മലയാളം ബിഗ് ബോസ് സീസൺ നാലിന് അങ്ങനെ തിരശ്ശീല വീണിരിക്കുകയാണ്. നാലാം സീസണിൽ ദിൽഷ പ്രസന്നൻ ആണ് ഷോയിൽ വിജയ് ആയി എത്തിയത്. ആദ്യമായിട്ടാണ് മലയാളം ബിഗ് ബോസിൽ ഒരു വനിത വിജയി ആകുന്നത്. വിജയിയുടെ പ്രഖ്യാപനത്തിന്റെ പിന്നാലെ നിരവധി പേർ ആണ് ആശംസകളുമായി രംഗത്തെത്തിയത്. ഇതിനുശേഷം താരം പ്രേക്ഷകർക്ക് വേണ്ടി ഒരു വീഡിയോ ഇൻസ്റ്റഗ്രാമിൽ പങ്കുവയ്ക്കുകയും ചെയ്തു.
അതേസമയം ചില വിമർശനങ്ങളും ഉണ്ടായിരുന്നു. എന്നാൽ താൻ അതൊക്കെ ആ ഒരു സ്പിരിറ്റിൽ മാത്രമേ എടുക്കുന്നുള്ളൂ എന്നും താരം പറയുന്നു. ഇപ്പോഴിതാ ബിഗ് ബോസ് വീട്ടിൽ നിന്നും തനിക്ക് ലഭിച്ച സുഹൃത്തുക്കൾക്ക് സമ്മാനവുമായി എത്തിയിരിക്കുകയാണ് റോൺസൺ. റിയാസ്, നവീൻ, വിനയ് എന്നിവർക്കാണ് ഇദ്ദേഹം സമ്മാനം നൽകിയത്.
തന്റെ പേരിനൊപ്പം ഇവരുടെ പേരുകൾ ചേർത്തുവച്ച ഒരു സ്വർണ്ണ ബ്രേസ്ലെറ്റ് ആണ് താരം സമ്മാനം നൽകിയത്. താരം തന്നെ ഈ വീഡിയോയും ഫോട്ടോകളും തന്റെ സോഷ്യൽ മീഡിയ പേജ് വഴി പങ്കുവച്ചു. സൗഹൃദങ്ങൾ ഉണ്ടാക്കാൻ വന്നിരിക്കുന്നത് എന്ന് ബിഗ് ബോസ് വീടിനുള്ളിൽ വെച്ച് താൻ പറഞ്ഞിരുന്നു. ബിഗ് ബോസിന് തൻറെ നന്ദി, നല്ല മനസ്സുള്ള ഈ സുഹൃത്തുക്കളെ തനിക്ക് തന്നതിന്. താരം പറയുന്നു.
പിന്നീട് താരം തന്നെ ഓരോരുത്തർക്കും ഈ വളകൾ അണിയിച്ചു നൽകി. എന്തായാലും താരം ചെയ്ത ഈ പ്രവർത്തി പ്രേക്ഷകർ ഏറ്റെടുത്തിരിക്കുകയാണ്. നിരവധി ആളുകളാണ് താരത്തിന് അഭിനന്ദനങ്ങൾ അറിയിച്ചുകൊണ്ട് എത്തുന്നത്. ചേർത്തുപിടിച്ചുകൊണ്ട് താരം പങ്കുവെച്ച ചിത്രങ്ങളും ശ്രദ്ധ നേടുന്നുണ്ട്.