തീയറ്റര്‍ പൂരപറമ്പ് ആക്കിയ ശേഷം ബി ഉണ്ണികൃഷ്ണന്‍-മമ്മൂട്ടി ചിത്രം ഒടിടിയിലേക്ക്; ക്രിസ്റ്റഫര്‍ ഓണ്‍ലൈന്‍ റിലീസ് ഡേറ്റ് സൂചനകള്‍ എത്തി-ഇനി ക്രിസ്റ്റഫര്‍ ഒടിടി ഭരിക്കുമെന്ന് ആരാധകര്‍

സിനിമ പ്രേമികള്‍ വന്‍ പ്രതീക്ഷയോടെ കാത്തിരുന്ന മമ്മൂട്ടി ചിത്രമായിരുന്നു ക്രിസ്റ്റഫര്‍. നീണ്ട ഇടവേളയ്ക്ക് ശേഷം ബി ഉണ്ണികൃഷ്ണന്‍-മമ്മൂട്ടി കൂട്ടുകെട്ട് വീണ്ടും ഒന്നിക്കുന്ന ചിത്രമെന്ന നിലയ്ക്കും ആറാട്ടിന് ശേഷം ബി ഉണ്ണികൃഷ്ണന്‍ സംവിധാനം ചെയ്യുന്ന ചിത്രമെന്ന നിലയ്ക്കും ആണ് ചിത്രത്തിനായി ആരാധകര്‍ പ്രതീക്ഷയോടെ കാത്തിരുന്നത്.

തീയറ്ററില്‍ എത്തിയ ചിത്രം ആരാധകരുടെ പ്രതീക്ഷ കാത്ത് സൂക്ഷിച്ചിരുന്നു. കഴിഞ്ഞ മാസം തിയേറ്ററുകള്‍ റിലീസ് ചെയ്ത ചിത്രം മികച്ച പ്രതികരണം നേടിയിരുന്നു. പോലീസ് ഉദ്യോഗസ്ഥനായിട്ടുള്ള മമ്മൂട്ടിയുടെ പകര്‍ന്നാട്ടം സിനിമ പ്രേമികള്‍ ഇരുകൈയ്യും നീട്ടി സ്വീകരിച്ചിരുന്നു.

ആഗോള തലത്തില്‍ സിനിമ 10 കോടിയിലധികം രൂപയാണ് സ്വന്തമാക്കിയത്. കേരള ബോക്‌സ് ഓഫീസില്‍ നിന്നും 5.75 കോടി രൂപയും വിദേശ ബോക്‌സ് ഓഫീസില്‍ നിന്നും 3.82 കോടി രൂപയുമാണ് സിനിമയുടെ നേട്ടം.

ഇപ്പോഴിത ചിത്രം ഒടിടി റിലീസിന് ഒരുങ്ങുന്നുവെന്ന വാര്‍ത്ത എത്തുകയാണ്. കഴിഞ്ഞ മാസം തിയേറ്ററുകള്‍ റിലീസ് ചെയ്ത സിനിമ ഉടന്‍ ഒടിടി സ്ട്രീമിങ് ആരംഭിക്കുമെന്ന റിപ്പോര്‍ട്ടുകളാണ് വരുന്നത്.

ഈ മാസം ആമസോണ്‍ പ്രൈമിലൂടെയായിരിക്കും ചിത്രമെത്തുക.ഫെബ്രുവരി ഒമ്പതിനായിരുന്നു ക്രിസ്റ്റഫര്‍ തിയേറ്ററുകളെത്തിയത്.
‘ബയോഗ്രഫി ഓഫ് എ വിജിലന്റ് കോപ്പ്’ എന്ന ടാഗ് ലൈനിനോട് ഒപ്പമാണ് ത്രില്ലര്‍ ചിത്രം തീയറ്ററില്‍ എത്തിയത്.

ഉദയകൃഷ്ണയാണ് തിരക്കഥ ഒരുക്കിയിരിക്കുന്നത്. സ്‌നേഹ, അമല പോള്‍, ഐശ്വര്യ ലക്ഷ്മി എന്നിങ്ങനെ മൂന്ന് നായികമാരാണ് ചിത്രത്തിലുള്ളത്.
തെന്നിന്ത്യന്‍ താരം വിനയ് റായ് ഒരു പ്രധാന വേഷത്തില്‍ എത്തുന്നുണ്ട്.

ഷൈന്‍ ടോം ചാക്കോ, ദിലീഷ് പോത്തന്‍, സിദ്ദിഖ്, ജിനു എബ്രഹാം, വിനീത കോശി, വാസന്തി തുടങ്ങിയവരോടൊപ്പം മുപ്പത്തിയഞ്ചോളം പുതുമുഖങ്ങളും ചിത്രത്തിലെ വിവിധ കഥാപാത്രങ്ങളെ അവതരിപ്പിക്കുന്നു.