പ്രണവ് മോഹന്ലാല് നായകനായി എത്തിയ ഹൃദയം എന്ന സിനിമയില് നായിക കഥാപാത്രത്തെ അവതരിപ്പിച്ചതോടെയാണ് നടി ദര്ശന രാജേന്ദ്രന്റെ കരിയര് മാറിമറിഞ്ഞത്. ഇതിലെ ദര്ശന എന്ന് തുടങ്ങുന്ന ഗാനം എല്ലാം ഹിറ്റ് ആയിരുന്നു. സിനിമയിലെ നടിയുടെ അഭിനയത്തെ പുകഴ്ത്തിയും ചിലര് എത്തി. ഇന്ന് ദര്ശനയെ തേടി നിരവധി കഥാപാത്രങ്ങള് വന്നുകൊണ്ടിരിക്കുന്നു. ഡിയര് ഫ്രണ്ട് ആണ് ഏറ്റവും ഒടുവില് തിയേറ്ററുകളിലെത്തിയ ദര്ശന ചിത്രം.
ഇപ്പോഴിതാ തന്റെ ജന്മദിനം ആഘോഷിക്കുന്ന വീഡിയോ ആണ് താരം ഷെയര് ചെയ്തത്. താരത്തിന്റെ 34 പിറന്നാള് ആണിത്. ജയജയജയഹേ എന്ന സിനിമയുടെ ലൊക്കേഷനില് വച്ചാണ് ദര്ശനയുടെ പിറന്നാള് ആഘോഷിച്ചത്. ചക്ക വര്ണ്ണ കടലാസില് പൊതിഞ്ഞു കൊണ്ടാണ് കൂട്ടുകാര് ദര്ശന ക്ക് ഇത് സമ്മാനിച്ചത്. വര്ണ്ണക്കടലാസുകള് പതുക്കെ പൊളിച്ചു , അവസാനം ചക്ക കണ്ടപ്പോഴുള്ള ദര്ശനയുടെ മുഖം ഭാവം ഒന്ന് കാണേണ്ടത് തന്നെ. പിന്നീട് കൊടുവാള് കൊണ്ട് ചക്ക വെട്ടുന്നതും കാണാം.
ഇങ്ങനെ ഒരു സമ്മാനം വേറൊരു നടിക്കും ഇതുവരെ കിട്ടിയിട്ടുണ്ടാവില്ല എന്നാണ് ഭൂരിഭാഗം ആളുകളും കമന്റ് ചെയ്തത്. ഇതിനിടെ താരത്തിന് പിറന്നാള് ആശംസ അറിയിച്ചും ആരാധകര് എത്തി. ചിലര് നടിയുടെ പ്രായത്തെ കുറിച്ചും കമന്റ് ചെയ്തു. 34കാരിയാണെന്ന് കണ്ടാല് പറയ്യില്ലെന്നും ആരാധകര് പറയുന്നു.
ഇന്ന് കൈനിറയെ സിനിമകളാണ് ദര്ശനക്ക്. ജോണ് പോള് വാതില് തുറക്കുന്നു ,എന്ന ചിത്രത്തിലൂടെയാണ് ദര്ശന മലയാളത്തിലേക്ക് എത്തുന്നത്. തുടര്ന്ന് മായാനദി , വൈറസ് , സീ യു സോണ് എന്ന സിനിമകളിലും അഭിനയിച്ചു. വിനീത് ശ്രീനിവാസന് ഒരുക്കിയ ഹൃദയത്തില് എത്തിയതോടെയാണ് ദര്ശന കൂടുതല് ശ്രദ്ധിക്കപ്പെട്ടത്.