ബിഗ് ബോസിലേക്ക് ഉണ്ടോ; ഇതിലും ഭേദം എനിക്ക് വട്ടുണ്ടോ എന്ന് ചോദിക്കുന്നതാണ് നല്ലത്, അവതാരികയുടെ ചോദ്യത്തിന് അര്‍ച്ചനയുടെ കിടിലന്‍ മറുപടി

ബിഗ് ബോസ് മലയാളം സീസണിന്റെ മൂന്നാം വരവ് അറിയിച്ചത് മുതല്‍ പ്രേക്ഷകര്‍ക്കും വിശ്രമം ഇല്ല. ആരെക്കെയാണ് രണ്ടാം വേദിയില്‍ എത്തുക എന്ന് ഉറ്റുനോക്കികൊണ്ടിരിക്കുകയാണ് ആരാധകര്‍. ഇതിനിടെ പല
സോഷ്യല്‍ മീഡിയ ആക്ടിവിസ്റ്റുകള്‍, ട്രാന്‍സ് മോഡലുകള്‍, ചലച്ചിത്ര, സീരിയല്‍ രംഗത്ത് പ്രവര്‍ത്തിക്കുന്നവര്‍ തുടങ്ങിയ ആളുകളുടെ പേരുകള്‍ ആണ് സോഷ്യല്‍ മീഡിയ വഴി ഉയര്‍ന്നത്.

ഷോയിലേക്ക് ഏറ്റവും ഒടുവിലായി ആരാധകര്‍ നിര്‍ദ്ദേശിച്ച പേരാണ് അര്‍ച്ചന കവിയുടെത്. ഇതിനുള്ള മറുപടിയായി അര്‍ച്ചനപറഞ്ഞ വാക്കുകള്‍ ആണ് ഇപ്പോള്‍ നടിയുടെ ആരാധകര്‍ ഏറ്റെടുത്തിരിക്കുന്നത്. ചേച്ചി ബിഗ് ബോസിലേക്കുണ്ടോ എന്ന ഒരാളുടെ ചോദ്യത്തിന് ആണ് അര്‍ച്ചന മറുപടി നല്‍കിയത്.’ഇതിലും ഭേദം എനിക്ക് വട്ടുണ്ടോ എന്ന് ചോദിക്കുന്നത് ആയിരുന്നില്ലേ നല്ലത്’ എന്നാണ്. ഇന്‍സ്റ്റയില്‍ സുഹൃത്തും ഒരുമിച്ചു ആരാധകരുമായി സംവദിക്കുന്നതിന്റെ ഇടയില്‍ ആണ് അര്‍ച്ചനയുടെ കിടിലന്‍ മറുപടി.

മോഹന്‍ലാല്‍ അവതാരകനായി എത്തിയിരുന്ന ബിഗ് ബോസ് മലയാളം സീസണിന്റെ രണ്ടാമത്തെ ഷോ കൊവിഡ് പ്രതിസന്ധികാരണം പകുതിയില്‍ നിന്നും അവസാനിപ്പിക്കേണ്ടതായി വന്നിരുന്നു. ആരാധകരില്‍ നിന്നും നല്ല പ്രതികരണം ആയിരുന്നു ഒന്നും രണ്ടും സീസണില്‍ നിന്നും ലഭിച്ചത്.

എന്നാല്‍ ഷോയിന്റെ മൂന്നാം സീസണില്‍ ആരെക്കെയാണ് എന്ന് ഒരു പിടുത്തവും ഇല്ല. നിരവധി താരങ്ങളുടെ പേരുകള്‍ സോഷ്യല്‍ മീഡിയയില്‍ കിടന്ന് കറങ്ങുന്നുണ്ടെങ്കിലും ഇതിന് പിന്നാലെ ഷോയിലേക്ക് ഇല്ലെന്ന് അറിയച്ച് താരങ്ങളും രംഗത്തെത്തിയിരുന്നു. പുതിയ ഷോ എന്നാണ് തുടങ്ങുക എന്ന വിവരം പോലും അണിയപ്രവര്‍ത്തകര്‍ പുറത്തുവിട്ടിട്ടില്ല. അതേസമയം മോഹന്‍ലാല്‍ തന്നെയാണ് അവതാരകനായി എത്തുക എന്നും വ്യക്തമല്ല.