാക്കോച്ചന്‍ ആദ്യമായി നായക കഥാപാത്രത്തെ അവതരിപ്പിച്ച ചിത്രം കൂടിയാണ് ഇത്. ഇതിനുശേഷം നിരവധി അവസരം കുഞ്ചാക്കോ ബോബനും ലഭിച്ചു. തുടക്കത്തില്‍ ചോക്ലേറ്റ് നായകനായിരുന്ന ചാക്കോച്ചന്‍ പിന്നീട് മറ്റു കഥാപാത്രങ്ങള്‍ പരീക്ഷിച്ചു കൊണ്ടിരിക്കുകയാണ്.

ഫാസില്‍ സംവിധാനം ചെയ്ത അനിയത്തിപ്രാവിലേക്ക് കുഞ്ചാക്കോ ബോബനെ സെലക്ട് ചെയ്തത് അദ്ദേഹത്തിന്റെ ഭാര്യയായിരുന്നു. ഇപ്പോഴിതാ മനോരമ ന്യൂസിന് നല്‍കിയ അഭിമുഖത്തിനിടെ സിനിമയെ കുറിച്ച് അദ്ദേഹം പറഞ്ഞ വാക്കുകളാണ് വൈറല്‍ ആവുന്നത്.

അനിയത്തിപ്രാവിലേക്ക് നായകനെ അന്വേഷിച്ചുകൊണ്ടിരിക്കുന്ന സമയത്താണ് കുഞ്ചാക്കോ ബോബന്റെ ഫോട്ടോ കാണുന്നത്. ഞങ്ങളുടെ വീടിന്റെ ഗൃഹപ്രവേശനത്തിന് അപ്പനും അമ്മയ്ക്കുമൊപ്പമായി കുഞ്ചാക്കോ ബോബനും എത്തിയരുന്നു. അപ്പോള്‍ എടുത്ത ഫോട്ടോ ആണ് കണ്ടത്, ആല്‍ബത്തില്‍ അവരൊന്നിച്ചുള്ള ഫോട്ടോയുണ്ടായിരുന്നു. ഭാര്യയാണ് ഈ ചിത്രത്തിലേക്ക് നായകനായി ചാക്കോച്ചനെ പരിഗണിച്ചാലോ എന്ന് ചോദിച്ചത്്. ഫോട്ടോ എനിക്കും ഇഷ്ടമായതോടെയാണ് ചാക്കോച്ചന്റെ മാതാപിതാക്കളോട് സംസാരിച്ചത്, പിന്നീട് അദ്ദേപം ഉറപ്പിച്ചു.

അനിയത്തിപ്രാവിലേക്ക് കുഞ്ചാക്കോ ബോബനെയല്ലാതെ മറ്റാരേയും നോക്കിയിരുന്നില്ല. ബികോമിന് പഠിച്ചോണ്ടിരിക്കുകയായിരുന്നു കുഞ്ചാക്കോ ബോബന്‍. കൃഷ്ണയെ ഞാന്‍ ഹരികൃഷ്ണന്‍സിലേക്ക് വരുത്തിയിരുന്നു. കുഞ്ചാക്കോ ബോബന്‍ വന്നില്ലെങ്കില്‍ കൃഷ്ണയെക്കൊണ്ട് അഭിനയിപ്പിക്കാമെന്ന് തീരുമാനിച്ചിരുന്നു. തിരക്കുകളുണ്ടായിരുന്നുവെങ്കിലും ചാക്കോച്ചന്‍ കൃത്യസമയത്ത് തന്നെ എത്തിയിരുന്നു. ഫാസില്‍ പറഞ്ഞു.