ഇവനെയാണോ നീ ഗ്രേറ്റ് ഡയറക്ടര്‍ എന്ന് പറയുന്നത്; അന്ന് പരിഹസിച്ചവര്‍ ഇന്ന് ജൂഡിനെ അഭിനന്ദിക്കുന്നത് കാണുമ്പോള്‍ സന്തോഷം-വൈറലായി കുറിപ്പ്

ജൂഡ് ആന്റണി സംവിധാനം ചെയ്ത 2018 സിനിമ മികച്ച വിജയം നേടി പ്രദര്‍ശനം തുടരുമ്പോള്‍ ചിത്രത്തിന്റെ ചീഫ് അസോസിയേറ്റ് ഡയറക്ടറായ സൈലെക്‌സ് ഏബ്രഹാം ജൂഡ് ആന്റണിയെ കുറിച്ച് പങ്കുവച്ച കുറിപ്പാണ് സോഷ്യല്‍ മീഡിയയില്‍ വൈറലാകുന്നത്.

‘2018’ സിനിമ പ്രഖ്യാപിച്ചപ്പോള്‍ ജൂഡ് ആന്തണിയെ പരിഹസിച്ചവര്‍ ഇന്ന് അദ്ദേഹത്തെ വിളിച്ച് അഭിനന്ദിക്കുന്നതു കാണുമ്പോള്‍ സന്തോഷം തോന്നുന്നുവെന്ന് ചിത്രത്തിന്റെ ചീഫ് അസോഷ്യേറ്റ് ഡയറക്ടറായ സൈലെക്‌സ് ഏബ്രഹാം സോഷ്യല്‍ മീഡിയയില്‍ കുറിച്ചു.

‘2018’ സിനിമയുടെ പൂജ ദിവസം എടുത്ത ഫോട്ടോ പങ്കുവച്ചായിരുന്നു സൈലെക്‌സിന്റെ കുറിപ്പ്. കുറിപ്പിന്റെ പൂര്‍ണ്ണരൂപം-

ഇത് 2018 മൂവിയുടെ ഫസ്റ്റ് ഡേ പൂജ കഴിഞ്ഞുള്ള ചിത്രമാണ് ഇന്നിത് വീണ്ടും പോസ്റ്റ് ചെയ്യുന്നതിനു കാരണം ചിലര്‍ക്കു മുന്നില്‍ വീണ്ടും ഒരു ഓര്‍മ്മപ്പെടുത്തല്‍ കൂടിയാണ് .
എന്റെ സിനിമാ ജീവിതത്തില്‍ ദൃശ്യം ഉള്‍പ്പെടെ ചെറുതും വലുതുമായ ഒട്ടനവധി സൂപ്പര്‍ ഹിറ്റ് ചിത്രങ്ങളുടെ ചീഫ് അസ്സോസിയേറ്റ് ഡയറക്ടര്‍ ആയി പ്രവര്‍ത്തിക്കാനുള്ള ഭാഗ്യം ലഭിച്ചിട്ടുണ്ട് അതില്‍ എന്റെ ഗുരു തുല്യരായ സംവിധായകരോടൊപ്പവും പുതുമുഖ സംവിധായകരോടൊപ്പവും ഒരേ പോലെ പ്രവര്‍ത്തിക്കാന്‍ കഴിഞ്ഞിട്ടുണ്ട് എന്നതാണ് സത്യം

അതുപോലെ തന്നെയാണ് ജൂഡ് ആന്റണിയോടൊപ്പം 2018 എന്ന സിനിമയുടെ ചീഫ് അസ്സോസിയേറ്റ് ഡയറക്ടര്‍ ആകാന്‍ ഭാഗ്യം ലഭിച്ചതും , ആദ്യമായാണ് ഞാനും ജൂഡും കാണുന്നതും പരിചയപ്പെടുന്നതും

ഇന്നിപ്പോള്‍ ജൂഡ് നല്ലൊരു സുഹൃത്തും സഹോദരനുമാണ് കൂടാതെ ജൂഡിന്റെ നേതൃത്വത്തില്‍ 2018 മൂവിയുടെ പ്രീപ്രൊഡക്ഷന്‍ വര്‍ക്കുകള്‍ ആരംഭിച്ചപ്പോള്‍ തന്നെ ജൂഡ് എന്ന സവിധായകന്റെ ക്രാഫ്റ്റും ഞാന്‍ തിരിച്ചറിഞ്ഞിരുന്നു
മലയാള സിനിമയില്‍ ഞാന്‍ മുന്നേ പ്രവര്‍ത്തിച്ചിട്ടുള്ള ചില ചിത്രങ്ങളും അവയുടെ സവിധയകരെയും കൂട്ടത്തില്‍ ജൂഡ് ആന്റണി ജോസഫ് എന്ന യുവ സവിധായകനും ‘ 2018’ മൂവിയും മലയാള സിനിമയില്‍ ചരിത്രം കുറിക്കും എന്ന് ഉറപ്പായിരുന്നു

അതുകൊണ്ടു തന്നെ വളരെ അഭിമാനത്തോടെ തന്നെ ഷൂട്ട് തുടങ്ങുന്നതിനു മുമ്പുതന്നെ ഈ ഫോട്ടോ പോസ്റ്റ് ചെയ്തുകൊണ്ടു ഇങ്ങനെ കുറിച്ചു ‘ A new film with a new combination of Great Director ‘
എന്നാല്‍ നിമിഷങ്ങള്‍ക്കകം എനിക്ക് വന്ന നിരവധി കോളുകളും ചിലര്‍ നേരില്‍ പറഞ്ഞതും ഇങ്ങനെയായിരുന്നു ഇവനെയാണോ നീ ഗ്രേറ്റ് ഡയറക്ടര്‍ എന്ന് പറയുന്നത്
കേട്ടപ്പോള്‍ വിഷമം തോന്നിയെങ്കിലും അത് പുറത്തു പ്രകടിപ്പിക്കാതെ തന്നെ ചിരിച്ചുകൊണ്ട് അവര്‍ക്കു മറുപടി നല്‍കി ഈസിനിമ ഒരു ദിവസം തിയറ്ററില്‍ വരും അന്ന് നിങ്ങള്‍ ഈ സിനിമകണ്ട് തിരിച്ചറിയും ജൂഡ് ആന്റണി ജോസഫ് ഗ്രേറ്റ് ആണോ അല്ലയോ എന്ന് .

ഇന്ന് 2018 മൂവി റിലീസ് ആയി രണ്ടു ദിവസം പിന്നിടുമ്പോള്‍ മൂവി കണ്ടവരും, മൂവിയെ കുറിച്ച് പറഞ്ഞു കേട്ടവരും, ഒന്നും അറിയാതെ പരിഹസിച്ചവരും ജൂഡിനെ വിളിച്ചു അഭിനന്ദിക്കുമ്പോള്‍ ഒരുപാടു ഒരുപാടു സന്തോഷം
ഈ സിനിമയ്ക്കായി താങ്കള്‍ എടുത്ത കഷ്ടപ്പാടും ആത്മ സമര്‍പ്പണത്തിനും ഈശ്വരന്‍ കരുതിവച്ച നാളുകളായിരുന്നു ഇത്.

ഷൂട്ടിനിടയിലും ഞാന്‍ കാണുമായിരുന്നു താങ്കളുടെ ഉള്ളിലുള്ള ഫയര്‍ പരിഹസിച്ചവരുടെ മുന്നില്‍ വിജയക്കൊടി പാറിക്കാനുള്ള ദൃഢനിശ്ചയം .
അതുകൊണ്ടു വളരെ അഭിമാനത്തോടും സന്തോഷത്തോടും കൂടി വീണ്ടും ഒന്ന് കൂടെ കുറിക്കുന്നു
A new film with a new combination of Great Director, Great Producers Great Artists and Great Technician’s. ??
‘A Jude Anthony Joseph Film’
2018 ചരിത്ര വിജയമാക്കി തീര്‍ത്ത ഓരോ മലയാളികളോടും ഒരിക്കല്‍ കൂടി ഞങ്ങളുടെ നന്ദിയും സ്‌നേഹവും അറിയിക്കുന്നു ??????