ദിലീപ് മഞ്ജു വിവാഹ ചിത്രങ്ങള്‍ ! മേക്കപ് ആര്‍ട്ടിസ്റ്റിന് വരെ സങ്കടം തോന്നിയ ആ നിമിഷം!

മലയാള സിനിമയിലെ ഏറ്റവും മികച്ച നടിമാരിൽ ഒരാളായ മഞ്ജു വാരിയർ, ഒരു കാലത്ത് അവരുടെ സമയമായിരുന്നു, കൈ നിറയെ ചിത്രങ്ങൾ, ചെയ്തവയെല്ലാം ഏറ്റവും മികച്ചത്, മഞ്ജു അഭിനയിച്ച ഓരോ ചിത്രങ്ങളും എണ്ണം ഇട്ടു പറയാൻ മലയാളികൾക്ക് സാധിക്കും, വിവാഹ ശേഷം നമുക്ക് മഞ്ജുവിനെ നഷ്ടമായത് 15 വർഷമായിരുന്നു. ആ സമയം അവർ സിനിയമയിൽ നിന്നിരുന്നെങ്കിൽ ഇന്ന് നിൽക്കുന്നതിലും കൂടുതൽ ഉയരങ്ങളിൽ ഒരു പക്ഷെ മഞ്ജു എത്തപെടുമായിരുന്നു…

ഇപ്പോൾ സോഷ്യൽ മീഡിയയിൽ പ്രശസ്ത സെലിബ്രറ്റി മേക്കപ്പ് ആർട്ടിസ്റ്റായ അനില മനസ്സ് തുറക്കുന്നു. നടി പാർവതിയുടെ വിവാഹത്തിന് പാർവതിയെ ഒരുക്കിയാണ് ഇവർ സിനിമ ലോകത്തേക്ക് ചുവട് വെക്കുന്നത്, പിന്നീട അങ്ങോട്ട് മഞ്ജു മുതൽ നയൻ‌താര വരെ അനില മേക്കപ്പ് ചെയ്തിട്ടുണ്ട്.. ഇപ്പോൾ വിവാഹ ദിവസം മഞ്ജുവിനെ ഒരുക്കിയ നിമിഷം ഓർത്തെടുക്കുകയാണ് അനില..

‘മഞ്ജു വാര്യരെ ആദ്യമായി കണ്ടത് ഒരു ഫോട്ടോഷൂട്ടിന് വേണ്ടിയാണ് എന്നത് ഇപ്പോഴും ഓര്‍മ്മയിലുണ്ട്. എന്റെ സുഹൃത്തും കീരിടം ഉണ്ണിയുടെ ഭാര്യയുമായ സര്‍സിജയാണ് മഞ്ജുവിന്റെ മേക്കപ്പ് ചെയ്യാന്‍ വേണ്ടി വിളിച്ചത്. അന്ന് മുതല്‍ വിലമതിക്കുന്ന സൗഹൃദം ഞങ്ങള്‍ തമ്മില്‍ ആരംഭിച്ചു. അപൂര്‍വ്വം ആളുകളില്‍ ഒരാളാണ് മഞ്ജു. വളരെയധികം ആത്മാര്‍ഥതയും സത്യസന്ധതയും ഉള്ള ആളാണ്. മഞ്ജുവിന് വേണ്ടി റിസപ്ഷന്‍ മേക്കപ്പ് ചെയ്ത ദിവസം എനിക്ക് മറക്കാന്‍ കഴിയില്ല.

തിരുവനന്തപുരത്ത് 9 വധുക്കളെ ഒരുക്കിയതിന് ശേഷം ഞങ്ങള്‍ കൊച്ചിയിലേക്ക് വന്നു. എന്നിട്ടാണ് കൃത്യ സമയത്ത് തന്നെ മഞ്ജുവിനെ ഒരുക്കിയത്. സാധാരണയായി ഞാന്‍ ഒരു മണവാട്ടിയെ ഒരുക്കി കഴിയുമ്ബോള്‍ എനിക്ക് തന്നെ സന്തോഷം തോന്നും. പക്ഷേ അന്ന് സന്തോഷത്തിനൊപ്പം ചെറിയ വിഷമം കൂടി കലര്‍ന്നിരുന്നു. കാരണം മലയാള സിനിമയ്ക്ക് നല്ലൊരു നടിയെ കൂടി നഷ്ടപ്പെടാന്‍ പോവുകയാണെന്ന് എനിക്ക് അറിയാമായിരുന്നു. ഞാനുമായിട്ടുള്ള സൗഹൃദത്തിന് മഞ്ജുവിനോട് നന്ദി പറയുകയാണ്. നീ എനിക്ക് എന്നും സ്‌പെഷ്യലായിരിക്കും എന്നും അനില പറയുന്നു.