ആഗസ്റ്റ് 30 ന് ആണ് വിവാഹം പക്ഷേ ഒരു ദുഃഖമുണ്ട്; എലീന പറയുന്നു

സോഷ്യല്‍ മീഡിയ കൊട്ടിയാഘോഷിക്കാന്‍ ഒരുങ്ങി നില്‍ക്കുന്ന അടുത്ത താരവിവാഹം ആണ് നടിയും അവതാരകയുമായ എലീന പടിക്കലിന്റെ. ആഗസ്റ്റ് 30 ന് ആണ് താരത്തിന്റെ വിവാഹം. കോഴിക്കോട് സ്വദേശിയായ രോഹിത് പി നായരാണ് എലീനയുടെ വരന്‍. ഇനി ഇവരുടെ വിവാഹത്തിന് നാളുകള്‍ മാത്രമേ ഉള്ളു. നേരത്തെ വിവാഹം കഴിഞ്ഞുള്ള പ്ലാനുകളെക്കുറിച്ച് എലീന തുറന്ന് പറഞ്ഞിരുന്നു. വിവാഹത്തിന്റെ ഒരുക്കങ്ങളെല്ലാം തുടങ്ങി കഴിഞ്ഞു. ഇതിനിടെയും വിശേഷം പങ്കുവെച്ച് എത്തിയിരിക്കുകയാണ്
എലീന .

രോഹിത്തിന്റെ സ്വദേശമായ കോഴിക്കോട് വെച്ചാണ് കല്യാണം നടക്കുന്നത്. കൊവിഡ് മാനദണ്ഡങ്ങള്‍ പാലിച്ചാണ് താരവിവാഹം നടക്കുന്നത്. ഒരു സങ്കടത്തെ കുറിച്ചും എലീന പറയുന്നുണ്ട്. നടിയുടെ വാക്കുകള്‍ ഇങ്ങനെ… ജനുവരിയിലായിരുന്നു വിവാഹനിശ്ചയം. ആഗസ്റ്റ് ആകുമ്പോഴേയക്കും കൊവിഡ് പ്രതിസന്ധികള്‍ മാറുമെന്ന് വിചാരിച്ചാണ് ഡേറ്റ് തീരുമാനിച്ചത് എന്നാല്‍ അത് ഉണ്ടായില്ല. എങ്കിലും നിശ്ചയിച്ച സമയത്ത് തന്നെ വിവാഹം നടത്താന്‍ തീരുമാനിക്കുകയായിരുന്നു.

എന്നാല്‍ വിവാഹവുമായി ബന്ധപ്പെട്ട് ധാരാളം പ്രതീക്ഷ ഉണ്ടായിരുന്നു. ആഡംബരമായി നടത്തണം എന്നൊന്നും ഉണ്ടായിരുന്നില്ല. അതിലൊന്നും താല്‍പര്യം ഇല്ല. എന്നാല്‍ കസിന്‍സിനും ഫ്രണ്ട്‌സിനുമൊന്നും പങ്കെടുക്കാന്‍ പറ്റില്ല. എല്ലാവരും വിദേശത്താണ്. ഈ ഒരു സാഹചര്യത്തില്‍ വരാന്‍ ബുദ്ധിമുട്ട് ആണ്.
ഈ ഒരു കാര്യത്തില്‍ നല്ല ദുഖമുണ്ടെന്നും എലീന പറഞ്ഞു.

അമ്മയുടെ വിഷമത്തെ കുറിച്ചും എലീന അഭിമുഖത്തില്‍ പറയുന്നുണ്ട്. അമ്മ ഇടയ്ക്ക് ഇരുന്ന് കരയുന്നതു കാണാം. ‘എന്നെ പിരിഞ്ഞു നില്‍ക്കണമല്ലോ, കല്യാണം കഴിഞ്ഞാല്‍ ഞാനിനി വീട്ടിലേക്ക് വരുമോ’ എന്നല്ലാമാണ് അമ്മയുടെ ചിന്ത. പക്ഷേ സത്യം എന്തെന്നു വച്ചാല്‍, വിവാഹം കഴിഞ്ഞ് ഏറെ വൈകാതെ ഷൂട്ടുകള്‍ തുടങ്ങും. അതിനു വീട്ടില്‍ നിന്നു പോകുന്നതാണ് എളുപ്പം. അതുകൊണ്ട് ഏറെ വൈകാതെ വീട്ടിലേക്ക് തിരിച്ചെത്തും എലീന പറഞ്ഞു.