‘ താൻ ഒരു ഈശ്വര വിശ്വാസിയാണ്, വിശ്വാസത്തിൽ നിന്നും വ്യതിചലിച്ചിട്ടില്ല. കോളേജ് കാലം മുതൽ തന്നെ ആ പാർട്ടിയിൽ സജീവമായിരുന്നു.’ സംവിധായകൻ ഷാജി കൈലാസ് പറയുന്നത് കേട്ടോ? അപ്പോൾ നിങ്ങൾ ആ ടീമിൽ പെട്ട ആളാണല്ലോ എന്ന് മലയാളികൾ.

മലയാളത്തിലെ പ്രശസ്ത സംവിധായകനാണ് ഷാജി കൈലാസ്. ഒരു ഇടവേളയ്ക്കുശേഷം കടുവ എന്ന ചിത്രത്തിലൂടെയാണ് മലയാളത്തിൽ അദ്ദേഹം മടങ്ങിയെത്തിയത്. പൃഥ്വിരാജ് ആണ് ചിത്രത്തിൽ നായകൻ. ഇപ്പോഴിതാ ഒരു അഭിമുഖത്തിൽ ഷാജി കൈലാസ് പറഞ്ഞ ചില കാര്യങ്ങൾ ശ്രദ്ധ നേടുകയാണ്.

ദൈവവിശ്വാസം ഉള്ള ഒരു കമ്മ്യൂണിസ്റ്റുകാരനാണ് താൻ എന്ന് സംവിധായകൻ പറയുന്നു. കോളേജ് കാലം മുതൽ പാർട്ടിയിൽ സജീവമാണ്. വിശ്വാസത്തിൽ നിന്നും താൻ ഇതുവരെ വ്യതിചലിച്ചിട്ടില്ല. തന്റെ ഇഷ്ടദൈവം ശിവനാണ് എന്നും അദ്ദേഹം കൂട്ടിച്ചേർത്തു. അർദ്ധനാരീശ്വരനായ അദ്ദേഹം സ്ത്രീക്കും പുരുഷനും ഒരേ പ്രാധാന്യം നൽകുന്നു. അതാണ് ശിവൻ തനിക്ക് പ്രിയപ്പെട്ടതാവാൻ കാരണം.

വിമർശനങ്ങളോട് പ്രതികരിക്കുകയും ചെയ്യുന്നുണ്ട് ഷാജി കൈലാസ്. ആളുകൾ എന്തെങ്കിലും പറയട്ടെ എന്ന് ഇദ്ദേഹം പറയുന്നു. വിമർശനങ്ങൾ ഇഷ്ടപ്പെടുന്ന വ്യക്തിയാണ് താൻ. വിമർശനങ്ങൾ കൊണ്ടു കുഴപ്പമില്ല പക്ഷേ സംസ്കാരത്തെ തള്ളി പറയരുത്. നിലവിളക്കും, വാഴയിലയും ഒക്കെ നമ്മുടെ സംസ്കാരത്തിൻറെ ഭാഗമാണ്.

അവയ്ക്ക് ജാതിയും മതവും ഒന്നുമില്ല. വിളക്ക് വെളിച്ചം നൽകുന്ന ഒരു വസ്തുവാണ്. വൈദ്യുതി ഇല്ലാതിരുന്ന സമയത്ത് ആളുകൾ വിളക്ക് ഉപയോഗിച്ചു. ഇപ്പോഴും പലയിടങ്ങളിലും വിളക്ക് സൂക്ഷിക്കുന്നുണ്ട്. ഐശ്വര്യത്തിന്റെ പ്രതീകം എന്നതിനും അപ്പുറത്തേക്ക് അതിനേ ജാതിവൽക്കരിക്കേണ്ട ആവശ്യമില്ല എന്നും ഷാജി കൈലാസ് പറയുന്നു.