‘ ക്രൂരമായ തമാശയാണിത്, തട്ടുപൊളിപ്പൻ സിനിമകൾക്ക് അംഗീകാരം നൽകിയിരിക്കുന്നു.’ ദേശീയ ചലച്ചിത്ര പുരസ്കാര പ്രഖ്യാപനത്തിനെതിരെ രൂക്ഷവിമർശനവുമായി അടൂർ ഗോപാലകൃഷ്ണൻ.

ഇന്ത്യയിൽ അറിയപ്പെടുന്ന സംവിധായകരിൽ ഒരാളാണ് അടൂർ ഗോപാലകൃഷ്ണൻ. കൂടുതലും കലാമൂല്യമുള്ള ചിത്രങ്ങളാണ് ഇദ്ദേഹം സംവിധാനം ചെയ്യാറുള്ളത്. ഇപ്പോഴിതാ ദേശീയ ചലച്ചിത്ര പുരസ്കാരം വളരെ ക്രൂരമായ തമാശയായി മാറി എന്ന് പറയുകയാണ് ഇദ്ദേഹം. കടുത്ത വിമർശനമാണ് പുരസ്കാര പ്രഖ്യാപനത്തിനെതിരെ അടൂർ ഗോപാലകൃഷ്ണൻ നടത്തുന്നത്.

 

പുരസ്കാരങ്ങൾക്കായി തിരഞ്ഞെടുക്കപ്പെടുന്ന സിനിമകളുടെ മാനദണ്ഡം എന്താണെന്ന് പോലും മനസ്സിലാകുന്നില്ല എന്ന് ഇദ്ദേഹം പറയുന്നു. ഫെഡറേഷൻ ഫിലിം സൊസൈറ്റിസ് ഓഫ് ഇന്ത്യ ഏർപ്പെടുത്തിയ ജോൺ എബ്രഹാം പുരസ്കാര ചടങ്ങിൽ പങ്കെടുക്കുമ്പോഴാണ് ഇദ്ദേഹം പ്രതികരിച്ചത്. കോഴിക്കോട് വെച്ചായിരുന്നു സംഘടന സംഘടിപ്പിച്ച ചടങ്ങ് നടന്നത്. മുൻപ് മികച്ച ചലച്ചിത്രകാരന്മാരും നിരൂപകരും ആയിരുന്നു ദേശീയ പുരസ്കാര ജൂറി ആയിരുന്നത് എന്ന് ഇദ്ദേഹം ചൂണ്ടിക്കാണിക്കുന്നു.

എന്നാൽ ഇപ്പോൾ ജൂറി അജ്ഞാതരാണ്. അവരാണ് ഈ പുരസ്കാരങ്ങൾ ഒക്കെ തീരുമാനിക്കുന്നത്. ജൂറി ചെയർമാൻ ആരെന്നു പോലും ആർക്കും അറിയില്ല. അദ്ദേഹത്തെക്കുറിച്ച് ആരും കേട്ടിട്ടില്ല. തട്ടുപൊളിപ്പൻ ചിത്രങ്ങൾക്കാണ് സമിതി ഇപ്പോൾ പുരസ്കാരങ്ങൾ നൽകുന്നത്. ഇത് വളരെ അന്യായമാണ്. കേരളത്തെ സർവ്വ രംഗത്തുനിന്നും പിന്നല്ലാനുള്ള ശ്രമം ഇപ്പോൾ നടന്നുകൊണ്ടിരിക്കുന്നുണ്ട്.

അടൂർ ഗോപാലകൃഷ്ണൻ പ്രതികരിച്ചത് ഇങ്ങനെ. ദിവസങ്ങൾക്കു മുൻപാണ് പുരസ്കാര പ്രഖ്യാപനം നടന്നത്. പുരസ്കാര പ്രഖ്യാപനത്തിൽ മലയാള സിനിമ ഏറെ നേട്ടം കൊയ്തിരുന്നു. ഏതാണ്ട് 8 പുരസ്കാരങ്ങൾ മലയാള ചലച്ചിത്ര മേഖല സ്വന്തമാക്കി. മികച്ച സഹനടനായി തിരഞ്ഞെടുക്കപ്പെട്ടത് ബിജു മേനോൻ ആണ്.