എലിസബത്ത് എന്നേക്കും എന്റേതാണ്; ഭാര്യയ്ക്ക് ഒപ്പം ഡാന്‍സ് ചെയ്യുന്ന പുതിയ വീഡിയോയുമായി നടന്‍ ബാല, നിങ്ങള്‍ക്ക് എന്തെങ്കിലും മാനസിക പ്രശ്‌നമുണ്ടോയെന്ന് സോഷ്യല്‍ മീഡിയ

എന്നും വാര്‍ത്തകളില്‍ ഇടം പിടിക്കുന്ന താരമാണ് നടന്‍ ബാല. കഴിഞ്ഞ കുറച്ച് നാള്‍ മുന്നേ രണ്ടാം ഭാര്യ എലിസബത്തുമായി നടന്‍ വേര്‍പിരിഞ്ഞുവെന്ന തരത്തില്‍ വാര്‍ത്തകള്‍ എത്തിയിരുന്നു.

ബാല ഒരു വീഡിയോയില്‍ പറഞ്ഞ കാര്യങ്ങളായിരുന്നു വാര്‍ത്തകളുടെ ആധാരം. എലിസബത്തുമായി ഡിവോഴ്‌സ് ആകുന്നുവെന്ന തരത്തില്‍ തന്നെയായിരുന്നു ബാല ആ വീഡിയോയില്‍ സംസാരിച്ചത്.

വാര്‍ത്ത വലിയ ശ്രദ്ധ നേടിയതോടെ ഈ വീഡിയോ ബാല ഡിലീറ്റ് ചെയ്യുകയും ചെയ്തിരുന്നു. ഇതോടെ എലിസബത്തുമായി പിരിഞ്ഞോയെന്ന് ആരാധകര്‍ താരത്തിനോട് ചോദിച്ചിരുന്നു.

എന്നാല്‍ തങ്ങള്‍ ഡിവോഴ്‌സ് ആയോ എന്ന കാര്യത്തില്‍ ഇരുവരും വ്യക്തമായ മറുപടി പറഞ്ഞിരുന്നില്ല. ഇപ്പോഴിത ഭാര്യ എലിസബത്തിന് ഒപ്പമുള്ള
പുതിയ വീഡിയോയുമായി എത്തിയിരിക്കുകയാണ് ബാല.

എലിസബത്ത് എന്നേക്കും എന്റേതാണ് എന്ന തലക്കെട്ടോടെയാണ് ഭാര്യ തിരിച്ച് വന്ന സന്തോഷം ബാല പ്രകടിപ്പിച്ചിരിക്കുന്നത്. ബാലയുടെ കൂളിങ് ഗ്ലാസ് ധരിച്ച് എലിസബത്ത് നൃത്തം ചെയ്യുന്നതും വീഡിയോയില്‍ കാണാം. ഇരുവരുടേയും വീഡിയോ ഇതിനോടകം വൈറലാണ്.

വളരെ നാളുകള്‍ക്ക് ശേഷമാണ് ബാലയുടെ വീഡിയോയില്‍ എലിസബത്ത് പ്രത്യക്ഷപ്പെടുന്നത്.എലിസബത്ത് പോയപ്പോള്‍ തന്നെ പരിഹസിച്ചവര്‍ക്കുള്ള മറുപടിയെന്നോണമാണ് ബാല വീണ്ടും എലിസബത്തിനൊപ്പം വീഡിയോയില്‍ പ്രത്യക്ഷപ്പെട്ടിരിക്കുന്നത്.

അതേസമയം വലിയ വിമര്‍ശനമാണ് ബാലയ്ക്ക് എതിരെ ഉയരുന്നത്. ആദ്യം പറയും ഭാര്യ പോയിയെന്ന് പിന്നെ പറയും എന്നെന്നും എന്റെതാണെന്ന് . നിങ്ങള്‍ക്ക് എന്തെങ്കിലും മാനസിക പ്രശ്‌നമുണ്ടോ എന്നാണ് സോഷ്യല്‍ മീഡിയയില്‍ താരത്തിന് എതിരെ ഉയരുന്ന വിമര്‍ശനം.