ഒടുവിൽ ബോളിവുഡിന് കച്ചിതുരുമ്പായി ബ്രഹ്മാസ്ത്ര. ഒരാഴ്ചകൊണ്ട് ചിത്രം നേടിയ കളക്ഷൻ എത്രയെന്ന് അറിയുമോ? ഇങ്ങനെ പോയാൽ സകല റെക്കോർഡുകളും തകർക്കപ്പെടുമല്ലോ എന്ന് പ്രേക്ഷകർ.

കഴിഞ്ഞ കുറച്ചുകാലമായി ബോളിവുഡ് ബോക്സ് ഓഫീസിൽ ഇഴയുകയായിരുന്നു എന്ന് തന്നെ പറയാം. വലിയ പ്രതീക്ഷയോടെ എത്തിയ പല ചിത്രങ്ങളും തവിടുപൊടിയാകുന്ന കാഴ്ചയായിരുന്നു ഹിന്ദി സിനിമ മേഖലയിൽ കണ്ടത്. അതേസമയം തെന്നിന്ത്യൻ ചിത്രങ്ങൾ ആവട്ടെ വലിയ രീതിയിൽ വിജയം കൊയ്യുകയും ചെയ്തു. ആശയ ദാരിദ്ര്യം തന്നെയായിരുന്നു ബോളിവുഡ് മേഖലയെ ബാധിച്ചത് എന്ന് പറയാം.

ഓ ടി ടി യുടെ ജനപ്രീതിയോടെ കൂടുതൽ നല്ല കണ്ടൻറുകൾ പ്രേക്ഷകരിലേക്ക് എത്തിത്തുടങ്ങി. തെന്നിന്ത്യൻ മേഖലയിൽ നിന്നു കൂടെയുള്ള മികച്ച ചിത്രങ്ങൾ ആയപ്പോൾ അവർ സെലക്ടീവ് ആവാൻ തുടങ്ങി. ഇത് ബോളിവുഡ് മേഖലയെ പിടിച്ചു കുലുക്കുക തന്നെ ചെയ്തു എന്ന് പറയാം. പല സൂപ്പർതാര ചിത്രങ്ങളും അവിടെ പരാജയപ്പെട്ടു. ഏറ്റവും ഒടുവിൽ ബോളിവുഡിൽ പുറത്തിറങ്ങിയ ചിത്രമായിരുന്നു ബ്രഹ്മാസ്ത്ര.

രൺബീർ കപൂർ ആലിയ ഭട്ട് എന്നിവരാണ് ചിത്രത്തിൽ പ്രധാന വേഷങ്ങളിൽ എത്തിയത്. ചിത്രം പ്രദർശനത്തിന് എത്തുമ്പോൾ പലർക്കും ആശങ്ക ഒഴിഞ്ഞിട്ടുണ്ടായിരുന്നില്ല. എന്നാൽ ഇപ്പോൾ ഇതാ അതിനെയൊക്കെ കാറ്റിൽ പകർത്തി മികച്ച വിജയം നേടുകയാണ് ചിത്രം. അക്ഷരാർത്ഥത്തിൽ ബോളിവുഡിന് ഇപ്പോൾ കിട്ടിയ പിടിവള്ളിയായി മാറിയിരിക്കുകയാണ് ബ്രഹ്മാസ്ത്ര.

ചിത്രം പുറത്തിറങ്ങി ഒരാഴ്ച കഴിയുമ്പോൾ ഏതാണ്ട് 300 കോടി രൂപയോളം കളക്ഷൻ നേടിയിട്ടുണ്ട് എന്നാണ് റിപ്പോർട്ടുകൾ. ശിവ എന്ന കഥാപാത്രമാണ് ചിത്രത്തിൽ രൺബീർ കപൂർ അവതരിപ്പിക്കുന്നത്. ഇഷ എന്ന നായിക കഥാപാത്രത്തെ ആലിയ ഭട്ടും അവതരിപ്പിക്കുന്നു. അയാൾ മുഖർജിയാണ് ചിത്രം സംവിധാനം ചെയ്തിരിക്കുന്നത്.