ചില കലാകാരന്മാർ അവൻ്റെ കുടുംബത്തിൽ പറയുന്ന ഭാഷയിൽ സൃഷ്ടി നടത്തും. ചുരുളിക്കെതിരെ പരോക്ഷ വിമർശനവുമായി അലി അക്ബർ.

ചുരുളി സിനിമയാണ് ഇപ്പോൾ കേരളത്തിൽ ഏറെ ചർച്ചാവിഷയമായ വിഷയങ്ങളിൽ ഒന്ന്. സിനിമയിൽ സഭ്യതയുടെ അതിര് ഏറെ കടന്നുപോയി എന്ന് ഒരു വിഭാഗം പറയുന്നു. എന്നാൽ ഇതൊരു കലാസൃഷ്ടിയാണ് അപ്പോൾ അപ്പോൾ അതിൻറെ സാഹചര്യങ്ങൾക്ക് അനുസരിച്ചുള്ള രീതികൾ ആയിരിക്കും ചിത്രത്തിലുണ്ടാവുക എന്ന് മറ്റൊരു വിഭാഗവും പറയുന്നു. എന്തായാലും ഇതിനെ ചൊല്ലി ഉള്ള ചർച്ചകൾ ഇപ്പോൾ കത്തി കയറുകയാണ്.

ലിജോ ജോസ് പെല്ലിശ്ശേരി ആണ് ഈ ചിത്രം സംവിധാനം ചെയ്തിരിക്കുന്നത്. മലയാളികൾ ഏറെ ഇഷ്ടപ്പെടുന്ന സംവിധായകനാണ് ഇദ്ദേഹം. ഇദ്ദേഹത്തിന് ഒരു ചിത്രം അടുത്ത ചിത്രത്തിൽ നിന്നും ഏറെ വ്യത്യസ്തത നിറഞ്ഞതായിരിക്കും. മറ്റുള്ളവരെ ബോധിപ്പിക്കാതെ തൻറെ രീതിയിൽ സിനിമ സംവിധാനം ചെയ്യുന്നു എന്നത് ലിജോയുടെ പ്രത്യേകതയാണ്. വളരെ വ്യത്യസ്തമായ കഥാതന്തുവാണ് ലിജോയുടെ ഓരോ ചിത്രങ്ങൾക്കും.

ഇപ്പോഴിതാ സംവിധായകൻ അലി അക്ബർ പങ്കുവെച്ച ഒരു പോസ്റ്റാണ് ശ്രദ്ധനേടുന്നത്. ചില കലാകാരന്മാർ അവൻ്റെ കുടുംബത്തിൽ പറയുന്ന ഭാഷയിൽ സൃഷ്ടി നടത്തും. ഇങ്ങനെയാണ് അലി അക്ബർ ഫേസ്ബുക്കിൽ കുറിച്ചിരിക്കുന്നത്. ചുരുളിക്കെതിരെയുള്ള പരോക്ഷ വിമർശനം ആണ് ഇത് എന്ന് വ്യക്തം. ഈ പോസ്റ്റ് ഇപ്പോൾ ഏറെ ശ്രദ്ധ നേടുകയാണ്. സോണി ലീവിലാണ് ഈ ചിത്രം റിലീസ് ചെയ്തത്.

ചിത്രം പിൻവലിക്കണമെന്ന് ആവശ്യപ്പെട്ട് യൂത്ത് കോൺഗ്രസ് രംഗത്തെത്തിയിരുന്നു. പച്ച തെറികളും, അസഭ്യവാക്കുകളും സമൂഹത്തിലേക്ക് കടത്തിവിടുന്നത് വഴി സാമൂഹിക സംഘർഷത്തിനും അരാജകത്വം സൃഷ്ടിക്കാൻ വഴിതെളിക്കുന്നതുമാണ് എന്ന് പരാതിയിൽ പറയുന്നു. സമൂഹത്തെ വഴി തെറ്റിക്കുക എന്ന ഉദ്ദേശത്തോടെയാണ് ചിത്രം എടുത്തത് എന്ന് പരാതിയിൽ പറയുന്നു.