രണ്ടുമാസം വീട്ടുകാർ മുറിയിൽ പൂട്ടിയിട്ടു – പത്തൊമ്പതാം വയസ്സിൽ ചിരഞ്ജീവിയുടെ മകൾ ഒളിച്ചോടിയ കഥ അറിയുമോ?

ഇന്ത്യൻ സിനിമയിലെ തന്നെ എക്കാലത്തെയും വലിയ സൂപ്പർ താരങ്ങളിൽ ഒരാളാണ് ചിരഞ്ജീവി. ഇന്ത്യയിലെ മെഗാസ്റ്റാർ എന്ന് അറിയപ്പെടുന്ന താരം. തെലുങ്ക് സിനിമയിലെ താര പദവിയുടെ അവസാനവാക്കാണ് ഇദ്ദേഹം. സിനിമയിൽ മാത്രമല്ല രാഷ്ട്രീയത്തിലും സമൂഹത്തിലും കാര്യമായ സ്വാധീനം ഇദ്ദേഹത്തിന് ഉണ്ട്. ഒരുപാട് കഷ്ടപ്പെട്ട് ആണ് ഈ പദവിയിൽ താരം എത്തിയത് എങ്കിലും താരത്തിൻ്റെ കുടുംബത്തിലെ മറ്റുള്ളവർ എല്ലാം അങ്ങനെയല്ല സിനിമയിലെത്തിയത്. മെഗാസ്റ്റാർ ചിരഞ്ജീവിയുടെ ലേബലിലാണ് അല്ലു അർജുൻ ഉൾപ്പെടെയുള്ള നടൻമാർ സൂപ്പർതാരങ്ങളായി മാറിയത്.

ശ്രീജ എന്ന് പേരുള്ള ഒരു മകൾ കൂടിയുണ്ട് ചിരഞ്ജീവിക്ക്. അതായത് രാംചരൺ തേജയുടെ സഹോദരി. പഠിക്കുന്ന സമയത്ത് ഇവർ ഒരു പയ്യനുമായി പ്രണയത്തിലായിരുന്നു. പ്രണയം വീട്ടിൽ അറിഞ്ഞതോടെ ഇവരെ രണ്ടുമാസം മുറിയിൽ പൂട്ടിയിട്ടു എന്നാണ് ഇവർ ആരോപിച്ചത്. പിന്നീട് ഒരു അവസരം കിട്ടിയപ്പോൾ വീട്ടിൽനിന്നും ഒളിച്ചോടുകയും കാമുകനെ വിവാഹം ചെയ്യുകയും ചെയ്തു ശ്രീജ.

2007 വർഷത്തിലാണ് ഇത് നടക്കുന്നത്. കാമുകൻ ആകട്ടെ എൻജിനീയറിങ് അവസാന വർഷ വിദ്യാർഥിയും ആയിരുന്നു. ഹൈദരാബാദിലെ ആര്യസമാജം ക്ഷേത്രത്തിൽ വെച്ചാണ് ഇരുവരും വിവാഹിതരായത്. ഇവരുടെ വിവാഹ ദൃശ്യങ്ങൾ തെലുങ്കിലെ എല്ലാ മാധ്യമങ്ങളും ലൈവ് ടെലിക്കാസ്റ്റ് നടത്തിയിരുന്നു. വലിയ അപമാനം ആയിരുന്നു ചിരഞ്ജീവി ഇത് ഉണ്ടാക്കിയത്. ചിരഞ്ജീവി സ്വന്തമായി രാഷ്ട്രീയപാർട്ടി പ്രഖ്യാപിച്ച സമയം കൂടിയായിരുന്നു അത്.

സിരീഷ് ഭരദ്വാജ് എന്നായിരുന്നു കാമുകൻറെ പേര്. “ഞങ്ങൾ കഴിഞ്ഞ നാലു വർഷമായി പ്രണയത്തിലായിരുന്നു. ഞങ്ങൾ പരസ്പര ഇഷ്ടത്തോടെ ആണ് വിവാഹം കഴിക്കാൻ തീരുമാനിച്ചത്. ഞങ്ങളെ മറ്റുള്ളവർ എതിർക്കുന്നത് എന്തിനാണ്? ഞങ്ങൾ മുതിർന്ന രണ്ട് വ്യക്തികൾ ആണ്” – ഇതായിരുന്നു വിവാഹത്തിനുശേഷം ശ്രീജ മാധ്യമങ്ങളോട് പ്രതികരിച്ചത്. എന്നാൽ സുന്ദരമായ ഒരു ജീവിതം ആയിരുന്നില്ല ശ്രീജയെ കാത്തിരുന്നത്. വലിയ കഷ്ടപ്പാടുകൾ ആയിരുന്നു പിന്നാലെ വന്നത്.