ആൻ്റണി പെരുമ്പാവൂർ മരയ്ക്കാർ ഓടിടിക്ക് നൽകാൻ തീരുമാനിച്ചത് പ്രമോഷന് വേണ്ടി ആയിരുന്നില്ല, കുറുപ്പിന് സംഭവിക്കുന്ന അവസ്ഥ വരരുത് എന്ന് കരുതി ആയിരിക്കും – സമൂഹമാധ്യമങ്ങളിൽ ഉയരുന്ന പ്രേക്ഷക അഭിപ്രായം ഇങ്ങനെ

തിയേറ്ററുകളിൽ നിറഞ്ഞ സദസ്സിൽ പ്രദർശനം തുടരുകയാണ് കുറുപ്പ് എന്ന ചിത്രം. ദുൽഖർ സൽമാൻ കേന്ദ്രകഥാപാത്രത്തെ അവതരിപ്പിക്കുന്ന ചിത്രം ശ്രീനാഥ് രാജേന്ദ്രൻ സംവിധാനം ചെയ്തത്. കൊവിഡ് രണ്ടാം തരംഗത്തിന് ശേഷം റിലീസ് ചെയ്യുന്ന ആദ്യ ബിഗ് ബജറ്റ് ചിത്രം കൂടിയാണ് ഇത്. ചിത്രം ഓൺലൈൻ റിലീസ് ആയി എത്തുമെന്ന തരത്തിൽ ശക്തമായ അഭ്യൂഹങ്ങളുണ്ടായിരുന്നു. എന്നാൽ അതെല്ലാം തള്ളിക്കൊണ്ട് സിനിമയുടെ നിർമ്മാതാക്കൾ എടുത്ത ധീരമായ നടപടി കാരണമാണ് ഇപ്പോൾ തിയേറ്ററുകൾ വീണ്ടും സജീവമായി മാറിയത്. മികച്ച അഭിപ്രായം നേടി മുന്നേറുകയാണ് കുറുപ്പ്.

അതേസമയം മരയ്ക്കാർ അടുത്ത മാസം രണ്ടാം തീയതി തീയേറ്ററിൽ റിലീസ് ചെയ്യും. ഏറെ അനിശ്ചിതത്വത്തിന് ഒടുവിലാണ് സിനിമയുടെ റിലീസ് നടക്കാൻ പോകുന്നത്. സിനിമ ആമസോൺ വഴി റിലീസ് ചെയ്യുമെന്ന് ഇടക്കാലത്ത് ഇവർ ഉറപ്പിച്ചിരുന്നു. നിർമ്മാതാവ് ആൻറണി പെരുമ്പാവൂരും തിയേറ്റർ ഉടമകളും തമ്മിലുള്ള ശീതസമരം കാരണമായിരുന്നു ഇത്തരത്തിലൊരു തീരുമാനം ആൻറണി എടുക്കാൻ തീരുമാനിച്ചത്. എന്നാൽ ആൻറണി നടത്തിയത് വെറും പ്രൊമോഷണൽ ട്രിക്ക് ആണ് എന്ന് ആരോപിച്ചു കൊണ്ട് ഒരു വിഭാഗം ആളുകൾ രംഗത്തെത്തിയിരുന്നു. എന്നാൽ സംഗതി അതല്ല എന്ന ഇപ്പോൾ എല്ലാവർക്കും ബോധ്യമായി കഴിഞ്ഞു. കുറുപ്പ് എന്ന സിനിമയ്ക്ക് എന്താണ് സംഭവിക്കുന്നത് എന്ന് പ്രേക്ഷകർ കണ്ടു കൊണ്ടിരിക്കുകയാണ്.

ഇന്ന് കുറിപ്പ് നിർമാതാക്കളുടെ ഭാഗത്തുനിന്നും ഒരു പ്രഖ്യാപനം വന്നിരുന്നു. ഏതെങ്കിലും തിയേറ്ററിൽ 50 ശതമാനത്തിൽ കൂടുതൽ ആളുകൾ സിനിമ കാണാൻ കയറുന്നുണ്ട് എങ്കിൽ അത് തെളിയിക്കുന്ന വീഡിയോ എടുത്ത് നൽകണമെന്നായിരുന്നു ഇവരുടെ ആവശ്യം. വീഡിയോ എടുത്ത് നൽകുന്നവരുടെ വിവരം രഹസ്യമായി സൂക്ഷിക്കുമെന്ന് നിർമാതാക്കൾ ഉറപ്പുനൽകി. ഇവർക്ക് തക്കതായ പ്രതിഫലം നൽകുമെന്നും നിർമ്മാതാക്കൾ ഉറപ്പുനൽകി. എന്തുകൊണ്ടാണ് ഇങ്ങനെ ഒരു പ്രഖ്യാപനം നിർമ്മാതാക്കൾ പ്രേക്ഷകരോട് നടത്തിയത് എന്ന് അറിയുമോ?

പല തീയേറ്ററുകളും 50 ശതമാനത്തിൽ കൂടുതൽ ആളുകളെ തിയേറ്ററിൽ പ്രവേശിപ്പിക്കുന്നുണ്ട് എന്നാണ് ആരോപണം. എന്നിട്ട് അധികം വരുന്ന കളക്ഷൻ ഇവർ നിർമ്മാതാക്കളിൽ നിന്നും മറച്ചു വെക്കുന്നു. ഇത് തീയേറ്റർ ഉടമകൾ തന്നെ പങ്കെടുക്കുന്നു എന്ന തരത്തിൽ ആരോപണങ്ങൾ സമൂഹമാധ്യമങ്ങളിൽ സജീവമായി നില നിൽക്കുകയാണ്. ഇതിൽ അന്വേഷണം വേണമെന്നാണ് ഇപ്പോൾ സിനിമാ ആസ്വാദകരുടെ ഭാഗത്തുനിന്നും വരുന്ന ആവശ്യം. മരയ്ക്കാർ തീയേറ്ററിൽ റിലീസ് ചെയ്താൽ വലിയ രീതിയിലുള്ള തിരക്ക് ഉണ്ടാവും എന്ന് ഉറപ്പാണ്. നിലവിൽ 50 ശതമാനം ആളുകളെ മാത്രമേ പ്രവേശിപ്പിക്കാൻ സാധിക്കുകയുള്ളൂ എന്നാണ് സർക്കാർ പറയുന്നത്. പക്ഷേ അതിൽ കൂടുതൽ ആളുകളെ തീയേറ്റർ ഉടമകൾ കയറ്റി ആ ലാഭം ഇവർ നിർമാതാവിൽ നിന്നും മറച്ചുവയ്ക്കാൻ സാധ്യത ഉള്ളതുകൊണ്ട് ആയിരിക്കണം ആൻറണി പെരുമ്പാവൂർ ഒരുപക്ഷേ മരയ്ക്കാർ ആമസോൺ വഴി റിലീസ് ചെയ്യുമെന്ന പ്രഖ്യാപനം ആദ്യം നടത്തിയത്. ഇത് ഒരു പ്രമോഷണൽ ട്രിക്ക് ആവാൻ വഴിയില്ല എന്നാണ് പ്രേക്ഷകർ ഇപ്പോൾ കരുതുന്നത്.