ദീപിക പദുക്കോണിനെ വീണ്ടും ആശുപത്രിയില്‍ പ്രവേശിപ്പിച്ചു; താരത്തിന്റെ ആരോഗ്യത്തിനായി പ്രാര്‍ത്ഥിച്ച് ആരാധകര്‍,താരത്തിന് സംഭവിച്ചത് അറിഞ്ഞോ

പെട്ടെന്നുണ്ടായ ബുദ്ധിമുട്ടുകളെ തുടര്‍ന്ന് ബോളിവുഡ് സൂപ്പര്‍താരം ദീപിക പദുക്കോണിനെ ആശുപത്രിയില്‍ പ്രവേശിപ്പിച്ചു. തിങ്കളാഴ്ച രാത്രിയാണ് പെട്ടെന്നുള്ള അസുഖത്തെ തുടര്‍ന്ന് താരത്തിനെ ആശുപത്രിയില്‍ പ്രവേശിപ്പിച്ചത്.

അസ്വസ്ഥത അനുഭവപ്പെട്ട ദീപികയെ, ഭര്‍ത്താവ് രണ്‍വീര്‍ സിംഗ് മുംബൈയിലെ ബീച്ച് കാന്‍ഡി ഹോസ്പിറ്റലിലേക്ക് കൊണ്ടുപോവുകയായിരുന്നു. ബോളിവുഡ് മാധ്യമങ്ങള്‍ റിപ്പോര്‍ട്ട് ചെയ്യുന്നത് പ്രകാരം താരം നിലവില്‍ ചികിത്സയിലാണ്.

താരത്തിന്റെ ആരോഗ്യ സ്ഥിതിയെ കുറിച്ച് താരങ്ങളുടെ ടീം ഒന്നും പറഞ്ഞിട്ടില്ലെങ്കിലും ദീപിക സുഖമായി ഇരിക്കുന്നുവെന്നാണ് ആശുപത്രി വൃത്തങ്ങളില്‍ നിന്നും എത്തുന്ന റിപ്പോര്‍ട്ടുകള്‍.

അതേസമയം ഇത് രണ്ടാം തവണയാണ് നടിക്ക് പെട്ടെന്ന് അസ്വസ്ഥത അനുഭവപ്പെട്ട് ആശുപത്രിയില്‍ പ്രവേശിപ്പിക്കുന്നത്. കുറച്ച് മാസങ്ങള്‍ക്ക് മുമ്പ് പ്രഭാസിനൊപ്പമുള്ള ‘പ്രോജക്റ്റ് കെ’ എന്ന ചിത്രത്തിന്റെ ഷൂട്ടിംഗ് ഹൈദരാബാദില്‍ നടക്കുമ്പോള്‍ ഹൃദയമിടിപ്പ് പെട്ടെന്ന് വര്‍ധിച്ചതിനെ തുടര്‍ന്ന് ദീപികയെ ആശുപത്രിയില്‍ പ്രവേശിപ്പിച്ചിരുന്നു.

അതേസമയം തങ്ങളുടെ പ്രിയതാരം ആശുപത്രിയിലാണെന്ന വാര്‍ത്ത പുറത്ത് വന്നതോടെ ദീപികയുടെ ആരോഗ്യത്തിന് വേണ്ടി പ്രാര്‍ത്ഥനയുമായി എത്തിയിരിക്കുകയാണ് ആരാധകര്‍.

ഭര്‍ത്താവ് രണ്‍വീര്‍ സിങ്ങിന്റെ ‘സര്‍ക്കസ്’, ഷാരൂഖ് ഖാന്റെ ‘പത്താന്‍’, അമിതാഭ് ബച്ചന്റെ ‘ദി ഇന്റേണ്‍’ എന്നിവയാണ് ദീപികയുടെ വരാനിരിക്കുന്ന റിലീസുകള്‍. ഷാരൂഖ്, വിജയ് സേതുപതി, നയന്‍താര, പ്രിയാമണി എന്നിവര്‍ അഭിനയിക്കുന്ന അറ്റ്ലിയുടെ ‘ജവാന്‍’ എന്ന ചിത്രത്തിലും അവര്‍ ഒരു പ്രധാന വേഷത്തില്‍ എത്തും.