മോഹൻലാലിന് എതിരെയുള്ള വിമർശനം ; അടൂരിനോട് രണ്ടെണ്ണം പറഞ്ഞ് ധർമജൻ – കൃത്യമായ മറുപടി ആണെന്ന് മോഹൻലാൽ ആരാധകർ

മോഹൻലാൽ ഗുണ്ട ആണെന്ന അടൂർ ഗോപകൃഷ്ണന്റെ പരാമർശം സോഷ്യൽ മീഡിയയിൽ വലിയ വിമർശനം ഏറ്റുവാങ്ങിയിരുന്നു.

മോഹൻലാലുമായി സിനിമ ചെയ്യാത്തത് എന്ത് എന്ന മാധ്യമപ്രവർത്തകന്റെ ചോദ്യത്തിനു മറുപടി പറയുമ്പോഴായിരുന്നു അടൂരിന്റെ പരാമർശം.

സോഷ്യൽ മീഡിയയിൽ വലിയ വിമർശനം ഏറ്റുവാങ്ങിയിരുന്നു അടൂരിന്റെ ഈ പരാമർശം. സിനിമ താരങ്ങൾ ഉൾപ്പെടെ നിരവധി പേരായിരുന്നു അടൂരിനെ വിമർശിച്ച് രംഗത്ത് വന്നത്.

ഇപ്പോഴിതാ അടൂരിന്റെ പരാമർശത്തിനോട് പ്രതികരിച്ച് രംഗത്തുവന്നിരിക്കുകയാണ് നടൻ ധർമ്മജൻ ബോൾഗാട്ടി.

മോഹൻലാൽ എന്ന നടൻ ഞങ്ങൾക്ക് വലിയ ആളാണ്. അടൂർ സാർ മോഹൻലാലിന്റെ നല്ല സിനിമകൾ കണ്ടിട്ടില്ലാത്തത് കൊണ്ടാണ്, മോഹൻലാലിനെ ഗുണ്ടയായിട്ട് കാണുന്നത് എന്നാണ് ധർമജൻ പറഞ്ഞത്.

സോഷ്യൽ മീഡിയ പോസ്റ്റിലൂടെ ആയിരുന്നു ധർമജന്റെ വിമർശനം. ധർമജന്റെ പോസ്റ്റിങ്ങനെ-

അടൂർ സാറിനോട് രണ്ട് വാക്ക് പറയണമെന്ന് തോന്നിയത് കൊണ്ടാണ്. മോഹൻലാൽ എന്ന നടൻ ഞങ്ങൾക്ക് വലിയ ആളാണ് അടൂർ സാർ മോഹൻലാലിന്റെ നല്ല സിനിമകൾ കണ്ടിട്ടില്ലാത്തത് കൊണ്ടാണ്, മോഹൻലാലിനെ ഗുണ്ടയായിട്ട് കാണുന്ന അടൂർ സാറിനോട് ഞങ്ങൾക്ക് അഭിപ്രായമില്ല.

സാർ മോഹൻലാൽ സാധാരണക്കാരനായിട്ട് അഭിനയിച്ച ഒരുപാട് സിനിമകളുണ്ട് ഏയ് ഓട്ടോ, ടി.പി ബാലഗോപാലൻ എം.എ, വെള്ളാനകളുടെ നാട്, കിരീടം തുടങ്ങി ഒരുപാട് സിനിമകളുണ്ട്

അടൂർ സാറിന് ലാലേട്ടൻ ഗുണ്ടയായിട്ട് തൊന്നുന്നുണ്ടാകും പക്ഷെ ഞങ്ങൾക്ക് തോന്നുന്നില്ല.

അടൂർ സാറിനോടുള്ള എല്ലാ ബഹുമാനവും വെച്ചിട്ട് പറയട്ടെ സാർ സാറിന്റെ പടത്തിൽ അഭിനയിപ്പിച്ചിട്ടില്ലെങ്കിലും കുഴപ്പമില്ല പക്ഷെ മോഹൻലാൽ എന്നും വലിയ നടനാണ് വലിയ മനുഷ്യനാണ്.

സാർ സാറിന് പറ്റിയ ആളുകളെകൊണ്ട് അഭിനയിപ്പിച്ചോളൂ പക്ഷെ ലാലേട്ടന് നേരെ മോശം വാക്കുകൾ ഉപയോഗിക്കരുത്.