ബോളിവുഡ് താരം ആമിര്‍ ഖാന് കൊവിഡ് പോസിറ്റീവ് ; കൂടെ പ്രവര്‍ത്തിച്ചവര്‍ സ്വയം നിരീക്ഷണത്തില്‍

ബോളിവുഡ് താരം ആമിര്‍ ഖാന് കൊവിഡ് പോസിറ്റീവ് സ്ഥിരീകരിച്ചു. രോഗം സ്ഥിരീകരിച്ച താരം വീട്ടില്‍ ക്വാറന്റൈനില്‍ തന്നെ കഴിയുകയാണിപ്പോള്‍. എല്ലാ കൊവിഡ് മാനദണ്ഡങ്ങളും പാലിച്ചാണ് ഇപ്പോള്‍ കഴിയുന്നത്. അതേസമയം താനിക്ക് മറ്റു കുഴപ്പങ്ങളൊന്നും ഇല്ലെന്നും പൂര്‍ണ്ണ ആരോഗ്യവാനാണെന്നും നടന്‍ അറിയിച്ചു.

അതേസമയം ആമിര്‍ ഖാനുമായി കുറച്ച് ദിവസത്തിനുള്ളില്‍ അടുത്ത ബന്ധം പുലര്‍ത്തിയവരും ഇപ്പോള്‍ സ്വയം നിരീക്ഷണത്തിലാണ്. ഇവര്‍ സ്വയം ടെസ്റ്റെടുക്കണമെന്നും താരത്തിന്റെ സ്‌പോക്ക് പേഴ്‌സണ്‍ അറിയിച്ചു.
ആമിര്‍ ഖാന്‍ വേണ്ട മുന്‍കരുതലുകളെല്ലാം എടുത്തിട്ടുണ്ടെന്നും എല്ലാ പ്രോട്ടോക്കാളുകളും പാലിക്കുന്നുണ്ടെന്നുമാണ് റിപ്പോര്‍ട്ട്.

അദ്ദേഹത്തിന്റെ സ്റ്റാഫുകളോടൊക്കെ റെസ്റ്റ് എടുത്തോളാന്‍ ആവശ്യപ്പെട്ടെന്നും അദ്ദേഹം അറിയിച്ചു. രോഗബാധ പൂര്‍ണ്ണമായും ഭേദപ്പെട്ട ശേഷം ഇപ്പോള്‍ ഷൂട്ടിങ് പുരോഗമിക്കുന്ന ലാല്‍ സിങ് ഛദ്ദയുടെ ചിത്രീകരണം പുനഃരാരംഭിക്കും.

അതേസമയം രാജ്യത്ത് വീണ്ടും കൊവിഡ് ബാധ്യതര്‍ കൂടി വരുന്നതായാണ് റിപ്പോര്‍ട്ട്. ദിനം പ്രതി വര്‍ധിക്കുന്ന കൊവിഡ് കേസുകള്‍ പിടിച്ച് നിര്‍ത്താന്‍ കഴിയാത്ത സാഹര്യത്തിലാണ് ഇപ്പോള്‍ ലോകം ഉള്ളത്. ഒരു തവണ രോഗം വന്ന് പോയവരില്‍ വീണ്ടും രോഗം സ്ഥിരീകരിക്കുന്നുണ്ട്. വാക്‌സിന്‍ കണ്ടെത്തിയെങ്കിലും ഇത് പൂര്‍ണ്ണമായി എല്ലാവരിലേക്കും എത്തി എന്ന് പറയാന്‍ പറ്റില്ല. ഇപ്പോഴും വാക്‌സിന്‍ കൊടുത്ത് കൊണ്ടിരിക്കുകയാണ്.

ഇതിനിടെ ജനങ്ങളുടെ ജാഗ്ര്ത കുറവും രോഗം വര്‍ധിക്കാന്‍ കാരണമായിട്ടുണ്ട്. പലപ്പോഴും മാസ്‌ക് പോലും കൃത്യമായി ധരിക്കാതെയാണ് ജനങ്ങള്‍ പുറത്തേക്ക് പോവുന്നത്.