വേര്‍പിരിയാന്‍ കാരണമായേക്കാവുന്ന എല്ലാ സാഹചര്യങ്ങളിലൂടെയും കടന്നുപോയി! വൈറലായി ഭാവനയുടെ വാക്കുകൾ

സൗത്ത് ഇന്ത്യ മുഴുവൻ ആരാധരുള്ള നടിയാണ് ഭാവന. മലയാളത്തിൽ ഇപ്പൊ സജീവമല്ലെങ്കിലും മറ്റുഭാഷകളിൽ താരം തിരക്കിലാണ്. മലയാളികൾക്ക്  പ്രിയങ്കരിയാണ് താരം. ഭാവനയുടെ എല്ലാ വിശേഷങ്ങളും ആരാധകർ ഇരുകയ്യും നീട്ടിയാണ് സ്വീകരിക്കുന്നത്. പ്രണയ ദിനമായ ഇന്ന് താരം പങ്കുവെച്ച പോസ്റ്റ് നിമിഷനേരംകൊണ്ട് വൈരാളിരിക്കുകയാണ്.

‘2011ല്‍ നാം ആദ്യമായി കണ്ടുമുട്ടിയപ്പോള്‍ നീയാകും എന്റെ പ്രണയമെന്ന് ഞാന്‍ കരുതിയതേ ഇല്ല. ഒരു പ്രൊഡ്യൂസറും നടിയും തമ്മിലുള്ള പ്രൊഫഷണല്‍ ബന്ധത്തിന് അപ്പുറം നല്ല സുഹൃത്തുക്കളാകാന്‍ നമുക്ക് അധികം സമയം വേണ്ടി വന്നില്ല. നല്ല പ്രണയങ്ങള്‍ ഏറ്റവും നല്ല സൗഹൃദങ്ങളില്‍ നിന്നാണ് തുടങ്ങുന്നതെന്ന് പറയുന്നത് പോലെ!

നമ്മുടെ പ്രണയത്തിന് 9 വര്‍ഷങ്ങള്‍ തികഞ്ഞിരിക്കുന്നു. വേര്‍പിരിയാന്‍ കാരണമായേക്കാവുന്ന എല്ലാ സാഹചര്യങ്ങളിലൂടെയും നാം കടന്നു പോയിട്ടുണ്ട്. എന്നാല്‍ കൂടുതല്‍ ശക്തമായി അതെല്ലാം പ്രതിരോധിച്ചിട്ടുമുണ്ട്. എല്ലാ പ്രതിസന്ധികള്‍ക്കുമെതിരെ നമ്മള്‍ പോരാടും. നീയായി തന്നെ തുടരുന്നതിന് നന്ദി. അനന്തമായി ഞാന്‍ നിന്നെ പ്രണയിച്ചുകൊണ്ടേ ഇരിക്കുന്നു’ ഭാവന ഇന്‍സ്റ്റഗ്രാമില്‍ കുറിച്ചു