മായാനദിയിലേയ്ക്ക് എത്തുന്നതിന് മുന്‍പ് മറ്റൊരു വലിയ സിനിമയിലേയ്ക്ക് അവസരം ലഭിച്ചു , പക്ഷേ ആ സിനിമ നടന്നില്ല; ദര്‍ശന രാജേന്ദ്രന്‍

സിനിമയില്‍ ചെറിയ ചെറിയ കഥാപാത്രങ്ങള്‍ ചെയ്തു പിന്നീട് വലിയ താരമായി മാറിയ നിരവധിപേരെ നമുക്ക് അറിയാം. പറഞ്ഞുവരുന്നത് നടി ദര്‍ശന രാജേന്ദ്രനെ കുറിച്ചാണ്. നാടകങ്ങളിലൂടെ സിനിമയിലെത്തിയ നടിയാണ് ദര്‍ശന. ഏറ്റവും ഒടുവില്‍ റിലീസ് ചെയ്ത ദര്‍ശന ചിത്രം ജയ ജയ ജയ ജയ ഹേക്ക് മികച്ച പ്രതികരണമാണ് ലഭിച്ചത്. ഹൃദയം എന്ന ചിത്രത്തില്‍ അഭിനയിച്ചതോടു കൂടി തന്നെ ദര്‍ശനയുടെ കരിയര്‍ മാറിയിരുന്നു. ഇതിന് പിന്നാലെ ബേസില്‍ ജോസഫിന്റെ നായികയായി എത്തിയതോടെ നടിയോടുള്ള ആരാധകരുടെ ഇഷ്ടം കൂടി .

സിനിമയിലേക്ക് എത്തുന്നതിനുമുമ്പ് താന്‍ ജോലി ചെയ്തിരുന്നുവെന്ന് ദര്‍ശന പറയുന്നു. ഇതിനിടെയാണ് നാടകങ്ങളിലെല്ലാം പങ്കെടുത്തത്. പിന്നീടാണ് അഭിനയം വളരെ സീരിയസായി ചെയ്യണമെന്ന് കരുതിയത്. എന്റെ സുഹൃത്തുക്കള്‍ക്കൊക്കെ എന്റെ പാഷനെ കുറിച്ച് അറിയാം എന്നും നടി പറഞ്ഞു.

ഇപ്പോള്‍ സിനിമകളില്‍ കാണുമ്പോള്‍ സന്തോഷവും ഞെട്ടലും എല്ലാം കൂടി കലര്‍ന്ന അവസ്ഥയാണ്. ജയ ജയ ജയ ജയഹേ ഫസ്റ്റ് ഡേ കാണാന്‍ കോളേജില്‍ പഠിച്ച എന്റെ അടുത്ത ചില സുഹൃത്തുക്കള്‍ വന്നിരുന്നു. അവര്‍ നോക്കുമ്പോള്‍ എനിക്ക് ചുറ്റും മീഡിയ, സെല്‍ഫി എടുക്കാന്‍ ആളുകളൊക്കെ ചുറ്റും കൂടുന്നു. അവര് ശരിക്കും ഞെട്ടി. ഇത്രയൊന്നും അവരും പ്രതീക്ഷിക്കുന്നില്ല

മായാനദിയിലേയ്ക്ക് എത്തുന്നതിന് മുന്‍പ് മറ്റൊരു വലിയ സിനിമയിലേയ്ക്ക് അവസരം ലഭിച്ചിരുന്നു. അതിനുവേണ്ടി എട്ടുമാസത്തോളം വര്‍ക്ക് ചെയ്യുകയും ചെയ്തു. പക്ഷേ ആ സിനിമ നടന്നില്ല. ആ സിനിമയ്ക്കുവേണ്ടി ചെയ്യുമ്പോള്‍ ഇത് പുറത്തിറങ്ങുന്നതോടെ മലയാളത്തില്‍ നല്ല തുടക്കമായിരിക്കും എന്നൊക്കെയാണ് കരുതിയത്. അവിടെ നിന്നാണ് മായാനദിയിലേയ്ക്ക് എത്തുന്നത് ദര്‍ശന പറഞ്ഞു.